PAPPICINI' 17:3 - KITTA' MATANGKASA'

³ Nampa nikoasaima' ri RohNa Allata'ala, siagang nieramma' mange ri parang lompoa ri anjo malaekaka. Anjoreng nia'mo kucini' sitau baine ammempo irate ri dongko'na sikayua olo'-olo' ejaya siagang a'rinraya nicini'; rassi kalenna siagang tulisang-tulisang areng antunraiyai Allata'ala. Nia' tuju ulunna siagang sampulo tanru'na anjo olo'-oloka.

PAPPICINI' 17:3 Iomraidhean Croise

1 KARAENG-KARAENG 18:12

Punna a'lampama' battu anrinni, gassingka labattui RohNa Batara angngerangki' ri se'reang tampa' tenaya nakuassengi! Nampa punna kupauang Ahab angkanaya niakki' anrinni, nampa tena nakkulle ambuntulukki', ma'nassa lanabunoa'. Parallui kiasseng bapa', angkanaya inakke anne attojeng-tojenga' assambayang mae ri Batara baku' battu ri ca'diku!

2 KARAENG-KARAENG 2:16

nampa nakana ke'nanga, “Ikambe niakki' limampulo tau, sangnging tau kassa' ngaseng. Lanri kammana anjo umba ki'lampa mange amboyai Elia bapa'nu. Gassingka nierangi ri RohNa Batara mange ri monconga yareka mange ri ka'bunga nampa niboli' anjoreng.” Appialimi Elisa angkana, “Tea' mako!”

KELONG MALA'BIRI' 8:5

Inaika anjo, niaka battu ri parang lompoa ammanjeng ri tanrinna? Kupabangungko irawanganna poko' appele', tampa'nu nitianangngang siagang nilassukang.

YEHEZKIEL 11:24

Kuciniki kalengku niangka' ri RohNa Allata'ala nampa nipoteranga' mange ri sikamma tau nipelaka ri Babel. Nampa allanynya'mo anjo paccinikku.

YEHEZKIEL 3:12

Nampa naangkaka' RohNa Allata'ala, na nia'mo ri bokoku sa'ra a'gamarrung angkana, “Pujimi kala'biranNa Batara ri suruga!”

YEHEZKIEL 8:3

Appajonjomi sangkamma kucini' lima tau, nampa nata'gala' poto' uukku; nampa niangka' kucini' kalengku tinggi nai' ri allaka ri RohNa Allata'ala siagang nierang mange ri Balla'na Batara ri Yerusalem, ri pakke'bu' antamakkanga ri paranglakkeng lalangngang bageang waraka. Anjoreng nia' patung barhala ampabattuai larroNa Allata'ala.

DANIEL 11:36

Karaeng pa'rasangang waraka lappaero'-eroki appanggaukang. Tampoi ke'nanga nangkana angkanaya la'bi lompoangngangi kalenna namanna pole rewata battu kemae, ba'lalo la'bi lompoangngangi na Allata'ala Kaminang Tinggia. Lakkullei appanggaukang kamma anjo sa'genna kala'busang pangngalarroinNa Allata'ala. Nasaba' anjo apa le'baka Napattantu Allata'ala musti a'rupai la'bi riolo.

DANIEL 7:20

Ero' tongi kuasseng battuanna anjo sampuloa tanru' ri ulunna siagang anjo tanru' ca'di ammumbaya ri boko nampa nabi'bu' tallua tanru' rioloangannaya. Anjo tanru' ca'dia nia' matanna siagang bawana a'bicara kosonga siagang tampoa. La'bi appakamalla'-mallakkangngangi naanjo tanru'-tanru' maraenganga.

DANIEL 7:25

Bicaranna langngewai ri Allata'ala Kaminang Tinggia siagang lanajallakkangi umma'Na Allata'ala. Eroki napinra sikamma hukkung-hukkung siagang allo lompona agamana umma'Na Allata'ala, siagang lanikoasai ke'nanga lalang tallu assitangnga taung.

