PAPPICINI' 22:1 - KITTA' MATANGKASA'

¹ Napicinikiang tomma' anjo malaekaka binanga assarea katallassang je'ne'na. Anjo binangaya accillaki je'ne'na sanrapang kaca a'lo'loroka battu ri empoang kala'biranNa Allata'ala siagang battu ri anjo Ana' Gimbalaka,

PAPPICINI' 22:1 Iomraidhean Croise

PAMMUJI 46:4

manna na'jallo' tamparanga siagang bombang lompo, nannekkere' bulu'-buluka natunrung.

YESAYA 41:18

Kupasolongi je'neka battu ri bulu'-bulu' a'gondoloka; lassuluki je'neka battu ri timbuseng je'neka ri tangnga-tangngana lapparaka. Parang lompoa laKupa'jari kollang; lassuluki je'neka battu ri butta kalotoroka.

YESAYA 48:18

Ebara' angkana nuparhatikangi sikamma parentaKu, lasalewangangko rapang binanga tenaya nale'ba' kalotoro', laupakko rapang bombang ri tamparang tenaya nale'ba' ammari-mari.

YESAYA 66:12

Saba' Nakana Batara, “LaKusareko kasalewangang rapang binanga assolonga; kakalumanynyangnganna bansa-bansaya lanierangi mae ri kau rapang binanga allumpa-lumpaya je'ne'na. Rapangko ana' nipasusua siagang nikalawinga ri amma'na, siagang nisapu-sapua ulunna ri riwaanna.

YEREMIA 17:13

Batara, iKatte panrannuanna Israel, ummatTa; sikontu a'bokoa ri Katte la'jari siri'-siri' ngasengi. Lalanynyaki ke'nanga battu ri anne linoa nampa a'lampa mange ri linona tau matea. Nasaba', iKatte kabattuanna je'ne' katallassanga le'ba' maKi' nabokoi, o Batara.

YEREMIA 2:13

Ruang rupa dosa nagaukang ummakKu: nabokoiA' assarea je'ne' pannallassi ri rupataua; napapparekangi kalenna ke'nanga kalo'bang assabang tenaya nakkulle annahang je'ne' tingkasa'na.”

ZAKHARIA 14:8

Ri anjo alloa, la'lo'loroki je'ne ci'nonga battu ri Yerusalem; tawaruanna anjo je'neka la'lo'loro' mangei ri Tamparang Matea nampa bageruanna pole la'lo'loro' mangei ri Tamparang Tangngaya. La'lo'loroki anjo je'neka tunggala' taung, baji' nawattu bara' kammayatompa ri wattu timoro'.

YOHANES 13:32

Punna nipakala'biri'mo Allata'ala lalang ri KalenNa Ana' Ma'rupataua, lanipakala'biri' tommi ri Allata'ala anjo Ana' Ma'rupataua lalang ri KalenNa todong. Ba'lalo lanipakala'biri'mi linta' ri Allata'ala.

YOHANES 15:26

LaKusuroi battu mae ri kau Pannulung battua ri Manggea. Iamintu Roh, lampa'nyatai katojenganNa Allata'ala. Punna battui, Iami la'jari sa'bi mae ri KalengKu.

YOHANES 4:14

Mingka inai-nai angnginungi je'ne' Kupassareanga, tenamo nalaturere sa'genna satunggu-tungguna. Nasaba' anjo je'ne' laKupassareanga la'jarimi timbuseng je'ne' lalang ri kalenna, tassolonga assulu' na napassareang katallassang satunggu-tunggua.”

LAMPA-LAMPANA 2:33

Niangka'mi nai' ri empoang kaminang tinggia siagang nisaremi koasa ri Allata'ala, nampa Natarima RohNa Allata'ala, le'baka Napa'janjiang Manggea. Na anne apa nulangngereka siagang nucinika kamma-kamma anne iaminjo RohNa Allata'ala, Napaturunga mae ri kambe.

