PAPPICINI' 16:19 - KITTA' MATANGKASA'

¹⁹ Assisa'la'mi anjo kotaya ta'bage tallu, siagang ancuru' tommi kota-kotaya ri sikontu pa'rasanganga ri linoa. Nampa Nau'rangimo Allata'ala anjo Babel lompoa. Jari Napainummi Allata'ala anjo Babel anggoro' battua ri pammoneang anggoro'Na Allata'ala – iamintu anggoro' pangngalarroi lompoNa.

PAPPICINI' 16:19 Iomraidhean Croise

YESAYA 49:26

LaKupa'jari sikamma musunnu palla' ero' ammuno, sa'genna para ia sibuno-buno. Nalanaasseng sikontu umma' rupataua, angkanaya iNakke, Batara, Mappasalama'nu; Kaminang Kassaka, Allata'alana Yakub, Mappasulu'nu.”

DANIEL 4:30

kukanamo, “Ciniki, tamaka heba'na kota Babel. Inakke ambangungi a'jari ibukota negara, untu' ampa'butti kakoasangku siagang kagassingangku, kala'birangku siagang kalompoangku!”

PAPPICINI' 11:8

Siagang latappepara'mi maya'na ke'nanga ri agang lompona kota lompoa, ri tampa'na Batarana ke'nanga le'ba' nisalli'. Areng pangngebarranna anjo kotaya iamintu kota Sodom yareka Mesir.

PAPPICINI' 17:1

Le'baki anjo battumi mae ri nakke kalase'renna anjo tujua malaeka' anna'galaka pammoneang na nakana, “Maeko, lakupicinikiangko antekamma batena lanihukkung anjo pasundala' lompoa, iamintu anjo kota lompoa, nibangunga ri ampi'na binanga-binangaya.

PAPPICINI' 17:18

Anjo baine nucinika, iaminjo kota lompoa, amparentayai karaeng-karaenga ri lino.”

PAPPICINI' 17:5

Ri tompo' kanynyinna nia' tattulisi' areng, niaka rahasiana battuanna. Anjo arenga iamintu “Babel Lompoa, anronna sikontu pasundalaka siagang tau kodi sipaka ri lino.”

PAPPICINI' 18:10

Lammenteng battu bellami ke'nanga lanri mallaki ke'nanga nitaba todong ri kasessanna. Nakanamo ke'nanga, “Adudu, teai sipato' cilakana anne kota masahoroka, kota Babel kassaka! Sinampe' duduji sallona hukkunganTa naKiposso'mo!”

PAPPICINI' 18:2

Akkio' lompomi angkana, “Tu'guru'mi anjo bainea! Tu'guru'mi Babel lompoa! Kamma-kamma anne anjarimi tampa' pammantanganna setang-setanga siagang roh-roh ja'dalaka. Lalammi ammantang sangka' rupaya jangang-jangang rantasa' siagang nakabirisia taua.

PAPPICINI' 18:21

Le'baki anjo, nia'mo malaeka' sannaka kassa'na angngangka' se're batu lompo, sangkamma batu pa'giling sannaka lompona, nampa napasambila antama' ri tamparanga, siagang nakana, “Kammaminne batena anjo kota Babel masahoroka lanipasambila sarring, sa'genna tenamo nalanibuntulu' ammotere'.

PAPPICINI' 18:5

Nasaba' attambung-tambungi dosana sa'genna ri langika, na Nau'rangi Allata'ala kaja'dallanna.