PAPPICINI' 16:12 - KITTA' MATANGKASA'

¹² Le'baki anjo natumpami bonena pammoneanna anjo malaeka' makaannanga naung ri Binanga lompoa, iamintu Efrat. A'jari kalotoro'mi anjo binangaya sa'genna a'jappamo sikamma karaeng battu rayaya angngolo anjoreng.

PAPPICINI' 16:12 Iomraidhean Croise

YESAYA 11:15

LaNakalotori Batara tamparang Tarrusu'na Suez. Lappareki anging bambang, ammirika sa'genna Binanga Efrat a'jarimi tuju kaloro' ca'di sike'deka je'ne'na, sikontu taua allimbangi natanapasuluka sandala'na.

YESAYA 41:25

Nia'mo sitau Kupagio' battu raya: Kukioki untu' a'bakka battu wara'. Sikamma tukoasaya lanaonjo'-onjokangi rapang peo', rapang papare' uring butta angngonjo'-onjokang butta pi'.

YESAYA 42:15

LaKupa'jari kalotoroki monconga siagang buluka, Kupa'jari kalumeng sikontu timbo-timboanna. Kupinrai ka'bung binangaya a'jari parang lompo, sikontu kollang lompoa Kupa'jari kalotoroki.

YESAYA 44:27

INakke angkana mae ri tamparanga: esakko! INakke ampa'jari kalotoroki sikamma binanganu.

YESAYA 46:11

AkkioKa' sitau tukoasa battu raya, battu rapang sikayu jangang-jangang sekke' untu' anggaukangi kaputusangKu. Apa Kupaua mattantu laKugaukangi, apa Kurancanakanga mattantu laKurupai.

YESAYA 8:7

Lanri kammana anjo, iNakke Batara, laKupabattui karaeng Asyur siagang tantarana untu' ambunduki Yehuda. La'bakkai maju ke'nanga, rapang Binanga Efrat allumpa-lumpa sa'genna a'ba biring-birinna.

YEREMIA 51:36

Lanri kammana anjo Nakanamo Batara mae ri pandudu'na Yerusalem. “LaKuusahakangi parkaranu siagang Kubalasaki panggaukanna musu-musunnu mae ri kau. LaKupa'jari kalotoroki je'ne'na sikamma timbuseng je'neka siagang sikamma binanga niaka ri Babel.

PAPPICINI' 11:14

Allalomi cilaka makaruaya. Mingka ciniki! Tasalloami nalabattu pole cilaka makatallua.

PAPPICINI' 17:15

Nakana pole anjo malaekaka, “Anjo je'ne' nucinika, napammempoia anjo pasundalaka, iaminjo bansa-bansaya, ra'ya'-ra'yaka, pa'rasangang-pa'rasanganga siagang bahasa-bahasaya.

PAPPICINI' 7:2

Nampa nia' pole kucini' se're malaeka' maraengang ammumba battu raya. Angngerangi segele' battua ri Allata'ala Mattallasaka. Nalompoimi sa'ranna anjo malaekaka akkio', angkioki anjo appaka malaeka' le'bakamo anggappa koasa battu ri Allata'ala untu' ampanraki bontoa siagang tamparanga.

PAPPICINI' 9:14

Nakana anjo sa'raya mae ri malaeka' makaannanga, “Lappassangi anjo appaka malaeka' tassikko' ri anjo Binanga Efrat!”