PAPPICINI' 18:8 - KITTA' MATANGKASA'

⁸ Passabakkang iaminjo, nasialloji bawang nanatujumo bala, – iamintu garring, si'na, siagang kacipurang. Na lanipammutungi siagang pepe', lanri Karaeng Allata'ala, sannaka MakoasaNa angngadeli.”

PAPPICINI' 18:8 Iomraidhean Croise

AYUB 9:19

Jari apaka musti kuewai a'gassingang? Mingka ciniki, antekamma heba'na kagassinganNa! Ebara' angkana kupaui ri Ia angkana kukabattallangi, inai barani langkioki mange ri pangadelang?

PAMMUJI 62:11

Teako manrannuangngi ri wassele' apa nipaccoka ri paranta tau, teako pattoangi barang nialle passaya. Ba'lalo punna katambang kakalumanynyangngannu, teako a'dakkiki nyawanu mae ri anjo.

YESAYA 27:1

Anjo wattua lammakei Batara pa'dang tarang siagang kassa' untu' anghukkungi Lewiatan, iamintu ulara' ammekko'-mekkoka siagang akkalu'-kaluka, kammayatompa lambunoi naga tamparanga.

YESAYA 9:14

Ulunna, iamintu tutoa-toana siagang tunipakalompona, na ingkonna iamintu sikamma na'bi assarea pangngajarang sala.

YEREMIA 50:31

Babel, ikau tinggi langga duduko! Lanri kammana anjo, iNakke, Batara Kaminang Tinggia, Allata'ala Kaminang Koasaya, angngewako. Narapi'mi wattunnu Kuhukkung.

YEREMIA 50:34

Mingka iNakke kassa', ampasalamaki ke'nanga; arengKu iamintu Batara Kaminang Koasaya. INakke KalengKu langngusahakangi parkarana ke'nanga siagang langngerang kaamangngang mae ri linoa. Mingka mae ri Babel lappabattuA' karicuang siagang kamallakkang.”

YEREMIA 51:58

Tembo'na Babel ia kassaka ngaseng laKuancuruki sa'genna a'jari sallappara' siagang buttaya. Pakke'bu' lompoa tinggi-tinggia ngaseng laKutunui sa'genna cappu'. Tena matu-matunna poso bansa-bansaya, nasaba' sikontu bate pare'na ke'nanga lanikanrei ri pepe'. INakke, Batara Kaminang Koasaya, anne akkana.”

YEREMIA 51:6

Pasalamaki kalennu! Lariko battu ri Babel, gassingka amminawang tongko nibuno lanri dosana ke'nanga! Nasaba' iaminne wattunna laKubalasa' kaja'dallanna Babel, siagang laKuhukkung situru' panggaukanna.

YO"EL 2:11

Assa'ra gunturu'mi sa'ranNa Batara assare parenta, mae ri tantarana. Tamaka jaina pasukanna! Tamaka kassa'na anjo tantara anggaukangai parentaNa! Tojeng tamaka lompona siagang heba'na AllonNa Batara! Tena manna sitau akkulle attahang.

1 KORINTUS 10:22

Yareka erokki' ampa'jari Batara akkimburu'? Maka kassakangangki' na Batara?

PAPPICINI' 11:17

Nakana ke'nanga, “Batara, Allata'ala Kaminang Koasaya, Ia niaka, siagang niakamo! Appala' sukkuruki ikambe mae ri Katte lanri Kipakemi kakoasang lompoTa, siagang appakkaramula maKi ammarenta!

PAPPICINI' 17:16

Anjo sampuloa tanru' siagang anjo olo'-olo' nucinika labirisiki mae ri anjo pasundalaka. Lanarampasaki ke'nanga sikamma apa-apa niaka ri ia, siagang lanapa'jari assolaraki. Lanakanrei ke'nanga assinna siagang lanaancuruki siagang pepe'.

PAPPICINI' 17:18

Anjo baine nucinika, iaminjo kota lompoa, amparentayai karaeng-karaenga ri lino.”

PAPPICINI' 18:17

Mingka sijangji bawang sallona, nalanynya' ngasemmo sikontu kakalumanynyanganna!” Sikamma juraganga, padongko' kappalaka, siagang ana'-ana' kappalaka, kammayatompa sikontu a'boya-boyaya ri tamparanga, ammenteng battu bella ngasemmi.

PAPPICINI' 18:19

Jari naboneimi au ulunna ke'nanga a'jari pammatei attau matei ke'nanga; nampa angngarru' siagang ammarrang-marrang ke'nanga angkana, “Adudu, teai sipato' cilakana anne kota lompoa! Kakalumanynyanganna ampa'jari kalumanynyangi sikamma tau niaka kappala'na ri tamparanga. Mingka lalang sijangji bawang sallona, natappela' ngasemmo sikontu apa-apanna!”

PAPPICINI' 19:3

Nampa akkio' pole anjo sa'ra tau jaia, angkana, “Pujimi Allata'ala! Talammari-mariai umbunna anjo pepe' ampamutungai anjo kota lompoa!”