PAPPICINI' 2:7 - KITTA' MATANGKASA'

⁷ Inai-nai akkulle allangngere', parallui naparhatikang anjo apa Napaua RohNa Allata'ala mae ri jama'ah-jama'aka! Ia ammetaya, laKukellai angkanrei rapponna poko' katallassanga, attimboa lalang ri KokonNa Allata'ala.”

PAPPICINI' 2:7 Iomraidhean Croise

PA'JARIANG 2:9

Napatimbomi Karaeng Allata'ala sangka' rupa poko'-poko' ga'ga, bajika rapponna. Ri tangnga-tangngana anjo kokoa nia'mo attimbo poko' assarea katallassang, siagang poko' assarea pangngassengang ri passala'na bajika siagang kodia.

PANGNGEBARANG 11:30

Tau bajika lanikatutui tallasa'na; tau cara'deka lakatambangi tau amminawanga ri ia.

PANGNGEBARANG 13:12

Punna tanigappaya apa niminasaya, ta'ronangi nyawaya; punna nigappa apa nikaerokia, sunggui pa'maika.

PANGNGEBARANG 15:4

Kana-kana bajika annambai sumanga', kana-kana appakapa'risika nyawa, allammai pattujuang.

PANGNGEBARANG 3:18

Tau manna'gala' jarreka ri kacara'dekanga lanakasiaki katallassang sitojennaya siagang mate'nea.

YEHEZKIEL 28:13

Tampa' pammantangannu ri Eden, iamintu kokonNa Allata'ala. Pakeannu nibelo-beloi sangka' rupa paramata: paramata batu delima siagang intang, topasa', batu pirusu', batu yaku', ratna, campaka, batu nilang, samru' siagang batu alkali eja. Belo-belo bulaennu jai todong. Anjo barang-barang kammaya nipareki untu' ikau ri allo nipa'jarinu.

YEHEZKIEL 31:8

Poko'-poko' camara ri Eden, kokonNa Allata'ala takkulleai nipasangkamma siagang ia. Tena camara akkulle ambetai, tena poko' kayu la'bu kamma tangkenna. Tojeng, ri kokonNa Allata'ala tena poko' kayu sangkamma ia ga'gana.

MATIUS 11:15

Jari punna nia' tolinnu, pilangngerimi!

MATIUS 13:43

Na sikontu tau anggaukangai ero'Na Allata'ala laccayami sanrapang mataalloa lalang ri Lino BeruNa Allata'ala, a'jaria Manggena ke'nanga. Jari, punna nia' tolinnu, pilangngerimi baji'-baji'!”

MATIUS 13:9

Le'ba'na Nacarita Isa anjo pangngebaranga, Nakanamo Isa ri ke'nanga, “Inai-nai nia' tolinna, pilangngerimi baji'-baji'!”

MARKUS 4:9

Le'baki Nacarita Isa anjo pangngebaranga, Nakanamo, “Nasaba' nia' ngaseng tolinnu, pilangngerimi!”

MARKUS 7:15

Teai apa-apa battu pantaraka antama' ri bawana taua ampa'jari ra'masaki se'rea tau. Passangalinna apa-apa assuluka battu ri bawana taua iamintu akkulle ampa'jari ra'masaki se'rea tau. [

MARKUS 7:16

Jari, punna nia' tolinnu, pilangngerimi.]”

LUKAS 23:43

Nakanamo Isa ri ia, “Tappa' mako, angkanaya anne alloa lassiagang maki' antama' ri Firdaus.”

LUKAS 8:8

Mingka nia' todong bine takkioro' ri butta copponga, nampa attimbo, na'lappi sibilangngang rapponna.” Le'baki Nacarita Isa anjo pangngebaranga, Nakanamo Isa, “Punna nia' tolinnu pilangngerimi!”

YOHANES 16:33

Kupau ngasengi anne mae ri kau, sollannu anggappa salewangang lanri asse're ngasengko siagang iNakke. Lasessako lalang ri linoa. Mingka jarreki pa'mai'nu! Le'ba'mi Kubeta anne linoa!”

1 KORINTUS 2:10

Mingka le'ba'mi Napappiassengang RohNa Allata'ala mae ri katte. Iami anjo RohNa Allata'ala ansalidiki ngasengi sikontu apa-apaya, sa'genna pole rancanaNa Allata'ala kaminang taccokkoa.

1 YOHANES 2:13

Kutulisiki mae ri kau ngaseng sikamma bapa'-bapakku, nasaba' nuassemmi anjo Ia niaka memammo battu ri pakkaramulanna. Kutulisiki mae ri kau ngaseng, sikamma ana'-ana' rungkaya, nasaba' le'ba'mi nubeta anjo I Ja'dala'.

PAPPICINI' 13:9

Lanri kammana, punna akkulle ngasengko allangngere', pilangngerimi anne birittaya:

PAPPICINI' 14:13

Nampa nia' kulangngere' sa'ra battu ri suruga angkana, “Tulisiki anne: Maupaki tau matea appakkaramula ri kamma-kamma anne, ilalang nalayanina Batara!” Appialimi RohNa Allata'ala angkana, “Annabai! Lammari ke'nanga anjama terasa', lanri tuli nia'na wassele' palayananna ke'nanga anrurungangi.”

PAPPICINI' 15:2

Le'baki anjo nia'mo kucini' apa sangkammaya nicini' tamparang kaca accampuruka pepe'. Kucini' tommi tau le'bakamo ammeta ri anjo olo'-oloka siagang patunna, siagang ammetayamo mae ri anjo tau nibateia lomoro' arenna. Ammenteng ngasemmi anjo tau ammetayamo ri birinna tamparang kacaya, nanata'gala' kacapi Napassareanga Allata'ala mae ri ke'nanga.

PAPPICINI' 2:11

Inai-nai akkulle allangngere', parallui naparhatikang anjo apa Napaua RohNa Allata'ala mae ri jama'ah-jama'aka! Ia ammetaya, tena sikali nalasessa apa-apa ri kamateang makaruaya.”

PAPPICINI' 2:17

Inai-nai akkulle allangngere', parallui naparhatikang anjo apa Napaua RohNa Allata'ala mae ri jama'ah-jama'aka! Ia ammetaya, laKukellai angkanrei kanre taccokkoa; siagang massing lanatarimai battu ri Nakke se're batu kebo'. Lalang ri anjo batua nia' tattulisi' areng beru, tenaya naassengi rupataua, pantaranganna tau antarimayai.”

PAPPICINI' 21:7

Tau ammetaya lanatarima ngasengi yangasenna anjo battu ri Nakke. INakke la'jari Allata'alana siagang ia la'jari anakKu.

PAPPICINI' 22:14

Maupaki tau antangkasiai jubana sa'genna tangkasa'. Iaminjo ke'nanga lanipa'biang langkanrei rapponna anjo poko' katallassanga, siagang la'jappa antama' ri anjo kotaya, angngolo ri pakke'bu' lompona.

PAPPICINI' 22:17

Nakanamo RohNa Allata'ala siagang Bunting Bainea, “Mae mako!” Sikamma allangngerekai musti angkana tongi, “Mae mako!” Inai-nai turere, battu mako mae! Siagang inai-nai ero' mae mako angngalle cuma-cuma je'ne' katallassang!

PAPPICINI' 22:2

angngoloa ri tangnga-tangngana agang lompona anjo kotaya. Ri biring pimbali-baliNa anjo binangaya, nia' poko' katallassang, pissampuloa anrua a'rappo lalanna sitaung, iamintu sikali sibulang. Leko'na nipakei untu' amballei bansa-bansaya.