PAPPICINI' 21:11 - KITTA' MATANGKASA'

¹¹ siagang suara'na kammayatompa kala'biranNa Allata'ala. Accillaki anjo kotaya sangkamma batu paramata, sangkamma batu baiduri moncongbulo sannaka ci'nonna kamma kaca.

PAPPICINI' 21:11 Iomraidhean Croise

AYUB 28:17

Bulaenga siagang kaca alusu' takkulleai sangkamma anggaranna, takkulleai nibayara' siagang paramata bulaeng toa.

YESAYA 4:5

Nampa irateanna Bulu' Sion siagang sikamma tau niaka a'rappung anjoreng, laNapa'niaki Batara rammanga ri wattu allo, siagang umbu na pepe' a'rinra ri wattunna bangngi. KalenNa Allata'ala lalang koasaNa lalla'langi siagang lanjagai sikontu anjo kotaya.

YEHEZKIEL 1:22

Irateanna anjo apa-apa attallasaka nia' ta'bantang sangkamma pattongko' battu ri kaca accillaka.

YEHEZKIEL 1:26

Irate ri anjo pattongkoka nia' kucini' kamma empoang karaeng nipareka battu ri batu nilang, nampa irate ri anjo empoanga nia'mo kucini' ammempo sangkamma tau.

YEHEZKIEL 28:16

Tenamo sawenu napakamma a'balu-balu', siagang iaminjo angngerangko mange ri katerassanga siagang dosaya. Jari kubongka mako battu ri bulu' matangkasakKu, siagang malaeka' pajaganu angngembako battu ri tangnga-tangngana anjo paramata accillaka.

YEHEZKIEL 43:2

siagang anjoremmi nia' kucini' caya accilla' battu raya, iamintu tanra kahaderanNa Allata'alana Israel. Kalangngerammi sa'ranNa Allata'ala sangkamma gamarrunna bombanga ri tamparang, siagang accilla'-cillaki buttaya lanri singara' kahaderanNa Allata'ala.

YEHEZKIEL 48:35

Sikontu anjo temboka la'buna 9 kilometere'. Na appakkaramula anjo wattua anjo kotaya naaremmi taua: “BATARA NIAKI ANJORENG!”

PAPPICINI' 15:8

Jari rassimi Balla'Na Allata'ala siagang umbu kala'biranNa siagang kakoasanNa Allata'ala. Siagang ilalang tenanapa nacappu' anjo tujua bala, iamintu bala naeranga anjo tujua malaeka', tena manna sitau akkulle antama' ri Balla'Na Allata'ala.

PAPPICINI' 22:1

Napicinikiang tomma' anjo malaekaka binanga assarea katallassang je'ne'na. Anjo binangaya accillaki je'ne'na sanrapang kaca a'lo'loroka battu ri empoang kala'biranNa Allata'ala siagang battu ri anjo Ana' Gimbalaka,

PAPPICINI' 22:5

Tenamo nalaparallu ke'nanga ri lampu yareka ri singara'na mataalloa, nasaba' latenamo bangngi kammayatompa nasaba' KalenNami Karaeng Allata'ala lansingari ke'nanga. Nalammarentamo ke'nanga, a'jari karaeng sa'genna satunggu-tungguna.

PAPPICINI' 4:3

Accayai rupanna anjo taua sangkamma paramata baiduri pandang siagang paramata delima. Nia' tarawe kammaya samru' tanja'na angkaluki anjo empoang kala'biranga.

PAPPICINI' 4:6

Nia' todong ri dallekanna anjo empoang kala'biranga sangkammaya nicini' tamparang kaca, sannaka ci'nonna nicini'. Ri tammulilina anjo empoang kala'biranga, iamintu ri sikamma sa'rinna, nia' appa' anu attallasa', sannaka jaina matanna ri dallekanna siagang ri bokona.