PAPPICINI' 18:9 - KITTA' MATANGKASA'

⁹ Amminawang tongi karaeng-karaeng linoa ri panggaukang bawanna siagang hawa napasuna anjo bainea; jari lamminawang tommi ke'nanga angkarruki siagang ampiraungi anjo kotaya punna nacini' ke'nanga nai' umbunna pepe' ampamutungai.

PAPPICINI' 18:9 Iomraidhean Croise

PA'JARIANG 19:28

Accini'mi mae ri Sodom siagang Gomora kammayatompa ri sikontu lapparaka, nanacini'mo umbua nai' battu ri anjo tampaka, sangkamma umbu battu ri pappalluang sannaka lompona.

PAMMUJI 58:10

Ri tenanapa nangngu'rangi, naposso'mo ke'nanga, sanrapang rompo' moncongbulo iji na tenapa nalompo mingka la'busu'mi niri'bakang ri anging, sanrapang lamung-lamung kalotoro'.

YESAYA 13:19

Yangasenna kakaraenganga, iaminjo Babel kaminang ga'ga siagang a'jari kalompoang pa'mai'na pandudu'na. Mingka iNakke, Batara, laKuancuruki ke'nanga, kamma le'baka Kugaukang mae ri kota Sodom siagang Gomora.

YESAYA 30:33

Battu riolo iji nale'ba'mo nipasadia tampa' pattunuanna karaeng Asyur. Anjo tampaka lantangi naluara', rassi kayu tunuang attambung-tambung. LaNaparinrai Batara nampa nappasa'Na Napatui' sangkamma batu a'rinra assulu' ri nappasa'na.

YEREMIA 50:40

Antekamma bateKu angngancuruki Sodom siagang Gomora siagang sikamma desa-desa niaka ri tammulilina, kamma tomminjo bateKu langngancuruki Babel. Tena manna sitau lammantang pole anjoreng. INakke, Batara, anne akkana.

YEREMIA 50:46

Punna tu'guru' Babel, nia' lakalangngerang sa'ra sannaka gegere'na, sa'genna ta'goccang sikontu linoa; sikamma sa'ra ammarranna panduduka lakalangngerangi mae ri bansa-bansa maraenga.”

YEREMIA 51:8

Mingka ti'ring tu'guruki Babel na reppe'. Karrukimi Babel, siagang pa'boyammi pa'balle loko'-loko'na, gassingka akkulleji ammolle.

YEHEZKIEL 27:35

Sikontu tau ammantanga ri biring tamparanga annekkereki allangngereki sarennu. Manna karaeng-karaenna ke'nanga sanna' todong malla'na; anjo malla'na ke'nanga a'nassai ri rupanna ke'nanga.

DANIEL 4:14

Assa'ra lompomi angkana, ‘Ta'bangi anjo poko' kayua siagang polongi tangke-tangkenna, tu'gurangi leko'-leko'na siagang pasiaraki rapponna. Bongkai olo'-olo' niaka anra'ba irawanganna siagang jangang-jangang niaka a'ru'mung ri tangke-tangkenna.

PAOLE 29:23

La'jari parang kalotoro' karringi sikamma kokonnu nitongko' ri batu a'rinra siagang ce'la. Takkulleai nulamungi buttana, siagang tea tommi attimbo ruku'-rukuka anjoreng. Lasangkammai kota-kota Sodom siagang Gomora kammayatompa Adma siagang Zeboim anjo pa'rasangannu, iamintu niancuruki ri wattu a'rinra-rinrana larroNa Batara.

1 TIMOTIUS 5:11

Teako pantamai arenna ri bukua janda-janda loloa ija. Nasaba' punna battui cinnana ke'nanga, akkullea ampakabellai ke'nanga battu ri Almasi, ero' poleammi ke'nanga a'bunting.

PAPPICINI' 14:11

Anjo umbunna pepe' ansessayai anjo taua lanaiki turus sa'genna satunggu-tungguna. Allo bangngi tena nale'ba' ammari nisessa ke'nanga, iamintu sikamma tau anynyombaya ri anjo olo'-oloka siagang patunna, sikamma tau niaka pammateina areng battu ri anjo olo'-oloka.”

PAPPICINI' 17:2

A'gau' bawang ngasemmi karaenna linoa siagang ia, siagang nasa'rimmi bonena linoa lanri nainunna ke'nanga anggoro' panggaukang bawanna.”

PAPPICINI' 18:18

Siagang ammarrammi ke'nanga ri wattunna nacini' ke'nanga nai' umbu pepe' angkanreai anjo kotaya. Nakana ke'nanga, “Tenanniakkapa kota maraeng assangkamma anne kota lompoa!”

PAPPICINI' 18:20

He, surugaya, a'rannu-rannuko lanri posso'na anjo kotaya. He, Umma'Na Allata'ala, suro-suroa, siagang na'bi-na'bia ma'rannu-rannuko! Nasaba' nihukkummi ri Allata'ala anjo kotaya, a'jari pa'balasa' mae ri apa-apa le'baka nagaukang mae ri kau ngaseng!

PAPPICINI' 18:3

Nasaba' sikontu bansaya le'ba' ngasemmi angnginungi anggoro' napasu panggaukang bawanna. A'gau' bawammi karaeng-karaenna linoa siagang ia; siagang a'jari kalumanynyammi sikamma padangganga ri lino lanri napasuna tenaya nakkulle natahang-tahang.”

PAPPICINI' 18:7

Sarei kasessang siagang kasusaang sangkammaya jaina siagang kalompoang nakala'biang nasareangai ri kalenna todong. Nasaba' tuli nakanana mae ri kalenna, ‘Inakke anne karaeng baine ammarentaya! Inakke teaia' janda; tena nalakukasia' nikanaya si'na!’

PAPPICINI' 19:3

Nampa akkio' pole anjo sa'ra tau jaia, angkana, “Pujimi Allata'ala! Talammari-mariai umbunna anjo pepe' ampamutungai anjo kota lompoa!”

PAPPICINI' 2:22

U'rangi! Angkanaya laKupatappasaki sa'genna a'jari garring ri katinroanga. Anjoremmi siagang anjo tau naaganga ngaseng a'gau' bawang lanakasia' sessa dudua. Yangasenna anjo laKugaukangi kamma-kamma anne, punna tena nammari ke'nanga anggaukangi anjo apa-apa ja'dalaka siagang ia.