PAPPICINI' 1:1

Ia bonena anne Kittaka, iamintu apa-apa le'baka Napappicinikang Isa Almasi ri passala'na sikontu apa-apa lakajarianga sallang. Napappiassengangi Allata'ala mae ri Almasi sollanna Napabattu Almasi mae ri sikontu atanNa Allata'ala apa-apa tenayamo nasallo namusti kajariang. Nasuromi Almasi a'lampa malaeka'Na mae ri atanNa, iamintu Yohanes, untu' ampappiassengangi mae ri ia anjo apa-apa lakajarianga.

PAPPICINI' 21:11

siagang suara'na kammayatompa kala'biranNa Allata'ala. Accillaki anjo kotaya sangkamma batu paramata, sangkamma batu baiduri moncongbulo sannaka ci'nonna kamma kaca.

PAPPICINI' 21:6

Nampa Nakana, “Le'ba'mi! INakkemi uru-urua siagang kala'busanga; iNakkemi Batara battu ri Pakaramulaya sa'genna ri Kala'busanga. Sikamma tau turerea laKusare cuma-cumai je'ne' inung battu ri timbuseng je'ne' katallassanga.

PAPPICINI' 21:9

Kalase'renna anjo tujua malaeka' anta'galakai pammoneanna anjo tujua bala kala'busang, battui mae ri nakke na nakana, “Maeko! Lakupicinikiangko Buntinga, iamintu bainenNa anjo Ana' Gimbalaka.”

PAPPICINI' 22:17

Nakanamo RohNa Allata'ala siagang Bunting Bainea, “Mae mako!” Sikamma allangngerekai musti angkana tongi, “Mae mako!” Inai-nai turere, battu mako mae! Siagang inai-nai ero' mae mako angngalle cuma-cuma je'ne' katallassang!

PAPPICINI' 22:6

Nampa nakana anjo malaekaka mae ri nakke, “Sikamma anne bicaraya sangnging bicara kontutojeng siagang akkullei nipatappa'. Karaeng Allata'ala iamintu le'baka ampassareangi RohNa mae ri na'bi-na'bia, iami assuroi malaeka'Na untu' ampappiassengangi mae ri ata-atanNa apa-apa tenayamo nasallo namusti kajariang.”

PAPPICINI' 3:21

Ia ammetaya, laKupa'biangi ammempo ri empoang kala'birangKu siagang sipammempoangA' sangkamma Kalengku le'bakamo ammeta siagang kamma-kamma anne siagang ManggeKu ri empoang kala'biranNa.

PAPPICINI' 5:13

Nampa akkelong kulangngere' sikontu anu attallasa' niaka ri langi', ri lino, irawanganna linoa, siagang lalang ri tamparanga; bodona kana sikontu anu attallasa' niaka ri anne linoa akkelong ngasengi angkana, “Ia ammempoa irate ri empoang kala'biranga, siagang anjo Ana' Gimbalaka, Iami nipuji na nipakalompo, kammayatompa nipakala'biri' na makoasa, sa'genna satunggu-tungguna!”

PAPPICINI' 5:6

Nampa nia' kucini' sikayu Ana' Gimbala' ammenteng ri tangnga-tangngana anjo empoang kala'biranga nikulilingi ri anjo appaka anu attallasa' siagang sikontu anjo pamimpinga. Anjo Ana' Gimbalaka sangkammai le'ba' nisamballe nicini'. Nia' tuju tanru'na siagang tuju matanna: iamintu tujua roh battu ri Allata'ala, nisuroa battu mange ri sikontu linoa.

PAPPICINI' 7:17

nasaba' anjo Ana' Gimbala' ammempoa ri tangnga-tangngana anjo empoang kala'biranga la'jari pakalawaki mae ri ke'nanga. Lanirurungangi ke'nanga mae ri timbuseng je'ne' assarea katallassang. Na Allata'ala lassapui sikamma je'ne' matanna ke'nanga.”