PAPPICINI' 21:12 - KITTA' MATANGKASA'

¹² Tembo'na attammulili sanna' lompona siagang tinggina; nia' sampulo anrua pakke'bu' lompona, na nijagai ri sampulo anrua malaeka'. Massing nia' tattulisi' ri anjo pakke'bu' lompoa areng-arenna anjo sampuloa anrua suku bansa Israel.

PAPPICINI' 21:12 Iomraidhean Croise

2 PATTOTTORANG 9:19

Ri cappa' kairinna siagang cappa' kananna sikamma anjo baringanga massing nia' patung singa, yangasenna nia' 12 patung. Tena le'bakai nia' kadera kammaya anjo manna pole ri kakaraengang kemae.

EZRA 9:9

Ri wattunna ikambe nipare' ata, tena Kibokoi ikambe. IKatte ampagilingi nyawana sikamma karaeng Persia, sa'genna mangngamaseang ke'nanga mae ri kambe, nampa nasare ising ikambe untu' attallasa' siagang ambangungi ammotere' Balla' Passambayanganga mae ri Katte, ia a'jariamo rumbangngang ancuru'. Kijagai ikambe anrinni, ri Yehuda siagang Yerusalem.

NEHEMIA 12:27

Ri wattunna niresmikang tembo' kalli'na kota Yerusalem, nikio' ngasengi sikamma tu Lewia battu ri sikamma tampa' pammantanganna ke'nanga, sollanna akkulle ke'nanga amminawang ampakasuaraki anjo kajarianga siagang kelong-kelong appala' sukkuru', siagang gambusu' na kacapi.

PAMMUJI 122:7

Poro nia' lalo passiamakkang lalang ri daeranu, na kasannangngang lalang ri tampa'-tampa' pattahangngannu.”

PAMMUJI 51:18

Tena Kiero' ri koro'bang nisamballea; ebara' angkana assarea' koro'bang nitunu, tena nalaKingai.

KALAPPASSANG 28:21

Ri tunggala' paramataya musti niukiriki massing arenna tasse'rea suku battu ri anjo sampuloa anrua ana'na Yakub, untu' a'jari pammatei siagang pappiu'rangi mae ri suku-suku Israel.

YESAYA 54:12

Sikamma tembo' pattahangnganga Kubangungi battu ri batu delima, sikamma pakke'bu' lomponu battu ri batu paramata, tembo'-tembo'nu battu ri paramata intang.

YESAYA 60:18

Tenamo kabara'na nikanaya katerassang nigaukang ri pa'rasangannu, nikanaya kaancuranga siagang karuntungang ri daeranu. RapangA' tembo' lanjagaiko, nalanupujiA' a'jari mappasalama'nu.

MATIUS 18:10

“Tutuko! Tea' laloko hinai kalase'renna anne tau ca'di kammaya. Nasaba' u'rangi angkanaya, tuli niaki malaeka'na ke'nanga ri dallekanNa ManggeKu ri suruga. [

LUKAS 15:10

Kamma tomminjo rannuna malaeka'Na Allata'ala, punna nia' se're tau ja'dala' a'jari toba' battu ri dosa-dosana. Patappa'mi anne!”

LUKAS 16:22

Tena nasallo, matemi anjo tau kasi-asia. Nierammi ri malaekaka mange ri tampa' kaminang la'birika, iamintu ri sa'rinna Abraham ri suruga. Tena nasallo pole, mate tommi anjo tau kalumanynyanga nanitarawang.

LAMPA-LAMPANA 26:7

Ia tomminjo janjia le'ba' naminasai dudu sampuloa anrua suku bansa Israel. Sa'genna assambayang ke'nanga ri Allata'ala allo bangngi. Na lanri tappakku mae ri anjo janjia, Karaeng Tunipakala'birika, iaminjo nakunapassala mamo tu Yahudia.

IBRANI 1:14

Jari punna kamma, apai sikontutojenna anjo malaeka'-malaekaka? Anjo ke'nanga, iamintu roh-roh allayaniai Allata'ala, siagang nisuroa ri Allata'ala antulungi sikontu tau lannarimaya kasalamakkang.

PAPPICINI' 21:13

Nia' tallu pakke'bu' lompo a'dalle' mae ri appaka kabattuang: tallu irayangang, tallu timborangang, tallu warakkangang, siagang tallu laukangang.

PAPPICINI' 21:15

Anjo malaeka' a'bicaraya mae ri nakke nia' takkang bulaenna, untu' napake angngukkuruki anjo kotaya, sikamma pakke'bu' lompoa siagang tembo'na.

PAPPICINI' 21:25

Latassungkemi sikamma pakke'bu' lompona kotaya sila'busu' allo; tenamo nalatattongko', nasaba' tenamo bangngi anjoreng.

PAPPICINI' 22:14

Maupaki tau antangkasiai jubana sa'genna tangkasa'. Iaminjo ke'nanga lanipa'biang langkanrei rapponna anjo poko' katallassanga, siagang la'jappa antama' ri anjo kotaya, angngolo ri pakke'bu' lompona.