PAPPICINI' 13:16 - KITTA' MATANGKASA'

¹⁶ Sikontu rupataua, lompo yareka ca'di, kasi-asi yareka kalumanynyang, tau ata yareka tau bebasa', nipassa ngasemmi ri anjo olo'-oloka untu' annarima pammatei ri lima kananna ke'nanga yareka ri tompo' kanynyinna ke'nanga.

PAPPICINI' 13:16 Iomraidhean Croise

2 PATTOTTORANG 15:13

Manna inai, tau toa yareka tau rungka, bura'ne yareka baine, tenaya nattallasa' situru' ero'Na Batara mattantui nihukkung mate.

AYUB 34:19

Tena Nangngalle mae ri sikamma karaenga, yareka Naparioloangngang tau kalumanynyanga na tu kasi-asia. Lanri yangasenna para bate pare'Naji.

PAMMUJI 115:13

LaNabarakkaki sikamma tau mappilangngeria, baji' tau ca'di kammayatompa lompoa.

PAMMUJI 49:2

Pilangngeri, he sikontu bansaya, tannangi tolinnu, he pandudu'na linoa,

KALAPPASSANG 13:9

Anne passua'-suarranga anjari pangngu'rangi mae ri kau, sanrapang pammatei nisikkoka ri limannu yareka pammatei ri abannu. Anne passua'-suarranga anjari pappiu'rangi mae ri kau sollanna tuli nubicara siagang tuli nupilajari Hukkung-hukkunNa Batara; saba' Napasulukko Batara battu ri Mesir siagang koasa malompoNa.

YEHEZKIEL 9:4

“A'lampako mange ri sikontu kotaya siagang sarei pammatei abanna sikamma tau si'naya siagang susaya pa'mai'na lanri anjo panggaukang appakaringika ri anjo kotaya.”

ZAKHARIA 13:6

Na punna akkuta'nang taua ri ia angkana, ‘Bokka' apa anjo ri barambannu?’, lappiali angkana, ‘Anjorenga' ri balla'na agangku anggappa loko'.’ ”

LAMPA-LAMPANA 26:22

Mingka sa'genna kamma-kamma anne tuli nijagaia' ri Allata'ala, sa'gengku akkulle ammenteng anrinni, a'jari sa'bi mae ri sikamma taua – baji' natau lompo kammayatompa tau ca'dia. Anne apa kupaua tena le'ba' sisalana siagang apa-apa le'baka nasero kana na'bi-na'bia siagang Musa;

1 KORINTUS 12:13

Kamma ngaseng tommaki' anjo; ikatte tu Yahudia kammayatompa bansa-bansa maraenga, ikatte nikanaya kalenta ata kammayatompa tau bebasaka, le'ba' ngaseng maki' nije'ne' lalang se're Roh, sollanta nipa'jari se're lalang ri tubuNa Almasi. Sukku' ngaseng tommi le'ba'na nikasia' kakoasanNa anjo Roh se'rea.

GALATIA 3:28

Lalang ri kammana anjo tenamo nanipasimmaraengi tu Yahudia siagang bansa-bansa maraenga, yareka ataya siagang tau bebasaka, yareka tu bura'nea na tu bainea. A'jari se're ngaseng mako lanri Isa Almasi.

GALATIA 6:17

Kammayatompa pole, poro tena lalomo manna sitau ansusaia' pole; nasaba' nia'mi butti-buttina ri kalengku, angkanaya ma'nassa ana' gurunNa' Isa.

EFESUS 6:8

U'rangi angkanaya, massing-massing rupataua, baji' na ata yareka natau bebasa', lannarima ngasengi pa'balasa' battu ri Batara situru' apa-apa baji' le'baka nagaukang.

PAOLE 11:18

U'rangi siagang parhatikangi anjo parenta-parentaya. Sikkokangi ri limannu siagang patabai ri abannu sollanna tuli nuu'rangi.

PAOLE 6:8

Pasikkoki anjo mae ri limannu siagang patabai mae ri abannu sollanna tuli nuu'rangi.

KOLOSE 3:11

Kale'bakkanna allanynya'mi sikontu passimmaraenganna tu Yahudia siagang bansa-bansa maraenga, yareka tu nisunnaka siagang tu tenaya nisunnaki; tenamo passimmaraengang ri bansa battu-battua siagang tau bambalaka; tenamo passimmaraengang ri tu a'jari ataya siagang tu bebasaka; nasaba' Almasimi a'jari yangaseng-ngasenna. Asse're ngasemmi ke'nanga lalang ri Almasi!

