PAPPICINI' 14:5 - KITTA' MATANGKASA'

⁵ Tale'bakai a'balle-balle ke'nanga, siagang tena callanna ke'nanga manna sike'de'.

PAPPICINI' 14:5 Iomraidhean Croise

PAMMUJI 32:2

Mate'nei taua, ia tenaya nirekengi kaja'dallanna ri Batara, siagang tenaya nangai annipu.

PAMMUJI 34:13

Erokko la'bu umuru'nu siagang angkasiaki bajika?

PAMMUJI 55:11

Allo bangngi a'jappa ke'nanga akkuliling, anggaukangi kaja'dallanga siagang appare' karicuang.

PANGNGEBARANG 8:8

Kana-kanangku lambusu' ngasengi, manna se're tania' a'jekko yareka sala.

KELONG MALA'BIRI' 4:7

Ikau ga'ga sikaliko, sayangku, tena calla ri kalennu.

YESAYA 53:9

Nipasitarawangi siagang tau ja'dalaka; jera'na niaki ri tangnga-tangngana tau kalumanynyanga, manna natale'bakka a'gau' ja'dala', siagang tale'bakai annipu.”

DANIEL 6:4

Kabateammi linta' angkanaya jama-jamanna Daniel la'bi bajikangngangi najama-jamanna sikamma guburnurka siagang pangawasa' maraengannaya. Lanri kammana anjo, ero'mi karaenga angngangkaki a'jari pamarenta mae ri sikontu kakaraenganga.

HOSEA 10:2

Anjo sikamma tau a'jekkoa atinna, kamma-kamma anne musti natanggongi hukkunganna dosana. LaNaancuruki Allata'ala tampa' pakkoro'bangnganna ke'nanga, siagang Naruntungi patung-patung barhalana ke'nanga.

ZEFANYA 3:13

Tu Israel niaka ammantang tassesa, tenamo nala'gau' ja'dala' pole manna ri nai; tenamo nala'balle-balle ke'nanga siagang tena tommo nalannipu. Lakalumanynyangi na salewangang tallasa'na ke'nanga, siagang tenamo nalamalla' manna pole ri nai.”

MALEAKHI 2:6

Napangngajarrangi ke'nanga katojenganga, teai salaya napangngajarrang. SijarrekiA' siagang ke'nanga, siagang naturuki erokKu silambusu'na pa'mai'na ke'nanga. Jai tongi tau natulung ke'nanga sollanna tanagaukanga kaja'dallanga.

MATIUS 12:34

Ikau tau ja'dala' ngasengko! Antekammako lakkulle ampaui kabajikanga punna tau ja'dalakko? Apa nupau iamintu bonena lalang atinnu, assulu' battu ri bawanu!

LUKAS 23:4

Nakanamo Pilatus ri imang-imang kapalaya siagang anjo tau jaia, “Tena sikali kugappa manna se're kasalanna anne taua lampassiratangi nihukkung.”

YOHANES 1:47

Nacini'mi Isa nia' battu Natanael; na Napaumo passala' ri batangkalenna Natanael Nakana, “Ciniki, iaminjo tu Israel tojeng-tojenga. Tena apa-apa palassu lalang ri batangkalenna.”

EFESUS 5:27

Battu ri kammanami anjo naNapaenteng baji'mo siagang matangkasa'mo anjo jama'aka ri dallekanNa, tena sikali panra'na yareka tena sikali callanna manna sike'de'.

KOLOSE 1:22

Mingka kamma-kamma anne, Napa'jari baji'mi ammotere' passisambungannu siagang KalenNa, lanri kamateanNa Ana'Na. Kammami anjo carana nukkulle nierang mange andallekang siagang malanynying, matangkasa' siagang tena callanu ri dallekanNa Allata'ala.

IBRANI 9:14

la'biangampa pole cera'Na Almasi. Tete ri Roh mannannunganga, Napassareammi KalenNa Almasi mae ri Allata'ala a'jari koro'bang sukkuka baji'na. Cera'Na antangkasi ati mailalanta battu ri upacara agama tenaya matu-matunna sollanta akkulle a'jari palayang mae ri Allata'ala mattallasaka.

1 PETRUS 1:19

passangalinna apa sannaka lompona anggaranna; iamintu KalenNa Almasi, a'jaria sanrapang gimbala' tenaya callanna, nikoro'bangkanga mae ri Allata'ala.

1 PETRUS 2:22

Tena nale'ba' a'gau' dosa, siagang tale'bakai nia' tau allangngereki a'balle-balle.

1 PETRUS 3:10

Nia' tattulisi' lalang ri Kittaka angkanaya, “Inai-nai ero' angkasiaki mate'nena tallasaka, naero' ampisa'ringi allo-allo bajika, musti nakatutui bawana sollanna tamappaua bicara ja'dala', natamakkana balle-ballea.

YUDAS 1:24

Allata'ala, Makoasaya anjagaiko sollanna tena nutu'guru' siagang Makoasaya angngerangko mae ri dallekang mala'biri'Na siagang rannu kammayatompa tena callannu,