PAPPICINI' 14:1 - KITTA' MATANGKASA'

¹ Nampa kuciniki, nakucini'mo anjo Ana' Gimbalaka ammenteng rate ri Bulu' Sion. Nia' Naagang tau 144.000 jaina, niaka ngaseng ri tompo' kanynyinna ke'nanga tattulisi' arenNa siagang arenNa ManggeNa.

PAPPICINI' 14:1 Iomraidhean Croise

PAMMUJI 2:6

Nakana, “Ri Sion bulu' matangkasakKu le'ba' Kulanti' karaeng nipileKu.”

YESAYA 49:14

Mingka nakana pandudu'na Yerusalem, “Nabokoi maki' Batara, Nakaluppai maki' Batarata.”

YEREMIA 1:11

Akkuta'nangi Batara ri nakke angkana, “Apa nucini' Yeremia?” Appialia' angkana, “Tangke kayu badang, Batara.”

YEHEZKIEL 1:4

Acconga' nai', nakucini'mo angnging lompoa ammiri' battu wara'. Kuciniki kilaka a'lepa'-lepa' battu ri sigompoang rammang ia sannaka lompona; nampa langika ri tammulilina teai sipato' singara'na. Lalang ri anjo kila' a'lepa'-lepaka nia' kucini' apa-apa accila'-cilla' sangkamma tambaga.

YEHEZKIEL 10:1

Nampa accinika' mae ri pattongko' niaka irateanna ulunna anjo sikamma malaeka' akka'nyika, na nia'mo kucini' apa sangkamma empoang kakaraengang nipareka battu ri batu nilang.

YEHEZKIEL 10:9

Kucini' tongi angkanaya anjo malaeka' akka'nyika massing nia' tasse'renna roda ri sa'rinna. Anjo appaka roda sangkammai tanja'na, accillaki rapang paramata ga'ga. Massing nia' roda maraenna, ia tappalanga ri tangnga-tangngana.

YEHEZKIEL 2:9

Nampa nia' kucini' lima ta'jonjo mae ri nakke. Lalang ri anjo limaya nia' kitta' nigulung,

YEHEZKIEL 44:4

Nampa anjo tu bura'nea naeranga' mange ri pakke'bu' lompo bageang wara', assidallekanga siagang Balla'Na Batara. Kuparhatikangi, siagang kucini'mi anjo Balla'Na Batara nitongko' ri caya accilla' tanra kahaderanNa Batara. Nampa anra'bama' naung nakusu'ju',

YEHEZKIEL 8:7

Nampa nieranga' mange ri pakke'bu' antamakkanga ri paranglakkeng bageang pantaranga siagang nipicinikiamma' se're so'bolo' ri temboka.

YEHEZKIEL 9:4

“A'lampako mange ri sikontu kotaya siagang sarei pammatei abanna sikamma tau si'naya siagang susaya pa'mai'na lanri anjo panggaukang appakaringika ri anjo kotaya.”

DANIEL 12:5

Nampa nia' kucini' rua tu bura'ne. Anjo se'rea ammentengi ri biring binanga anrinnianga, nampa se'reanga pole ammentengi ri biring binanga ba'leangnganga.

YO"EL 2:32

Mingka inai-nai appala' pannulung mae ri Batara, iami lanipasalama'. Nakana Batara, “Ri Yerusalem sikamma tau Kupilea lasalamaki.”

AMOS 8:2

Akkuta'nangi Batara ri nakke angkana, “Apa nucini' Amos?” Appialima' angkana, “Se're karanjeng nibonei rappo-rappoang ti'no'.” Nakanamo Batara, “Narapi'mi wattunna mae ri ummakKu Israel, rapang rappo-rappoang ti'nokamo. Tenamo nalaKupinra pole rancanaKu siagang ma'nassa laKuhukkungi ke'nanga.

