PAPPICINI' 15:6 - KITTA' MATANGKASA'

⁶ Nampa assulu'mo battu ri Balla'Na Allata'ala anjo tujua malaeka' siagang tujua bala. Pakeanna ke'nanga kaeng lenang sannaka tangkasa'na siagang accilla'-cillaka. Siagang ammakei ke'nanga pa'lapa' barambang bulaenga nipare'.

PAPPICINI' 15:6 Iomraidhean Croise

DANIEL 10:5

Acconga' nania' kucini' sitau ammake pakeang lenang siagang passikko' aya' bulaeng ti'no'.

LUKAS 24:4

Lalang ammentenna ke'nanga anjoreng siagang lalang lannasa'na ke'nanga annawa-nawai anjo passalaka, ti'ring nia'mo rua tau ammakeang sannaka kebo'na, battu ammenteng ri ampi'na ke'nanga.

PAPPICINI' 1:13

Ri tangnga-tangngana anjo sikamma bangkeng-bangkeng lampua nia' sitau ammenteng a'rupa taua nicini' tanja'Na. Ammakei juba turunga sa'genna naung ri bangkenNa. Na barambanNa ammakei passikko' bulaeng.

PAPPICINI' 14:15

Nampa nia' se're malaeka' maraengang assulu' battu ri Balla'Na Allata'ala. Akkio' lompomi mae ri Ia anjo ammempoa irate ri rammanga angkana, “Soeammi kandaoNu siagang akkatto mako kamma-kamma anne, nasaba' narapi'mi wattunna pakkattoanga; toami buttaya, jari wattunnami nikatto!”

PAPPICINI' 14:17

Nampa nia' kucini' se're malaeka' maraengannaya pole assulu' battu ri Balla'Na Allata'ala ri suruga. Anna'gala' tongi se're kandao tarang.

PAPPICINI' 15:1

Nampa nia' kucini' ri langika apa appakalannasaka siagang sannaka heba'na. Nia' tuju malaeka' siagang tuju bala kala'busanga. Iaminne kala'busanna Napappicinikang kalarroanNa Allata'ala.

PAPPICINI' 19:8

Nipassareammi mae ri Ia kaeng lenang accillaka untu' Napake.” (Anjo pakeang lenanga iamintu panggaukang-panggaukang baji' nagaukang Umma'Na Allata'ala.)