PAPPICINI' 20:8 - KITTA' MATANGKASA'

⁸ nala'lampamo natipu bansa-bansa tassiaraka ri sikontu linoa iamintu Gog siagang Magog. Nipa'rappungammi ri Billisika ke'nanga untu' a'bundu'; sanna' jaina ke'nanga, sanrapangi kassi' ri tamparanga jaina.

PAPPICINI' 20:8 Iomraidhean Croise

1 KARAENG-KARAENG 4:20

Ra'ya' Yehuda siagang ra'ya' Israel sanrapangi kassika ri biring tamparang jaina. Anggannaki ke'nanga ri kanre siagang ri inungang kammayatompa sannangi katallassanna ke'nanga.

2 PATTOTTORANG 18:21

Appialimi anjo roh sumpaenga angkana, ‘La'lampa' mange siagang lakusuroi sikontu na'bina Ahab a'balle-balle.’ Nakanamo Batara, ‘Baji'mi, gaukammi anjo kammaya, lakkulleko anynyonyoki.’ ”

YESAYA 10:22

Manna pole kamma-kamma anne sangkamma jaina kassika ri tamparang anjo jaina tu Israel, mingka siapa are mami jaina lammotere'. A'reppese'mi hukkunganNa Batara, na memang siratangi siagang adeleki punna nipanraki anjo bansaya.

YEREMIA 33:22

LaKutambai jari-jarina atangKu Daud siagang imang-imang suku Lewi, sa'genna anjo ke'nanga a'jari rapangi kassi' ri biring tamparanga jaina siagang bintoenga ri langika tenaya nakkulle nirekeng jaina.”

YEHEZKIEL 38:1

Nakana Batara ri nakke,

YEHEZKIEL 38:2

“He tau, tunrai Gog, iamintu karaeng battua ri pa'rasangang Mesekh siagang Tubal ri butta Magog.

YEHEZKIEL 39:1

Nakana Batara Kaminang Tinggia, “He tau, ancangi Gog, karaeng lompo battua ri pa'rasangang Mesekh siagang Tubal, siagang pauangi angkanaya iNakke anne musunna.

YEHEZKIEL 39:6

Lappa'niakKa' pepe' akkanre ri butta Magog siagang ri sikamma biring tamparanga, ri daera amanga siagang sannanga katallassanna pandudu'na. Jari naasseng ngasemmi ke'nanga angkanaya iNakkemi Batara.

YEHEZKIEL 7:2

“He tau, iNakke, Batara Kaminang Tinggia, eroki Kupabattu anne mae ri butta Israel angkana: Iaminne kala'busanna riwaya'na sikontu anne pa'rasanganga!”

IBRANI 11:12

Manna pole nakanamo tulamate duduamo kalenna Abraham anjo wattua, mingka battu ri iami ammumba jaia sossorang, tenaya nakkulle nibilang jaina – sanrapanga bintoeng ri langi' yareka kassi' ri biring tamparang jaina.

PAPPICINI' 12:9

Nipela'mi anjo naga lompoa assulukang! Iami anjo ulara' toaya niarenga Billisi' yareka Roh Ja'dalaka, antipuai sikontu linoa. Nipela'mi naung ri linoa siagang sikontu malaeka'na.

PAPPICINI' 16:14

Iaminjo ke'nanga roh-roh ja'dalaka, appareka panggaukang appakalanna'-lannasa'. A'lampami anjo tallua roh mae ri sikontu karaenga ri sikontu linoa nampa napa'rappungang ke'nanga untu' a'bundu' ri Allo lompoa, iamintu AllonNa Allata'ala Kaminang Koasaya.

PAPPICINI' 20:10

Nampa nipasambila anjo Billisi' antipuai ke'nanga antama' ri tamparang pepeka siagang bara a'rinraya. Anjoremmi rolong nipela' anjo olo'-oloka siagang na'bi takontutojenga. Tammari-mariai ke'nanga lanisessa allo bangngi sa'genna satunggu-tungguna.

PAPPICINI' 20:3

Nampa napela' malaekaka anjo nagaya antama' ri tubiri'na kamateanga, nampa nakonci siagang nasegele' anjo tubirika sollanna tenamo nakkulle antipui bansa-bansaya ilalang tenanapa nala'busu' anjo wattu sisa'bua taung. Le'baki anjo nilappassammi ammotere' untu' poro sinampekang.

PAPPICINI' 7:1

Le'baki anjo, nia'mo kucini' appa' malaeka' ammenteng ri appaka panyingkulu'na buttaya. Natahammi ke'nanga appaka anging ri buttaya sollanna tena namammiri' mange ri bontoa, yareka ri tamparanga, yareka mange ri poko'-poko' kayua.

HAKING-HAKING 7:12

Anjo tu Midian, Amalek siagang tu battua ri parang kassika, tassia'-siaraki ri kere-kere mae anjoreng ri lapparaka. Sangkammai nicini' katimbang a'rappunganga. Unta-untana ke'nanga sanna' jaina sanrapang kassi' ri biring tamparang.

1 SAMUEL 13:5

Na lalanna anjo wattua, a'rappungang tommi tu Filistin untu' ambunduki tu Israel. Nia' 30.000 kareta bundu'na ke'nanga, 6.000 tau a'jarang, siagang tantara sanrapang kassika ri tamparang jaina. Appareki kema ke'nanga ri Mikhmas, ri bageang rayanganna Bet-Awen.