PAPPICINI' 18:4 - KITTA' MATANGKASA'

⁴ Nampa nia' sa'ra maraeng kulangngere' battu ri suruga angkana, “Assulukko, ikau ngaseng ummakKu! Assulukko battu lalang! Teako pinawangngi dosa-dosana, siagang teako amminawangngi antanggongi hukkunganna!

PAPPICINI' 18:4 Iomraidhean Croise

PA'JARIANG 19:14

A'lampami Lot mange ri ruaya parekang mintunna nampa nakana ri ke'nanga, “Karo-karoko assulu' battu ri anne kotaya, nasaba' lanipanraki ri Batara.” Mingka nakapangi ke'nanga angkanaya a'bonga-bonganaji Lot.

PAMMUJI 50:18

Punna accinikko sitau palukka', amminawangko ri ia, siagang sileporangko siagang tau nangaia a'gau' salimara'.

YESAYA 48:20

A'lampako siagang lariko battu ri Babel, pa'la'bangi anne kabaraka ri kere-keremae. Kabarrangi siagang pakkio' rannu, angkana: “Le'ba'mi Napasalama' Batara atanNa, Israel!

YESAYA 52:11

A'lampamako! Bokoi kota Babel, he ikau ngaseng angngerangai pakkasa'na Balla'Na Allata'ala! Teako seroi barang ra'masaka; tangkasi kalennu ri tenanapa nu'lampa.

YEREMIA 50:8

He umma' Israel, lariko ambokoi Babel! Ikau musti appakkaramula a'lampa, sollanna amminawang maraenganga.

YEREMIA 51:45

Lanri kammana anjo, lari mako battu anjoreng, he umma' Israel! Pasalamaki kalennu battu ri a'rerena larroKu.

YEREMIA 51:50

Nakana Batara mae ri tu Israel ri Babel, “Ta'lappasa' mako battu ri pammunoang! Jari, a'lampamako kamma-kamma anne! Teako attayangngi! Manna pole bellako battu ri balla', angngu'rangiko ri Nakke, Bataranu, siagang mae ri Yerusalem.

YEREMIA 51:6

Pasalamaki kalennu! Lariko battu ri Babel, gassingka amminawang tongko nibuno lanri dosana ke'nanga! Nasaba' iaminne wattunna laKubalasa' kaja'dallanna Babel, siagang laKuhukkung situru' panggaukanna.

YEREMIA 51:9

Tau annompanga ammantang anjoreng massing nakanamo para ia, ‘Niusahaimi antulungi Babel, mingka tala'mi! Bajikangngang nibokoimi anne pa'rasanganga nakimassing ammotere' mange ri pa'rasanganta. Nahukkummi Batara Babel siagang hukkungang lompo, naancuru' taba sikalimi.’ ”

MATIUS 23:30

Siagang nukana ngaseng, ‘Ka'de' ninia' tommo ri wattu attallasa'na boe-boeta, tenaja katte nikaturu'-turukang ambunoi na'bi-na'bia.’

2 KORINTUS 6:17

Lanri kammana, bokoimi anjo tau tenaya namangngasseng ri Allata'ala, siagang pakabellami kalennu battu ri ke'nanga. Tea' laloko sikarapiki siagang apa-apa ra'masaka, nampa Kutarimako mae ri KalengKu.

1 TIMOTIUS 5:22

Teako linta' dudui ampatompangi limannu untu' angngangkaki se'rea tau a'jari palayanNa Batara. Punna a'gau' dosa taua teako katuru'-turukangi anggaukangi anjo dosaya. Jagai kalennu sollanna nutuli matangkasa'.

2 YOHANES 1:11

Nasaba' inai-nai a'barisallang mae ri anjo tau kammaya, ma'nassa amminawang tommi siagang anjo taua anggaukangi panggaukang ja'dalaka.