PAPPICINI' 3:11 - KITTA' MATANGKASA'

¹¹ LalintakKa' battu! Jagai baji'-baji' apa niaka ri kau ngaseng, sollanna tena tau maraeng akkulle angngalleangko anjo hadia nubetaya.

PAPPICINI' 3:11 Iomraidhean Croise

ZEFANYA 1:14

A'reppese'mi allo pangadelanNa Batara; iyo, sanna'mi a'reppese'na, ba'lalo labattumi silalonna. Anjo alloa sangnging kapacceang, sa'genna manna tantara kaminang barania lammarrang-marrang todong lanri tappu' panrannuanna!

1 KORINTUS 9:25

Inai-nai a'latihang, musti naparrangngipi kalenna ri sangka' rupaya apa-apa. Naia naappakamma anjo lanri ero'na nipakalongi bunga pammetang, iamintu bunga akkullea kalumeng. Mingka ikatte anne niparrangngi kalenta ri sangka' rupaya lanri erotta nipakalongi bunga tenaya nakkulle kalumeng.

FILIPI 4:5

Parallui nacini' ngaseng taua sipa'-sipa' baji'nu ri katallassannu. Nasaba' tasalloami Nalabattu Batara.

2 TIMOTIUS 2:5

Se'rea pakarena olaraga, takkulleai a'jari juara lalang attandinna punna tena naturuki paratorang-paratoranna anjo olaragaya.

2 TIMOTIUS 4:8

Na kamma-kamma anne sadiami hadia pammetangku. Ri Allo Kiamaka sallang, laNapassareammi Batara, Haking adeleka, anjo hadiaya mae ri nakke, lanri assibajikingku siagang Allata'ala lalang ri katallassangku. Siagang teai inakkeji bawang lannarima hadia kammaya anjo, mingka sikontu pole tau sannaka nakku'na antayangi kabattuanNa Batara.

YAKOBUS 1:12

Maupaki tau sa'baraka ri wattunna nataba paccoba. Nasaba' punna akkullemi attahang lalang ri anjo paccobaya, lanatarimami passawallanna, iamintu katallassang le'baka Napa'janjiang Allata'ala mae ri sikamma tau mangngamaseanga ri Ia.

YAKOBUS 5:9

Teako ta'liwakki larronu siagang teako sisalakangi, sollanna tena Nahukkungko Allata'ala. U'rangi! A'reppese'mi hakinga! A'birimmi battu!

PAPPICINI' 1:3

Maupaki tau ambacayai siagang tau allangngerekai biritta napau la'bi rioloa anne kittaka, kammayatompa nanaturuki apa niaka tattulisi' ilalang. Nasaba' tasalloami nalakajariang ngaseng anne sikammaya.

PAPPICINI' 16:15

“Pilangngeri! BattuA' sangkamma palukkaka! Maupaki tau tuli a'jagaya siagang nakatutuia pakeanna, sa'genna tena nassolara' a'jappa siagang tena nasiri'-siri' a'jappa ri dallekanna tau jaia!”

PAPPICINI' 2:10

Teako mallakki mae ri kapa'risanga, tenayamo nasallo namusti nukasia'. U'rangi, angkanaya jaiko lanapantama' Billisika ri tarungkua untu' lanaso'ri. Lasessako sampulo allo sallona. Paralluko tamamminraya ri tappa'nu sa'gennu mate; na iNakke lassareangko katallassang sitojennaya siagang mannannunganga, a'jari hadia ri pammetannu.

PAPPICINI' 2:13

Kuassengi angkana kemaeko ammantang. Lalangko ammantang ri tampa' kakoasanna Billisika. Tamamminrayako mae ri Nakke. Ba'lalo, ri wattunna nibuno Antipas ri Billisika ri dallekannu, iamintu sa'biKu tamamminraya, tena todong nanussassala' angkanaya tappakko mae ri Nakke.

PAPPICINI' 2:25

Mingka ri sa'gengKu battu sallang, paralluko tuli angkatutui apa niakamo ri kau.

PAPPICINI' 22:12

Nakana Isa, “Parhatikangi anne! Tenamo nasallo Kubattu angngerang sawala' untu' lanipa'balassang mae ri sikamma taua situru' apa massing le'baka nagaukang.

PAPPICINI' 22:20

Ia ampabattuai sikammaya anne birittaya angkanami, “Kontutojengi, mattantu labattuA' linta'!” Aming! Battu maKi', o Batara Isa!

PAPPICINI' 22:7

Nakana Isa, “Parhatikangi anne! Tenamo nasallo Kubattu. Maupaki tau amparhatikangai kana-kana nipau la'bi rioloa memang lalang ri anne kittaka!”

PAPPICINI' 3:3

Jari, u'rangi ammotere' apa le'baka nipangngajarrang mae ri kau riolo siagang apa le'bakamo nulangngere'. Gaukangi anjo sikammaya, siagang toba' ngaseng mako battu ri dosa-dosanu. Punna tambangungako, labattuA' mae ri kau sanrapang palukkaka; natanuassenga angkanaya ringngapanna wattua naKulabattu.

PAPPICINI' 4:10

su'ju'mi anjo pamimping ruampuloa angngappa', mae ri anjo ammempoa ri empoang kala'birang, nampa anynyomba mae ri Ia anjo mattallasaka sa'genna satunggu-tungguna. Nampa napasambila ke'nanga massing songko'na mae ri dallekanna anjo empoang kala'biranga, nangkana,

PAPPICINI' 4:4

Na nia' todong ruampulo angngappa' empoang kala'birang maraengang angkulilingi anjo empoang kala'birang se'rea. Anjoreng nia' ammempo ruampulo angngappa' pamimping ammakeang kebo', siagang ammake songko' bulaeng.