PAPPICINI' 18:16 - KITTA' MATANGKASA'

¹⁶ nampa angkana, “Adudu, teai sipato' cilakana anne kota masahoroka! Biasana ammakei kaeng lenang, kaeng lango-lango siagang kaeng eja a'rinraya tanja'na; biasana rassi kalenna belo-belo bulaeng, paramata siagang mutiara!

PAPPICINI' 18:16 Iomraidhean Croise

YEHEZKIEL 28:14

Malaeka' appakamallaka laKuboliki anjoreng untu' anjagaiko. Ammantangko irate ri bulu' matangkasakKu siagang a'jappako ri tangnga-tangngana batu paramata accilla'-cillaka.

NAHUM 2:9

Rampasaki sikontu bulaenna siagang pera'na! Barang-baranga ri anne kotaya ma'nassa alla'bi-la'bi!

PAPPICINI' 17:3

Nampa nikoasaima' ri RohNa Allata'ala, siagang nieramma' mange ri parang lompoa ri anjo malaekaka. Anjoreng nia'mo kucini' sitau baine ammempo irate ri dongko'na sikayua olo'-olo' ejaya siagang a'rinraya nicini'; rassi kalenna siagang tulisang-tulisang areng antunraiyai Allata'ala. Nia' tuju ulunna siagang sampulo tanru'na anjo olo'-oloka.

PAPPICINI' 17:4

Anjo bainea ammakei baju lango-lango siagang eja toaya tanja'na, kammayatompa nibelo-beloi siagang belo-belo bulaeng, paramata, siagang mutiara. Na ri limanna nia' nata'gala' se're mangko' bulaeng rassia bonena siagang apa ra'masaka siagang kodi dudua, wassele' panggaukang bawanna.

PAPPICINI' 18:18

Siagang ammarrammi ke'nanga ri wattunna nacini' ke'nanga nai' umbu pepe' angkanreai anjo kotaya. Nakana ke'nanga, “Tenanniakkapa kota maraeng assangkamma anne kota lompoa!”

PAPPICINI' 18:19

Jari naboneimi au ulunna ke'nanga a'jari pammatei attau matei ke'nanga; nampa angngarru' siagang ammarrang-marrang ke'nanga angkana, “Adudu, teai sipato' cilakana anne kota lompoa! Kakalumanynyanganna ampa'jari kalumanynyangi sikamma tau niaka kappala'na ri tamparanga. Mingka lalang sijangji bawang sallona, natappela' ngasemmo sikontu apa-apanna!”