PAPPICINI' 14:6 - KITTA' MATANGKASA'

⁶ Nampa nia' kucini' se're malaeka' maraengang anri'ba' tinggi rate ri langika. Anjo malaekaka angngerangi biritta iamintu ri sesena Kabara' Baji' mannannunganga, untu' nipabattu mae ri rupataua ri lino; iamintu mae ri sikontu bansaya, sukua, bahasaya siagang pa'rasanganga.

PAPPICINI' 14:6 Iomraidhean Croise

PA'JARIANG 1:6

Nampa Nakanamo Allata'ala, “A'jariko se're pannahang untu' ansa'laki anjo je'neka a'jari ruang pammantangang, siagang nanatahang lalang ri tampa' tassa'laka.” Nakajariammo anjo passalaka. Kammaminjo Napare'na Allata'ala pannahang ampasisa'lakai je'ne' niaka irawanganna anjo pannahanga siagang niaka irateanganna.

2 SAMUEL 23:5

Kamma tomminjo jari-jariku batena Nabarakkaki Allata'ala, parjanjianNa ri nakke tena pamminraNa, mannannungang siagang sangkaki janjinNa, yangasenna bajiki atoro'na. Natanggongi Allata'ala pammetangku na Naturuki sikontu apa Nakaerokia pa'maikku.

PAMMUJI 119:142

KaadelanTa attahangi satunggu-tungguna, siagang tulusu' tojenna hukkunTa.

PAMMUJI 139:24

Kicinikimi gassingka nia' kaja'dallang lalang ri kalengku, siagang kirenrenga' mae ri oloang mannannunganga.

PAMMUJI 145:13

PamarentahanTa tulusuki sa'genna satunggu-tungguna, kakoasanTa attahangi sikontu turungang. Tamamminrayai Batara ri sikontu janjinNa, rassi pangngamaseang sikontu panggaukanNa.

YESAYA 40:8

Rukuka a'jari kalotoro', bungaya a'jari kalumeng, mingka kananNa Allata'alata attahangi satunggu-tungguna.”

YESAYA 45:17

Mingka Israel Nipasalamaki ri Batara; lattahangi kasalamakkanna. Ikau ngaseng tena nulanipakasiri' siagang lanihina sa'genna satunggu-tungguna.’ ”

YESAYA 51:6

Parhatikangi langika siagang ciniki buttaya; langika lalanynyaki rapang umbu na buttaya la'jari toai rapang baju toa, sikontu pandudu'na lamate ngasengi rapang lamu'. Mingka kasalamakkang Kupassareanga tuli nia'na satunggu-tungguna, siagang tena kale'bakkanna pammetangKu.

YESAYA 51:8

Lapanraki ke'nanga siagang lalanynyaki, rapang pakeang nakanre kacoa' siagang kaeng bulu gimbala' nikanre ri taisang. Mingka kasalamakkang Kupassareanga tuli nia'na satunggu-tungguna, a'jari pammetangKu sa'genna sikontu turungang.”

YESAYA 6:2

Ri tammuliliNa nia' malaeka' ammenteng kamma pepe' a'rinraya, massing ta'annang ka'nyi'na. Rua ka'nyi'na antongkoki rupanna, rua antongkoki kalenna, na rua ka'nyi'na maraenga untu' anri'ba'.

YEHEZKIEL 1:14

Anjo apa attallasaka a'gioki ke'nanga a'lampa kemae-kemae, sangkamma kila' gassinna a'gio'.

DANIEL 4:1

Iaminne apa napa'la'banga Karaeng Nebukadnezar, ia nakiringa mae ri sikamma tau niaka battu ri sikontu bansaya, suku bansaya siagang bahasaya, ri sikontu linoa: “Salama' battu ri nakke!

DANIEL 9:21

Lalang appala' doangku, anjo Gabriel, le'baka kucini' lalang paccinikku riolo, nia'mi anri'ba' a'lampa mae ri nakke. Anjo wattua narapi'mi wattunna taua assare koro'bang karueng.

MATIUS 10:27

Apa-apa Kupabattua ri kau lalang ri sassanga, musti nupabattu poleangi lalang ri singara'na alloa. Siagang apa-apa nipa'bicikanga ri tolinnu, pa'la'bangi sa'genna ri kere-keremae!