MIKHA 4:7

Nipa'jarimi ke'nanga rapang tau peso' siagang bella battu ri butta passolongang cera'na. Mingka, battu ri anjo sikamma tau tassesaya laKupakaramulai se're turungang beru. La'jari ke'nanga bansa lompo siagang kassa'. INakke lammarenta ri ke'nanga ri Bonto Sion sa'genna satunggu-tungguna.”

ZAKHARIA 4:2

Akkuta'nangi angkana, “Apa nucini'?” Appialima' angkana, “Se're bangkeng lampu bulaeng. Ri coppo' ratena nia' pammolikang minynya', siagang ri tammulilina nia' tuju lampu, massing niaka tuju tampa' sumbuna.

LUKAS 12:8

“U'rangi baji'-baji': Inai-nai mangaku ri dallekanna tau jaia angkanaya amminawangi ri Nakke, laniakui tongi sallang ri Ana' Ma'rupataua ri dallekanna malaeka'-malaeka'Na Allata'ala.

ROMA 9:33

Ri sesena anjo batua, nia' tattulisi' lalang ri Kittaka angkana, “U'rangi baji'-bajiki anne: Ri Sion nia' batu le'ba' Kuboli', la'jari sabaka natatto'ro taua; iamintu se're batu lompo, la'jari sabaka natu'guru' taua. Mingka inai-nai tappa' ri Ia tena nalala'ba' pa'mai'na.”

PAPPICINI' 14:14

Nampa kuciniki, na nia'mo kucini' rammang kebo'. Irate ri anjo rammanga nia' sitau ammempo sangkammaya nicini' tau tanja'Na. Ri ulunNa nia' songko' bulaeng, na ri limanNa nia' se're kandao tarang.

PAPPICINI' 14:3

Na ri dallekanna anjo empoang kalompoanga, siagang appaka olo'-olo', kammayatompa sikamma anjo pamimping akkulilinga ri anjo empoang kala'biranga, akkelong ngasemmi anjo tau 144.000 jaina. Kelongang beru anjo nakelonganga ke'nanga. Manna inai takkulleai napappilajari anjo kelonga, pantaranganna anjo tau 144.000 jaina. Yangasemmi anjo ke'nanga tau le'baka nilappassang battu ri linoa.

PAPPICINI' 15:5

Le'baki anjo kucini'mi tassungke Balla'Na Batara ri suruga; siagang nia'mi lalang KemaNa Batara.

PAPPICINI' 22:4

siagang lanacini'mi ke'nanga rupanNa Allata'ala. Latattulisi'mi arenNa Allata'ala ri tompo' kanynyinna ke'nanga.

PAPPICINI' 3:12

Ia ammetaya laKupa'jari sanrapang benteng lalanga ri Balla' Matangkasa'Na Allata'alaKu, siagang lammantammi ri anjo tampaka sa'genna satunggu-tungguna. LaKutulisiki ri kalenna anjo taua arenNa Allata'alaKu, siagang areng kotaNa Allata'alaKu – iamintu Yerusalem berua, iamintu niaka naung battu ri suruga, battu ri Allata'alaKu. Kammayatompa, laKutulisi' tongi areng beruKu mae ri kalenna ke'nanga.

PAPPICINI' 4:1

Le'baki anjo anggappama' pole paccini'. Accinikka' se're pakke'bu' tassungke ri suruga. Nampa kulangngere'mo pole anjo sa'ra le'baka kulangngere' a'bicara mae ri nakke, sangkammaya tarompe' sa'ranna. Nakana anjo sa'raya, “Naikko mae anrinni. Erokko Kupicinikiang apa lakajarianga sallang.”

PAPPICINI' 6:8

Kucinikimi, nampa nia' kucini' sikayu jarang pi'lasaka tanja'na. Pabaena niarengi Kamateang. Ri bokona a'reppese'mi amminawang Lino Kamateanga. Kakoasanga mae ri bage appa'na anne linoa nipassareangi mae ri ke'nanga, sollanna akkulle ke'nanga ammuno lalang ri pa'bundukanga, lalang ri kacipuranga, lalang ri kagarringanga, kammayatompa battu ri olo'-olo' sekkeka.