PAPPICINI' 12:4 - KITTA' MATANGKASA'

⁴ Nare'resammi bage talluna sikontu bintoenga ri langika siagang ingkonna nampa napasambila naung ri buttaya. Ammentengi anjo nagaya ri dallekanna anjo baine eroka ammana', lanri eroki nakanre ana'na anjo bainea punna lassuki.

PAPPICINI' 12:4 Iomraidhean Croise

KALAPPASSANG 1:16

Nakana Karaeng Mesir, “Punna nutulung tubaine Ibrania ammana', u'rangi anne: Punna ana' bura'ne anjo nalassukanga, bunoi! Punna baine anjo nalassukanga, lappassammi attallasa'.”

YESAYA 27:1

Anjo wattua lammakei Batara pa'dang tarang siagang kassa' untu' anghukkungi Lewiatan, iamintu ulara' ammekko'-mekkoka siagang akkalu'-kaluka, kammayatompa lambunoi naga tamparanga.

YOHANES 8:44

Ia manggenu iamintu Billisika, naia eroka nuturuki iamintu ero'na manggenu. Battu ri uru-urunaji napabuno memang anjo Billisika. Tena le'bakai mae ri katojenganga, lanri tena katojengang ri kalenna. Punna a'balle-balle, anjo biasa memanji ri ia, nasaba' kamma memanjinjo sipa'na. Iami paballe-balle, siagang iami nakabattui sikontu balle-ballea.

1 PETRUS 5:8

Paralluko tuli tutu siagang a'jaga-jaga! Nasaba' anjo Billisika iami musunnu. A'lampai anrai'-kalau' sanrapang singa nye'nyereka amboyai apa akkullea nalollong.

PAPPICINI' 12:7

Nampa a'jarimo pa'bundukanga ri suruga. A'bundu'mi Mikhael siagang malaeka'-malaeka'na angngewai anjo nagaya. Nangngewamo anjo nagaya, nibantu ri malaeka'-malaeka'na todong, angngewai Mikhael.

PAPPICINI' 12:9

Nipela'mi anjo naga lompoa assulukang! Iami anjo ulara' toaya niarenga Billisi' yareka Roh Ja'dalaka, antipuai sikontu linoa. Nipela'mi naung ri linoa siagang sikontu malaeka'na.

PAPPICINI' 13:2

Anjo olo'-oloka sangkammai kucini' macang burika, na bangkenna sangkammai bangkeng beruang, kammayatompa muncenna sangkammai munceng singa. Nampa napassareang anjo nagaya kagassingang kalenna mae ri anjo olo'-oloka; kammayatompa empoang kala'biranna siagang kakoasang lompona nasareang tommi.

PAPPICINI' 13:4

Nasombami ke'nanga anjo naga le'baka assarei kakoasang anjo olo'-oloka. Kammayatompa anjo olo'-oloka nasomba tommi ke'nanga. Nakanamo ke'nanga, “Tenamo sangkammanna anne olo'-oloka! Tenamo akkulle angngewai a'bundu'.”

PAPPICINI' 16:13

Nampa nia'mo kucini' tallu roh ja'dala' sangkammaya tumpang tanja'na. Anjo tumpanga battu anjorengi assulu' ri bawana nagaya, battu ri bawana anjo olo'-oloka, siagang battu ri bawana na'bi balle-ballea.

PAPPICINI' 17:18

Anjo baine nucinika, iaminjo kota lompoa, amparentayai karaeng-karaenga ri lino.”

PAPPICINI' 20:2

Nampa najakkala' anjo nagaya, anjo ulara' toaya – iamintu Billisika yareka Roh Ja'dalaka – nampa nasikko' untu' sisa'bu taung sallona.

PAPPICINI' 8:10

Nampa napasa'ra tarompe'na malaeka' makatallua; na nia'mo se're bintoeng lompo, a'rinra-rinraya sangkamma sulo, tu'guru' battu rate ri langika, nanatuju bage talluna sikontu binangaya siagang sikontu timbusenna je'neka.

PAPPICINI' 8:11

(Arenna anjo bintoenga iamintu “Pai'”.) Jari a'jari pai'mi bage talluna je'neka, najaimo tau mate lanri nainunna anjo je'ne' a'jari paikamo.

PAPPICINI' 8:12

Nampa napasa'ra tarompe'na malaeka' makaappaka. Natattunrummo bage talluna mataalloa, bage talluna bulanga, kammayatompa bage talluna sikontu bintoenga; sa'genna tappela'mi bage talluna cayana ke'nanga. Kammayatompa bage talluna singaraka tenamo nasingara' siagang kamma tomminjo bage talluna bangngia.

PAPPICINI' 8:7

Napasa'rami tarompe'na malaeka' makase'rea; turummi bosia kamma es siagang pepe', accampuruki siagang cera' sannaka batena a'lo'loro' naung ri buttaya. La'busu'mi bage talluna linoa akkanre; kammayatompa bage tallunna poko'-poko' kayua, siagang sikamma ruku'-ruku' moncongbuloa.

PAPPICINI' 8:8

Nampa napasa'ra tarompe'na malaeka' makaruaya; nia'mo apa-apa sanna' lompona, kammaya nicini' bulu' a'rinra-rinraya, nipasambilaya antama' ri tamparanga. Amminrami a'jari cera' bage talluna tamparanga,

PAPPICINI' 8:9

siagang matemi bage talluna olo'-olo' niaka ri tamparang; kammayatompa ancuru' ngaseng tommi bage talluna sikamma kappalaka.

PAPPICINI' 9:10

Nia' ingkonna ke'nanga, siagang potinna kammai poti kalajengking. Na lalang ri ingkonna nia' kagassingang untu' ansessai rupataua untu' limambulang sallona.

PAPPICINI' 9:19

Anjorengi ri bawana siagang ingkonna kagassinganna anjo jaranga. Ingkonna sangkammai ulara' ruaya ulunna. Iaminjo ingkonna napake ansessai rupataua.