PAPPICINI' 18:11 - KITTA' MATANGKASA'

¹¹ Angngarru' tommi siagang susa ngaseng tommi padangganga ri lino lanri anjo bainea, nasaba' tenamo manna sitau akkulle amballi barang-barang dangganganna ke'nanga.

PAPPICINI' 18:11 Iomraidhean Croise

PANGNGEBARANG 3:14

Lompoangngangi passawallanna kala passawallang pera' nagappaya, siagang lompoangngangi anggaranna na bulaenga.

YESAYA 13:19

Yangasenna kakaraenganga, iaminjo Babel kaminang ga'ga siagang a'jari kalompoang pa'mai'na pandudu'na. Mingka iNakke, Batara, laKuancuruki ke'nanga, kamma le'baka Kugaukang mae ri kota Sodom siagang Gomora.

YESAYA 47:15

Iaminjo matu-matunna pacinika mae ri kau ambattalliako appakkaramula ri ca'dinu; massing a'lampai ambokoiko; tena nia' battu untu' antulungko.”

YEHEZKIEL 27:9

Tukang-tukang kayu anjamaya ri kappala' iamintu panre battu ri Gebal. Battu ri tunggala' pa'rasangang battu kappalaka ero' angngagangko a'danggang.

ZEFANYA 1:11

Appiraungko siagang angngarru' mako ri wattu nulangngere'na anjo sa'ra kammaya, he pandudu' kota bageang irawaya, nasaba' sikontu padangganga siagang tau appappinranga doe' le'ba' kabusu'mi nibuno!

ZEFANYA 1:18

Ri anjo wattu allo hebaka, laNapa'nyatai larroNa Batara, na sikontu bulaenna siagang pera'na ke'nanga takkulleai ampasalamaki kalenna ke'nanga. Sikontu buttaya laancuruki assolong, nitunu ri pepe' kalarroanNa. Ti'ring laNabi'buki sikontu nyawa niaka ri tompo'na anne buttaya.

MATIUS 22:5

Mingka tenaja nijampangi ri anjo tau le'baka ngaseng niburittai. Massing a'lampaji ke'nanga ri jama-jamanna – nia' a'lampa mange ri kokonna, nia' tommo a'lampa mange ri usahana;

YOHANES 2:16

Nampa Nakana ri anjo pabalu' jangang-jangang bodobangkenga, “Angka' ngasengi a'lampa anne. Teako pareki tampa' pa'danggangang Balla'Na BapakKu!”

2 PETRUS 2:3

Lanri angngoana anjo guru-guru takontutojenga nalanacaritamo mae ri kau carita-carita napare'-pareka kalenna sollanna akkulle anggappa passawallang battu ri kau. Mingka sallomi nipasadia pangadelang eroka antappuki hukkunganna ke'nanga; kammayatompa sallo tommi attayang kapanrakang le'bakamo nipattantu lanagappaya ke'nanga.

PAPPICINI' 18:15

Ammenteng battu bellami sikamma anjo padanggang a'jari kalumanynyanga napakamma anjo kotaya, lanri malla'na ke'nanga nataba kasessanna. Lasusami siagang langngarru'mi ke'nanga,

PAPPICINI' 18:20

He, surugaya, a'rannu-rannuko lanri posso'na anjo kotaya. He, Umma'Na Allata'ala, suro-suroa, siagang na'bi-na'bia ma'rannu-rannuko! Nasaba' nihukkummi ri Allata'ala anjo kotaya, a'jari pa'balasa' mae ri apa-apa le'baka nagaukang mae ri kau ngaseng!

PAPPICINI' 18:23

Tenamo nalaccini' taua singara' lampu lalang ri kau; siagang tena tommo lanilangngere' passua'-suarrang pa'buntingang antureng. Sikamma padanggannu kaminang pore ri lino, siagang nutipumi sikontu bansaya ri lino siagang pangngassengang bale'-bale' matanu!”

PAPPICINI' 18:3

Nasaba' sikontu bansaya le'ba' ngasemmi angnginungi anggoro' napasu panggaukang bawanna. A'gau' bawammi karaeng-karaenna linoa siagang ia; siagang a'jari kalumanynyammi sikamma padangganga ri lino lanri napasuna tenaya nakkulle natahang-tahang.”

PAPPICINI' 18:9

Amminawang tongi karaeng-karaeng linoa ri panggaukang bawanna siagang hawa napasuna anjo bainea; jari lamminawang tommi ke'nanga angkarruki siagang ampiraungi anjo kotaya punna nacini' ke'nanga nai' umbunna pepe' ampamutungai.