MARKUS 16:15

Nakanamo Isa ri ke'nanga, “A'lampamako mange ri sikontu linoa, siagang pa'la'bammi Kabara' Baji' battua ri Allata'ala, mange ri sikontu rupataua.

ROMA 16:25

Nipujimi Allata'ala! Makoasai anjarreki tappa'nu, situru' Kabara' Baji' battua ri Allata'ala, iamintu ri passala'na Isa Almasi, le'baka kubirittakang. Kubirittakangi anjo passalaka situru' apa Napa'nyataya Allata'ala; iamintu ri sesena rancanaNa Allata'ala, a'bilangngang taungamo tanaassenga taua.

KOLOSE 1:23

Mingka tantu musti tuli majarrekko tappa' siagang ammenteng kassa' ri katappakkannu. Gassingka nulappassangi anjo panrannuang le'baka nisareangko ri wattunna nutarima anjo Kabara' Baji' battua ri Allata'ala. Anjo kabaraka le'ba'mi nibirittakang mae ri sikontu taua ri lino. Na untu' iatommi anjo nainakke anne, iamintu Paulus, ku'jari palayang.

2 TESALONIKA 2:16

Poro KalenNa Batarata Isa Almasi, siagang Allata'ala Manggeta ansaleoriko siagang ampakajarre' ngasengi atinnu, sollanna akkulle nugaukang siagang nubirittakang apa bajika. Nasaba' Nakamaseangki' Allata'ala, siagang lanri lammoro' pa'mai'Na naNasareki' kabaraniang tojenga siagang panrannuang bajika.

IBRANI 13:20

Napattallasa' poleammi Allata'ala Batarata Isa battu ri kamateanga. Lanri iaminjo kamateanNa nakamma-kamma anne a'jarimi Pakalawaki Mala'biri' mae ri katte, sanrapanga gimbala'Na ngaseng. Ia tomminjo kamateanNa ampattantui parjanjiang mannannungang Napareka Allata'ala siagang ikatte.

1 PETRUS 1:25

mingka kananNa Batara, niaki satunggu-tungguna.” Anjo kanaya Kabara' Baji' le'bakamo nibirittakang mae ri kau.

PAPPICINI' 10:11

Nampa nisuroma' angkana, “Pa'la'bangi sikalipa pole biritta battua ri Allata'ala ri passala'na bansa-bansaya, sikamma pa'rasanganga, bahasa-bahasaya, kammayatompa sikamma karak-karaenga.”

PAPPICINI' 10:7

Mingka punna napasa'ra tarompe'na anjo malaeka' makatujua, laNapa'jarimi rahasia eroka Nagaukang Allata'ala, sangkamma le'baka napabattu ngaseng ata-atanNa, iamintu na'bi-na'bia.”

PAPPICINI' 13:7

Nipa'biang tommi angngewai siagang ambetai Umma'Na Allata'ala. Kammayatompa nipassareammi ri ia kakoasanga mae ri sikontu sukua, pa'rasanganga, bahasaya, siagang bansa-bansaya.

PAPPICINI' 3:10

Lanri nuturukimi apa Kuparentakanga mae ri kau, iamintu Kukellaiko tamalanrea, laKujagai mako ri kasusaang lantujuai sallang sikontu linoa. Lakajariangi anjo sikammaya, untu' a'jari paccoba mae ri sikontu rupataua ri lino.

PAPPICINI' 5:9

Akkelommi ke'nanga se're kelongang beru nakana: “IKattemi siratang angngallei anjo kittaka, siagang anreppeki sege'-segele'na. Nasaba' Ikattemi le'ba' nibuno, na lanri kamateanTa, na le'ba'mo Kiballi sikontu rupataua battu ri a'rupa-rupa suku, bahasa, pa'rasangang, siagang bansa, untu' Kierang ri Allata'ala.

PAPPICINI' 8:13

Nampa kucinikimi pole; na nia'mo kulangngere' sa'ra jangang-jangang rajawali sitabanga anri'ba' tinggi rate ri allaka akkio' angkana, “Cilakai! Cilakai! Cilakai sikontu tau niaka ri lino punna nalangngere' sinampe' anjo tallua malaeka' maraenga ampasa'rai tarompe'na!”