PAPPICINI' 2:23 - KITTA' MATANGKASA'

²³ Sikamma ana' gurunna laKubuno ngaseng tongi, sollanna nasadari ngaseng jama'aka angkanaya iNakkemi anne angngasseng ngasengi pikkiranna siagang nawa-nawanna rupataua. LaKubalasa' ngasengko situru' massing-massing panggaukannu.

PAPPICINI' 2:23 Iomraidhean Croise

1 PATTOTTORANG 17:18

Apapi pole akkulle kukana mae ri Katte, o Karaeng Allata'ala? Kiassengi sikontu katallassanna anne atanTa, mingka Kisarea' kala'birang.

1 PATTOTTORANG 28:9

Nampa nakana Daud mae ri Salomo, “Anakku, parallui nuakui Allata'ala nasombaya manggenu, salaku Allata'alanu. Musti anynyombako mae ri Ia situlusu'na atinnu. Nasaba' Naasseng ngasengi sikontu pikkiranta siagang apa nakaerokia atinta. Punna nuboyai, lanubuntuluki, mingka punna nubokoi, laNasorongbokoko sa'genna satunggu-tungguna.

1 PATTOTTORANG 29:17

Kuassengi angkanaya Kiso'ri massing-massing atinna taua, siagang Kingai tau tangkasaka atinna. Lalang ati matulusu' siagang sannang nakupassareang yangasenna anne mae ri Katte. Kusa'bimi antekamma batena a'rappungang ummatTa anrinni angngerang passare mae ri Katte situlusu' atinna.

2 PATTOTTORANG 6:30

poro Kipilangngeri battu ri pammantanganTa ri suruga siagang Kipamopporangi ke'nanga. IKatteji bawang angngassengi atinna rupataua. Lanri kammana anjo Kibalasa'mi mae ri tunggala' taua situru' massing panggaukang-panggaukanna,

AYUB 24:23

Allata'ala assarei tallasa' salewangang, mingka tenammarina Najannangngi.

PAMMUJI 139:1

Untu' pamimping pakelong. Pammuji battu ri Daud. O, Batara, iKatte antarrusia' siagang angngassenga'.

PAMMUJI 26:2

Kiparessama', o, Batara, siagang Kiso'rima', paressami kaerokangku siagang nawa-nawangku.

PAMMUJI 44:21

Ebara' angkana tenamo nanynyomba ikambe ri Allata'ala, passangalinna appala' doammi ri allata'ala maraeng,

PAMMUJI 62:12

Pissiapammi kulangngere' Allata'ala angkana, anjo kakoasanga battu ri Ia,

PAMMUJI 7:9

IKatte angngadeli umma' rupataua; Kisarea' kaadelang, o Batara, saba' tena kusala.

YEREMIA 11:20

Nampa appala' doamma' angkana, “O Batara Kaminang Koasaya, iKattemi haking adeleka; iKatte angngassengi pikkiranna siagang atinna taua. Anne parkaraku kubuangi mae ri Katte. Poro akkulle laloi kucini' angkanaya iKatte ambalasaki panggaukanna sikamma anjo taua.”

YEREMIA 17:10

INakke, Batara, ansalidiki atia, Kuso'ri pa'mai'na rupataua. Tunggala' taua laKubalasaki situru' panggaukanna siagang Kugauki situru' panggaukanna.”

YEREMIA 20:12

Mingka, o Batara Kaminang Koasaya, Kiso'ri rupataua siagang adele'; Kiassengi atinna siagang pikkiranna ke'nanga. Lanri kammana Kisare laloa' pangngellai ancinikKi' ambalasaki kaja'dallanna musua nasaba' kubuammi mae ri Katte parkaraku.

ZEFANYA 1:11

Appiraungko siagang angngarru' mako ri wattu nulangngere'na anjo sa'ra kammaya, he pandudu' kota bageang irawaya, nasaba' sikontu padangganga siagang tau appappinranga doe' le'ba' kabusu'mi nibuno!

MATIUS 16:27

Tasalloami Nabattu Ana' Ma'rupataua siagang kakoasanNa ManggeNa, nirurungang ri malaeka'-malaeka'Na. Iaminjo wattua naNabalasa' massing panggaukanna rupataua.

LUKAS 16:15

Mingka Nakanamo Isa ri ke'nanga, “Ikau ngaseng mintu bajika ngaseng nicini' ri dallekanna tau maraenga, mingka Naassengi Allata'ala bonena atinnu. Nasaba' apa nacini' tinggia rupataua iami Nacini' tuna Allata'ala.

YOHANES 21:17

Akkuta'nammi pole Isa makapintallunna ri ia, Nakana, “Simon, ana'na Yona, maka nukamaseangA'?” A'jari si'nami atinna Petrus, lanri pintallummi akkuta'nang Isa ri ia. Jari appialimi pole Petrus nakana, “O Batara, sikamma apa-apaya Kiasseng ngasengi Batara. Kiassengi angkanaya kukamaseangKi' Batara!” Nakanamo pole Isa ri ia, “Parakaimi gimbalakKu ngaseng.

YOHANES 4:16

Nakanamo Isa, “A'lampamako, kioki bura'nennu, nampa ammoterekko mae anrinni.”

