PAPPICINI' 21:15 - KITTA' MATANGKASA'

¹⁵ Anjo malaeka' a'bicaraya mae ri nakke nia' takkang bulaenna, untu' napake angngukkuruki anjo kotaya, sikamma pakke'bu' lompoa siagang tembo'na.

PAPPICINI' 21:15 Iomraidhean Croise

YEHEZKIEL 40:3

Naeranga' mange anjoreng, nampa nia' kucini' sitau bura'ne accilla' kamma tambaga ammenteng ri ampi'na pakke'bu' lompoa. Anna'galaki kucini' otere' pa'baku' battu ri kaeng lenang, siagang se're kayu pa'baku'.

ZAKHARIA 2:1

Lalang ri paccini' ribokoangannaya, nia' kucini' sitau bura'ne anna'gala' otere' pa'baku'.

ZAKHARIA 2:2

Akkuta'nanga' ri ia angkana, “Lakekomae?” Appialimi angkana, “Erokka' mange angngukkuruki Yerusalem. Eroki kuasseng angkana siapa la'buna siagang sangkara'na anjo kotaya.”

PAPPICINI' 21:12

Tembo'na attammulili sanna' lompona siagang tinggina; nia' sampulo anrua pakke'bu' lompona, na nijagai ri sampulo anrua malaeka'. Massing nia' tattulisi' ri anjo pakke'bu' lompoa areng-arenna anjo sampuloa anrua suku bansa Israel.

PAPPICINI' 21:16

Anjo kotaya appasagi appaki; sangkammai la'buna siagang sangkara'na. Naukkuru'mi anjo malaekaka anjo kotaya, siagang takkang pangngukkuru'na; a'nassami angkanaya 2400 kilometere' la'buna, sangkara'na siagang tinggina sangkammaji la'buna.

PAPPICINI' 21:21

Anjo sampuloa anrua pakke'bu' lompona iamintu sampulo anrua mutiara; tasse're-se'rea pakke'bu' massing mutiara nipare'. Agang lompona anjo kotaya sangnging bulaeng ti'no' nipare', ci'nong nicini' sangkamma kaca accillaka.

PAPPICINI' 21:25

Latassungkemi sikamma pakke'bu' lompona kotaya sila'busu' allo; tenamo nalatattongko', nasaba' tenamo bangngi anjoreng.