PAPPICINI' 14:2 - KITTA' MATANGKASA'

² Nampa nia' kulangngere' sa'ra battu rate ri langika ammarrung sangkamma sa'ra je'ne' tu'guru' lompoa siagang sangkamma gunturu' a'gamarrung lompoa. Anjo sa'raya sangkamma nilangngere' sa'ra kacapi niko'bika ri pakarena kacapia.

PAPPICINI' 14:2 Iomraidhean Croise

2 SAMUEL 6:5

Daud siagang sikontu bansa Israel a'jappa ri dallekanna anjo Pattia a'joge'-joge' sipagassing-gassinna tojeng siagang akkelong-kelong untu' ampakala'biriki Batara. Akkarena kacaping, gambusu', rabana, rincing-rincing siagang kasidai ke'nanga.

2 PATTOTTORANG 20:28

Ri wattunna battu ke'nanga ri kotaya, a'barrisiki ke'nanga mange ri Balla'Na Batara nirurungang siagang sa'ra kacaping siagang tarompe'.

PAMMUJI 147:7

Kelongangi pammuji-mujia mae ri Batara, ko'biki kacapia mae ri Allata'alata.

PAMMUJI 149:3

Pujimi arenNa nu'joge'-joge', pujimi siagang kacapi na rabana!

PAMMUJI 33:2

Appala' sukkurukko mae ri Batara siagang kacapi, akkelongko mae ri Ia nirurungang ri sa'ra musi'.

PAMMUJI 43:4

Kulamange ri tampa' pakkoro'bangnganNa Allata'ala, andallekang ri Allata'ala kabattuanna kate'neangku. Lamakkelonga' siagang lakkarena kacapi, untu' ampujiKi', o, Allata'ala, Allata'alaku.

PAMMUJI 57:8

Kujarreki tappakku, o, Allata'ala, kujarreki tappakku, erokka' akkelong siagang ampujiKi'.

PAMMUJI 92:3

angkabarrangi pangngamaseanTa ri wattu bari'basa', siagang nyawa tamamminraTa ri wattu bangngi,

PAMMUJI 93:4

Mingka Batara makoasa ri suruga, la'bi hebakkangngang na arrunna tamparang lompoa, la'bi gassingangang napa'jallo'na bombanga.

PAMMUJI 98:5

Akkelongko lagu pammuji mae ri Batara, siagang ko'bi'-ko'bi' kacapi.

KALAPPASSANG 19:16

Ri makatalluna alloa, ri bari'basa'na, battumi gunturuka siagang kilaka. Nia'mo ammumba rammang kapala' rate ri monconga siagang nia'mo kalangngerang sa'ra tarompe' sannaka lompona sa'ranna. Annekkere' ngasemmi sikontu taua ri kemaya napakamma malla'.

KALAPPASSANG 20:18

Ri wattunna nalangngere' taua gunturuka siagang sa'ra tarompeka, kammayatompa nacini'na kilaka siagang a'rumbu monconga, annekkere'mi ke'nanga napakamma malla', siagang ammenteng battu bellami ke'nanga.

YESAYA 17:13

Majui ke'nanga rapang a'ba sannaka lompona. Mingka Niancangi ke'nanga ri Allata'ala, nampa lari ke'nanga sa'genna bella lampana. Niondangi ke'nanga rapang awang niri'bakang ri anging nai' ri buluka, yareka rapang limbu'bu' nitui' ri anging lompoa.

YEHEZKIEL 43:2

siagang anjoremmi nia' kucini' caya accilla' battu raya, iamintu tanra kahaderanNa Allata'alana Israel. Kalangngerammi sa'ranNa Allata'ala sangkamma gamarrunna bombanga ri tamparang, siagang accilla'-cillaki buttaya lanri singara' kahaderanNa Allata'ala.

ZAKHARIA 9:14

LaNapappicinikangi KalenNa Batara mae ri umma'Na, sanrapangi kila' nipabuccu' ana'-ana' panaNa. Batara Kaminang Tinggia lappasa'ra' tarompe' pammatei maju a'bundu', nampa a'jappa maju lalang anging barubu battu timboro'.

1 KORINTUS 13:1

Manna pole a'rupa-rupai bicara tu lino kuasseng, ba'lalo manna pole akkullea' a'bicara malaeka', mingka tena kumangngamaseang mae ri parangku tau, anjo bicarangku a'jari bicara lompoji bawang, tenaya matu-matunna.

PAPPICINI' 1:10

Ri allonNa Batara, nikoasaia' ri RohNa Allata'ala; nampa nia' kulangngere' sa'ra sannaka lompona, sangkamma sa'ra tarompe', battu ri bokoku.

PAPPICINI' 1:15

na bangkenNa accayai sangkamma tambaga nitunua. Sa'ranNa sangkammai je'ne' ammarrung lompoa battu.

PAPPICINI' 11:12

Nampa nia' nalangngere' anjo ruaya na'bi sa'ra lompo angkioki ke'nanga battu ri suruga angkana, “Naikko mae anrinni!” Nampa ri dallekanna musu-musunna ke'nanga, nai'mi ke'nanga ri suruga, nikalimbuki ri rammang.

PAPPICINI' 11:15

Nampa napasa'ra tarompe'na malaeka' makatujua; na nia'mo nilangngere' ri suruga sa'ra-sa'ra sannaka lompona, angkanaya, “Kamma-kamma anne nia'mi lalang limanNa Batarata siagang Karaeng Mappasalama' Napa'janjianga kakoasanga untu' ammarenta ri anne linoa, iamintu Karaeng Mappasalama' Napa'janjianga. Lammarentai sa'genna satunggu-tungguna!”

PAPPICINI' 15:2

Le'baki anjo nia'mo kucini' apa sangkammaya nicini' tamparang kaca accampuruka pepe'. Kucini' tommi tau le'bakamo ammeta ri anjo olo'-oloka siagang patunna, siagang ammetayamo mae ri anjo tau nibateia lomoro' arenna. Ammenteng ngasemmi anjo tau ammetayamo ri birinna tamparang kacaya, nanata'gala' kacapi Napassareanga Allata'ala mae ri ke'nanga.

PAPPICINI' 18:22

Sa'ra kacapia, sa'ra pakelonga, sa'ra sulinga, siagang sa'ra tarompeka, tena ngasemmo nakalangngerang lalang ri kau. Tena tommo lanubuntulu' tu cara'de' manna sitau anjoreng, kammayatompa tena tommo sa'ra batu pa'giling lakalangngerang.

PAPPICINI' 5:8

Ri wattu appakammana anjo Ana' Gimbalaka, su'ju'mi naung anjo appaka anu attallasa' siagang anjo ruampuloa angngappa' pamimping ri dallekanNa anjo Ana' Gimbalaka. Massing anna'galaki kacaping siagang mangko' bulaeng niaka kamanynyanna anjo ke'nanga, iamintu pappala' doanganna Umma'Na Allata'ala.

PAPPICINI' 6:1

Le'baki anjo kucini'mi anjo Ana' Gimbalaka anreppeki segele' makase'rea ri anjo tujua segele'. Nampa kulangngere' kalase'renna anjo appaka anu attallasa' angkana, “Maeko!” Ia sa'ranna sangkammai gunturu'.

PAPPICINI' 8:7

Napasa'rami tarompe'na malaeka' makase'rea; turummi bosia kamma es siagang pepe', accampuruki siagang cera' sannaka batena a'lo'loro' naung ri buttaya. La'busu'mi bage talluna linoa akkanre; kammayatompa bage tallunna poko'-poko' kayua, siagang sikamma ruku'-ruku' moncongbuloa.