DANIEL 7:8

Lalang kuparhatikanna tanru'-tanru'na, ti'ring nia'mo se're tanru' maraeng attimbo ri alla'-alla'na. Anjo tanruka ca'di, mingka akkullei nasorongang siagang nabi'bu' tallu battu ri anjo tanru' rioloangannaya. Anjo tanru' ca'dia nia' matanna sangkamma mata tau siagang nia' bawana accarita tampoa.

MATIUS 27:28

Napusumi ke'nanga pakeanNa Isa, nampa napipakei juba cura' lame butung.

LAMPA-LAMPANA 8:39

Ri wattunna assulu' ammotere' ke'nanga battu lalang ri je'neka, battumi RohNa Allata'ala angngallei Filipus. Tanicinikami Filipus ri anjo pagawe tinggi battua ri Etiopia. Sanna'mi rannuna nyawana anjo pagawe tinggia, nanapatulusu' pa'lampanna.

2 TESALONIKA 2:4

Lalang katampoanna nalanaewa siagang lanapakatinggi kalenna irateanganna sikamma nasombaya rupataua, yareka sikamma apa nakanaya rewata rupataua. Ba'lalo lammempoi lalang ri Balla'Na Allata'ala, nampa nakana kalenna iami Allata'ala.

PAPPICINI' 1:10

Ri allonNa Batara, nikoasaia' ri RohNa Allata'ala; nampa nia' kulangngere' sa'ra sannaka lompona, sangkamma sa'ra tarompe', battu ri bokoku.

PAPPICINI' 12:14

Mingka nisaremi anjo bainea rua ka'nyi' jangang-jangang rajawali lompoa sollanna anri'ba' mae ri tampa'na ri parang lompoa; anjoremmi laniparakai tallun taung assitangnga sallona, sa'genna a'lilimo battu ri anjo nagaya.

PAPPICINI' 12:3

Nampa nia' pole nicini' ri langika apa-apa appakalannasaka. Iamintu nia' sikayu naga eja na sanna' lompona, tujua ulunna siagang sampuloa tanru'na. Massing-massing ulunna ammake ngasengi songko' karaeng.

PAPPICINI' 12:6

Jari larimi anjo bainea mange ri parang lompoa, ri tampa' le'baka nipasadiangi ri Allata'ala. Anjoremmi ri tampaka laniparakai 1260 allo sallona.

PAPPICINI' 17:18

Anjo baine nucinika, iaminjo kota lompoa, amparentayai karaeng-karaenga ri lino.”

PAPPICINI' 17:4

Anjo bainea ammakei baju lango-lango siagang eja toaya tanja'na, kammayatompa nibelo-beloi siagang belo-belo bulaeng, paramata, siagang mutiara. Na ri limanna nia' nata'gala' se're mangko' bulaeng rassia bonena siagang apa ra'masaka siagang kodi dudua, wassele' panggaukang bawanna.

PAPPICINI' 18:12

Tenamo amballi bulaenna, pera'na, paramatana, siagang mutiarana ke'nanga; kammayatompa kaeng lenang, kaeng lango-lango, sa'be, siagang kaeng eja toa; a'rupa-rupa kayu langkaraka nigappa, barang-barang gadinga siagang kayu-kayu ka'jalaka ballinna, tambagaya, bassia siagang batu laccu' keboka;

PAPPICINI' 18:16

nampa angkana, “Adudu, teai sipato' cilakana anne kota masahoroka! Biasana ammakei kaeng lenang, kaeng lango-lango siagang kaeng eja a'rinraya tanja'na; biasana rassi kalenna belo-belo bulaeng, paramata siagang mutiara!

PAPPICINI' 21:10

Nikoasaima' ri RohNa Allata'ala, siagang naeramma' anjo malaekaka nai' ri tompo'na moncong sannaka tinggina. Napicinikiamma' kota Yerusalem, anjo kota matangkasaka. Anjo kotaya turungi battu ri Allata'ala, battu ri suruga,

PAPPICINI' 4:2

Anjo wattua Nakoasai memamma' RohNa Allata'ala. Nampa nia' kucini' ri suruga se're empoang kala'birang, na nia' tau ammempo ri anjo empoang kala'biranga.