LAMPA-LAMPANA 1:24

Nampa appala' doang ke'nanga. Nakana ke'nanga, “O Batara, iKatte angngasseng ngasengi atinna sikontu rupataua. Tu'guru'mi Yudas battu ri empoanna salaku tunisuroTa, siagang matemi. Jari Kijo'jokang sai ikambe, kereanga ri anne tau ruaya Kipile antarimai anne jama-jamanga, ansambeangai Yudas.”

ROMA 14:12

Jari musti laniadeli ngasengki' ri Allata'ala, lanri sikontu panggaukanta.

ROMA 8:27

Allata'alaji angngassengi atinna rupataua; jari Iami angngassengi anjo apa Napalaka Roh. Nasaba' anjo Roh ampappalakkangi ri Allata'ala apa naparalluanga umma'Na Allata'ala; siagang situruki ero'Na Allata'ala anjo apa napalaka.

2 KORINTUS 5:10

Nasaba' attantumi angkanaya lanierangki' mange andallekang ri pangadelanNa Almasi; siagang massing langgappa maki' pa'balasa' situru' apa le'baka nigaukang ri linoa anne, iamintu panggaukang baji' yareka panggaukang ja'dala'.

GALATIA 6:5

Nasaba' musti massing lanatanggongi kalenna tasse're-se'reang tau.

PAOLE 13:11

Jari sikontu bansa Israel lanalangngere'mi anjo kabara' pammunoanga siagang a'jari malla'mi, sa'genna manna sitau tenamo barani lappanggaukang kammaya anjo ja'dala'na.

PAOLE 17:13

Sikamma taua lanalangngereki anjo kajarianga sa'genna a'jari malla', sa'genna tenamo tau maraeng barani appanggaukang kamma anjo.”

PAOLE 19:20

Sikamma taua lanalangngereki anjo passalaka siagang a'jari malla'mi, sa'genna tenamo manna sitau barani appanggaukang ja'dala' kamma anjo.

PAOLE 21:21

Nampa tu bura'ne niaka ri anjo kotaya musti nasambilai anjo anaka siagang batu sa'genna mate. Kammaminjo caranu ampaccappuki kaja'dallang kammaya anjo. Sikamma tu Israelka lanalangngereki kabara'na anjo kajarianga siagang a'jari malla'mi.”

IBRANI 4:13

Tenanniakka manna sirupa apa-apa attallasa' lakacokkoang ri paccini'Na Allata'ala. Sikontu-kontuna lakacinikang ngasengi siagang latassungke ngasengi ri dallekanNa. Siagang musti latanggong-jawa' ngaseng maki' mae ri Ia.

1 PETRUS 1:17

Ri wattunnu appala' doang, akkio' Manggeko mae ri Allata'ala. Jari, Iami anjo Allata'ala langngadeli rupataua situru' massing panggaukanna; na tena nalammile tau. Lanri kammana, genteng ri nia'nu ija ri anne linoa, parallui nupakala'biri' Allata'ala lalang ri katallassannu.

PAPPICINI' 2:11

Inai-nai akkulle allangngere', parallui naparhatikang anjo apa Napaua RohNa Allata'ala mae ri jama'ah-jama'aka! Ia ammetaya, tena sikali nalasessa apa-apa ri kamateang makaruaya.”

PAPPICINI' 2:7

Inai-nai akkulle allangngere', parallui naparhatikang anjo apa Napaua RohNa Allata'ala mae ri jama'ah-jama'aka! Ia ammetaya, laKukellai angkanrei rapponna poko' katallassanga, attimboa lalang ri KokonNa Allata'ala.”

PAPPICINI' 20:12

Siagang nia'mi kucini' sikamma tau matea, tau lompo yareka tau ca'di, ammenteng ri dallekanna anjo empoang kala'biranga. Nisungkemi kitta'-kittaka. Nampa nia' tommo se're kitta' maraeng nisungke iamintu Kitta'na Tau Attallasaka. Nampa nitappukimi hukkunganna sikamma tau matea situru' panggaukanna ke'nanga, kamma niaka tattulisi' lalang ri anjo kitta'-kittaka.

PAPPICINI' 20:13

Nampa napassareammo tamparanga sikamma tau matea, niaka lalang ri ia. Kamateanga siagang Linona Kamateanga napassareang ngaseng tommi sikamma tau mate niaka ri ia. Nanihukkung ngaseng tommo anjo tau matea situru' panggaukanna ke'nanga.

PAPPICINI' 22:12

Nakana Isa, “Parhatikangi anne! Tenamo nasallo Kubattu angngerang sawala' untu' lanipa'balassang mae ri sikamma taua situru' apa massing le'baka nagaukang.

PAPPICINI' 6:8

Kucinikimi, nampa nia' kucini' sikayu jarang pi'lasaka tanja'na. Pabaena niarengi Kamateang. Ri bokona a'reppese'mi amminawang Lino Kamateanga. Kakoasanga mae ri bage appa'na anne linoa nipassareangi mae ri ke'nanga, sollanna akkulle ke'nanga ammuno lalang ri pa'bundukanga, lalang ri kacipuranga, lalang ri kagarringanga, kammayatompa battu ri olo'-olo' sekkeka.

1 SAMUEL 16:7

Mingka Nakana Batara ri Samuel, “Teako lanri ga'gana tanja'na siagang tinggina pakkaleanna nupacciniki. Teai anjo Kukaerokia. Tena Kusangkamma rupataua angnganggara'. Rupataua accini' tanjaki, mingka iNakke atinna Kuciniki.”