2 TIMOTIUS 3:8

Sangkamma Yanes siagang Yambres naewai Musa riolo, sangkamma tommi anjo ke'nanga naewai pangngajarang battua ri Allata'ala. Panra'mi pikkiranna ke'nanga, siagang kapeokammi tappa'na ke'nanga.

PAPPICINI' 11:18

A'jalloki tau tenaya natappa' ri Batara, lanri narapi'mi wattunTa ampappicinikangi kalarroanTa, siagang narapi' tommi wattunna Kiadeli tau matea. Iaminne wattunna laKisare passawallang sikontu atanTa, na'bi-na'biTa, kammayatompa sikontu ummatTa, iamintu sikontu tau anynyombaya mae ri Katte, baji' natau lompo, kammayatompa tau ca'di. Iaminne wattunna laKiancuru' tau angngancurukai buttaya!”

PAPPICINI' 15:2

Le'baki anjo nia'mo kucini' apa sangkammaya nicini' tamparang kaca accampuruka pepe'. Kucini' tommi tau le'bakamo ammeta ri anjo olo'-oloka siagang patunna, siagang ammetayamo mae ri anjo tau nibateia lomoro' arenna. Ammenteng ngasemmi anjo tau ammetayamo ri birinna tamparang kacaya, nanata'gala' kacapi Napassareanga Allata'ala mae ri ke'nanga.

PAPPICINI' 19:18

Maeko angkanrei assinna ngaseng karaenga, panglimaya, siagang assinna tau rewaya; maeko angkanrei assinna sikamma padongko' jaranga siagang jaranna ngaseng, kammayatompa assinna sikontu rupataua, tau lompo yareka tau ca'di, ata yareka tau bebasa'!”

PAPPICINI' 19:20

Nijakkala'mi anjo olo'-oloka siagang sikontu na'bi takontutojenga, iamintu le'baka appare' panggaukang appakalannasa' ri dallekanna anjo olo'-oloka. (Iaminjo gau'-gau' appakalannasaka napake anjo olo'-oloka antipui anjo tau le'baka ngaseng nabatei anjo olo'-oloka, siagang anjo tau anynyombaya mae ri patunga.) Nampa nipela' attallasa' anjo olo'-oloka siagang na'bi balle-ballea antama' ri tamparang pepe' a'rinra-rinraya siagang bara.

PAPPICINI' 19:5

Nampa nia' kulangngere' sa'ra battu ri anjo empoang kala'biranga angkana, “Pujimi Allata'ala, ikau sikontu atanNa, siagang sikontu rupataua, tau lompo yareka ca'di, ia anynyombaya ri Allata'ala, pujimi Allata'ala!”

PAPPICINI' 20:12

Siagang nia'mi kucini' sikamma tau matea, tau lompo yareka tau ca'di, ammenteng ri dallekanna anjo empoang kala'biranga. Nisungkemi kitta'-kittaka. Nampa nia' tommo se're kitta' maraeng nisungke iamintu Kitta'na Tau Attallasaka. Nampa nitappukimi hukkunganna sikamma tau matea situru' panggaukanna ke'nanga, kamma niaka tattulisi' lalang ri anjo kitta'-kittaka.

PAPPICINI' 20:4

Nampa kucini' sikamma anjo empoang kala'biranga siagang sikamma tau niaka ammempo irate nisarei koasa untu' annappuki hukkungang. Kucini' tommi nyawana sikamma tau le'baka nisamballe passabakkang a'jari sa'bina ke'nanga ri passala'na Isa, siagang napa'la'bang pappasang battua ri Allata'ala. Yangasenna anjo taua tanasombayai olo'-oloka, yareka patunna. Tena todong nale'ba' ke'nanga anggappa pammatei battu ri anjo olo'-oloka, iamintu pammatei irateanganna kanynyinna yareka ri limanna ke'nanga. Jari attallasa' poleammi ke'nanga siagang ammarentami a'jari karaeng ke'nanga sisa'bu taung sallona siagang Almasi.

PAPPICINI' 6:15

Nampa karak-karaeng niaka ri lino, sikamma tumalompoa, sikamma panglimaya, sikamma tau kalumanynyanga, siagang sikamma tau anna'galaka koasa kammayatompa sikamma tau maraengannaya, baji' na ata yareka tau bebasa', mange ngasemmi ancokkoi kalenna ri kali'-kali'bong buluka yareka ri alla'-alla'na batua ri buluka.

PAPPICINI' 7:3

Nakana anjo malaekaka, “Teako rolong panraki bontoa, yareka tamparanga yareka poko'-poko' kayua punna tenapa nisarei pammatei segele' ri kanynyinna sikamma Umma'Na Allata'ala.”