PAPPICINI' 20:9 - KITTA' MATANGKASA'

⁹ Ta'bage-bagemi ke'nanga a'la'bang mae ri sikontu linoa, nampa nakurung pammantanganna Umma'Na Allata'ala siagang kota Nakamaseanga Allata'ala. Mingka naummi pepeka battu ri langika nampa naancu'-ancuru' ke'nanga.

PAPPICINI' 20:9 Iomraidhean Croise

PA'JARIANG 19:24

Ti'ring appaturummi Batara bosi bara pepe' irateanna kota Sodom siagang Gomora.

2 KARAENG-KARAENG 6:15

Ammukona, ri bari'basa' dudua ri wattunna ambangung siagang assulu' palayanna Elisa, nacini'mi tantara Siria angkurungi anjo kotaya, sangka' siagang jarang na kareta pa'bundukanna ke'nanga. Jari ammotere'mi mange ri Elisa angkana, “Ballasa' maki' bapa'! Apa musti nigaukang?”

AYUB 38:18

Maka akkulleko angkira-kirai luara'na linoa? Appiali mako punna nuassengi.

PAMMUJI 106:18

Turungi pepeka antamberoi kalompo'na ke'nanga, ampakamutungi sikontu tau dorakaya.

PAMMUJI 87:2

Battu ri sikontu kota ri Israel Yerusalem kaminang Nakamaseang.

PAMMUJI 97:3

A'la'baki pepeka ri dallekanNa, Napakamutungi musu niaka akkuliling.

YESAYA 30:33

Battu riolo iji nale'ba'mo nipasadia tampa' pattunuanna karaeng Asyur. Anjo tampaka lantangi naluara', rassi kayu tunuang attambung-tambung. LaNaparinrai Batara nampa nappasa'Na Napatui' sangkamma batu a'rinra assulu' ri nappasa'na.

YESAYA 37:36

Anjo bangngia battumi malaeka'Na Batara ri kemana tu Asyur na nabuno 185.000 jaina tantarana. Ammukona bari'basa' tassia'-siara'mi anjo maya'na ke'nanga.

YEHEZKIEL 38:16

Nampa nubunduki ummakKu Israel rapang anging lompo antujui buttaya. Punna narapi' sallang wattunna, laKukiringko mange angngempoi buttaKu. Lanri tindakangKu tete ri kau, he Gog, lanaassemMa' bansa-bansaya angkanaya inaiA' anne, iamintu Allata'ala matangkasaka.

YEHEZKIEL 38:22

LaKuhukkungi siagang garring kammayatompa cera' assolong. Bosi lompo, bosi es, pepe' siagang batu a'bara laKutumpa mae ri ia siagang tantarana kammayatompa mae ri sikamma tantara naaganga sita'gala'.

YEHEZKIEL 38:9

Ia siagang tantarana siagang jaia bansa anrurungangi labattui ambunduki, rapang anging lompo battua ambunduki siagang rapang rammang antongkoki sikontu anjo pa'rasanganga.”

YEHEZKIEL 39:6

Lappa'niakKa' pepe' akkanre ri butta Magog siagang ri sikamma biring tamparanga, ri daera amanga siagang sannanga katallassanna pandudu'na. Jari naasseng ngasemmi ke'nanga angkanaya iNakkemi Batara.

MIKHA 2:13

LanynyungkeA' oloang nampa Kuerangko assulu' battu ri pammelakkanga. Lanulappoi pakke'bu'-pakke'bu' lompoa nampa bebasakko a'lampa. INakke KalengKu, Batara, Karaennu, siagang iNakke lampimpingko assulu'.”

HABAKUK 1:6

Bansa Babel sekkeka siagang pallaka laKupa'jari bansa makoasa. A'barrisiki ke'nanga assulu' battu ri pa'rasanganna nampa najappai sikontu linoa untu' ambetai bansa-bansa maraenga.

PAMMILANGNGANG 11:1

Ri se'reang allo appakkaramulami bansa Israel akkunrareng mae ri Batara passabakkang sikamma kasukkarranna ke'nanga. Nalangngere'na kunrarenna ke'nanga, larromi Batara siagang appabattumi pepe' mae ri ke'nanga. Anjo pepeka a'lemere'mi ri tangnga-tangngana ke'nanga na nakanre sa'genna ammutung sipa'gang pakkemaanna ke'nanga.

PAMMILANGNGANG 16:35

Nampa appabattumo pepe' Batara na nakanre sa'genna ammutung anjo 250 tau assarea dupa.

LUKAS 17:29

Mingka ri wattunna assulu' Lot battu ri kota Sodom, anjo alloa battumi pepeka siagang turummi bara-bara pepeka battu rate ri langika angngancuru' ngasengi ke'nanga.

LUKAS 19:43

Nia' sallang se're wattu nabattu musunnu ampangngalakkiko ri tammulilinu; lanakurungko ke'nanga, siagang lanabundukiko battu ri sikontu oloang niaka ri tammulilinu.

LUKAS 21:20

“Punna nucini' sallang nitammulili kota Yerusalem ri surudadu, lanuassemmi angkanaya tasalloami nalaruntung anjo kotaya.

LUKAS 9:54

Anjo passalaka naassemmi ana'-ana' gurunNa Isa, iamintu Yakobus siagang Yohanes. Jari nakanamo ke'nanga ri Isa, “O Batara, maka erokKi' nanipala' pepeka naung battu ri langika anghukkung ngasengi anne taua?”

PAOLE 23:14

Karaeng Allata'alanu anrurungangko lalang ri pakkemaanga untu' alla'langngiko siagang untu' assareko pammetang mae ri musu-musunnu. Jari, jagai sollanna tuli matangkasa' pakkemaannu. Teako nia' apa-apa tenaya nasiratang ri alla'nu, sollanna tena Nabokoiko Batara.”

2 TESALONIKA 1:8

kammayatompa pepe' a'rinra-rinraya. Manaungi untu' anghukkungi tau tenaya naero' anjampangi Allata'ala, siagang tau tenaya naero' mappilangngeri ri Kabara' Bajika ri passala'na Isa Almasi Batarata.

IBRANI 13:13

Lanri kammana, mae mako nakia'lampa mae ri Ia, ri pantaranganna pa'balla'-ballakanga, nakimminawang todong nihina siagang Ia.

PAPPICINI' 11:5

Punna nia' tau ancoba-cobai a'gau' kodi mae ri ke'nanga, lassulu'mi battu ri bawana ke'nanga pepe' akkullea angngancuruki musu-musunna. Kammaminjo carana nanabuno sikamma tau eroka ampa'ri'-pa'risi ke'nanga.

PAPPICINI' 13:13

Anjo olo'-olo' makaruaya appa'nia'mi siapa are panggaukang sanna' lompona siagang sannaka appakalannasa'na. Appaturummi pepe' battu rate ri langika naung ri buttaya, ri dallekanna sikontu rupataua.