PAPPICINI' 14:17 - KITTA' MATANGKASA'

¹⁷ Nampa nia' kucini' se're malaeka' maraengannaya pole assulu' battu ri Balla'Na Allata'ala ri suruga. Anna'gala' tongi se're kandao tarang.

PAPPICINI' 14:17 Iomraidhean Croise

PAPPICINI' 11:19

Nampa tassungkemo Balla'Na Allata'ala ri suruga, na kacinikammo Patti Parjanjianga ilalang. Nampa nia'mo kila' assisambung-sambung siagang sa'ra gunturu' a'gamarrung siagang a'garumbang, kammayatompa ta'ge'goso'mi buttaya nabosi sannaka sarrona, angngerang es.

PAPPICINI' 14:16

Nampa Napasoemo kandaoNa anjo ammempoa irate ri rammanga nanikattomo linoa.

PAPPICINI' 14:18

Le'baki anjo, nia'mo pole se're malaeka' maraengang, iamintu malaeka' makoasaya ri pepeka, battu ri tampa' pakkoro'bangnganga. Akkio' lompomi mae ri anjo malaeka' anna'galaka kandao tarang angkana, “Soeammi kandaonu nanukere' ngaseng sikontu rapponna anggoroka ri buttaya, nasaba' ti'no' ngasemmi rapponna!”

PAPPICINI' 16:1

Nampa nia' kulangngere' sa'ra lompo battu lalang ri Balla'Na Allata'ala angkana mae ri anjo tujua malaeka' angkana, “A'lampako nanutumpa bonena anjo pammoneang kalarroanNa Allata'ala naung ri buttaya!”

PAPPICINI' 16:17

Le'baki anjo natumpami bonena pammoneanna anjo malaeka' makatujua naung ri allaka. Na nia'mo nilangngere' sa'ra lompo battu ri empoang kala'biranga ri Balla'Na Allata'ala, angkana, “Le'ba'mi!”