PAPPICINI' 18:12 - KITTA' MATANGKASA'

¹² Tenamo amballi bulaenna, pera'na, paramatana, siagang mutiarana ke'nanga; kammayatompa kaeng lenang, kaeng lango-lango, sa'be, siagang kaeng eja toa; a'rupa-rupa kayu langkaraka nigappa, barang-barang gadinga siagang kayu-kayu ka'jalaka ballinna, tambagaya, bassia siagang batu laccu' keboka;

PAPPICINI' 18:12 Iomraidhean Croise

2 PATTOTTORANG 2:8

Kuassengi angkanaya sikamma pata'bang kayua ri pa'rasanganta cara'de' kabusuki anna'bang kayu; lanri kammana anjo kikiringang laloa' a'rupa-rupa kayu camara siagang kayu candana battu ri Libanon. Lakupagioki taungku untu' ambantui taunta,

NAHUM 2:9

Rampasaki sikontu bulaenna siagang pera'na! Barang-baranga ri anne kotaya ma'nassa alla'bi-la'bi!

PAPPICINI' 17:3

Nampa nikoasaima' ri RohNa Allata'ala, siagang nieramma' mange ri parang lompoa ri anjo malaekaka. Anjoreng nia'mo kucini' sitau baine ammempo irate ri dongko'na sikayua olo'-olo' ejaya siagang a'rinraya nicini'; rassi kalenna siagang tulisang-tulisang areng antunraiyai Allata'ala. Nia' tuju ulunna siagang sampulo tanru'na anjo olo'-oloka.

PAPPICINI' 17:4

Anjo bainea ammakei baju lango-lango siagang eja toaya tanja'na, kammayatompa nibelo-beloi siagang belo-belo bulaeng, paramata, siagang mutiara. Na ri limanna nia' nata'gala' se're mangko' bulaeng rassia bonena siagang apa ra'masaka siagang kodi dudua, wassele' panggaukang bawanna.

PAPPICINI' 18:15

Ammenteng battu bellami sikamma anjo padanggang a'jari kalumanynyanga napakamma anjo kotaya, lanri malla'na ke'nanga nataba kasessanna. Lasusami siagang langngarru'mi ke'nanga,