PAPPICINI' 12:3 - KITTA' MATANGKASA'

³ Nampa nia' pole nicini' ri langika apa-apa appakalannasaka. Iamintu nia' sikayu naga eja na sanna' lompona, tujua ulunna siagang sampuloa tanru'na. Massing-massing ulunna ammake ngasengi songko' karaeng.

PAPPICINI' 12:3 Iomraidhean Croise

YESAYA 27:1

Anjo wattua lammakei Batara pa'dang tarang siagang kassa' untu' anghukkungi Lewiatan, iamintu ulara' ammekko'-mekkoka siagang akkalu'-kaluka, kammayatompa lambunoi naga tamparanga.

YESAYA 51:9

Ammenteng maKi' o Batara, Kitulung laloi ikambe, pasalamaki ikambe lanri koasaTa. Ammenteng maKi' sangkamma ri jammang riolo ri wattunna Kilissarrang Rahab siagang Kicoka naga tamparanga sa'genna mate.

YESAYA 9:15

Sikamma pamimpinna anjo bansaya napasala oloammi siagang napa'jari lingumi ra'yaka.

DANIEL 2:41

Anjo bangkenga siagang karemeng bangkeng a'bengkoroka bassi siagang butta pi' ri anjo patunga, iaminjo pangngebarranna angkanaya anjo kakaraenganga lata'bage-bagei ri allo ri boko. Anjo kakaraenganga nia' todong kagassinganna lanri anjo butta pika nibengkoroki bassi.

DANIEL 2:42

Karemeng bangkenna bassi sipa'gang nampa butta pi' sipa'gang, battuanna nia' sipa'gang kakaraengang kassa' mingka nia' todong sipa'gang lammai.

DANIEL 7:20

Ero' tongi kuasseng battuanna anjo sampuloa tanru' ri ulunna siagang anjo tanru' ca'di ammumbaya ri boko nampa nabi'bu' tallua tanru' rioloangannaya. Anjo tanru' ca'dia nia' matanna siagang bawana a'bicara kosonga siagang tampoa. La'bi appakamalla'-mallakkangngangi naanjo tanru'-tanru' maraenganga.

DANIEL 7:24

Anjo sampuloa tanru' iamintu sampuloa karaeng lammarentaya ri anjo kakaraenganga. Nampa nia' sitau karaeng maraeng lammumba; tena nasangkamma siagang karaeng-karaeng rioloangannaya, siagang lanabetai tallua karaeng.

PAPPICINI' 12:1

Nampa nia' nicini' ri langika apa-apa sannaka appakalannasa'na. Nia' sitau baine ammakeang mataallo ammenteng irate ri bulanga. Ri ulunna nia' songko' niaka bintoenna sampulo anrua.

PAPPICINI' 12:13

Ri wattunna naasseng kalenna anjo nagaya angkana nipela'mi naung ri buttaya, appakkaramulami naondang anjo baine le'baka allassukang ana' bura'ne.

PAPPICINI' 12:17

A'jari sanna'mi larrona anjo nagaya mae ri anjo bainea, sa'genna a'lampa mange ambunduki sossoranna maraenga anjo bainea, iamintu sikontu tau mannurukia ri parentaNa Allata'ala, siagang a'jari sa'bia ri passala'na Isa siagang kakoasanNa.

PAPPICINI' 12:4

Nare'resammi bage talluna sikontu bintoenga ri langika siagang ingkonna nampa napasambila naung ri buttaya. Ammentengi anjo nagaya ri dallekanna anjo baine eroka ammana', lanri eroki nakanre ana'na anjo bainea punna lassuki.

PAPPICINI' 12:7

Nampa a'jarimo pa'bundukanga ri suruga. A'bundu'mi Mikhael siagang malaeka'-malaeka'na angngewai anjo nagaya. Nangngewamo anjo nagaya, nibantu ri malaeka'-malaeka'na todong, angngewai Mikhael.

PAPPICINI' 12:9

Nipela'mi anjo naga lompoa assulukang! Iami anjo ulara' toaya niarenga Billisi' yareka Roh Ja'dalaka, antipuai sikontu linoa. Nipela'mi naung ri linoa siagang sikontu malaeka'na.

PAPPICINI' 13:1

Nampa nia' kucini' sikayu olo'-olo' ammumba battu lalang ri tamparanga. Nia' sampulo tanru'na na tuju ulunna. Ri massing-massing tanru'na nia' songko' karaeng, kammayatompa ri massing ulunna nia' tattulisi' se're areng anghinayai Allata'ala.

PAPPICINI' 13:2

Anjo olo'-oloka sangkammai kucini' macang burika, na bangkenna sangkammai bangkeng beruang, kammayatompa muncenna sangkammai munceng singa. Nampa napassareang anjo nagaya kagassingang kalenna mae ri anjo olo'-oloka; kammayatompa empoang kala'biranna siagang kakoasang lompona nasareang tommi.

PAPPICINI' 13:4

Nasombami ke'nanga anjo naga le'baka assarei kakoasang anjo olo'-oloka. Kammayatompa anjo olo'-oloka nasomba tommi ke'nanga. Nakanamo ke'nanga, “Tenamo sangkammanna anne olo'-oloka! Tenamo akkulle angngewai a'bundu'.”

PAPPICINI' 15:1

Nampa nia' kucini' ri langika apa appakalannasaka siagang sannaka heba'na. Nia' tuju malaeka' siagang tuju bala kala'busanga. Iaminne kala'busanna Napappicinikang kalarroanNa Allata'ala.

PAPPICINI' 16:13

Nampa nia'mo kucini' tallu roh ja'dala' sangkammaya tumpang tanja'na. Anjo tumpanga battu anjorengi assulu' ri bawana nagaya, battu ri bawana anjo olo'-oloka, siagang battu ri bawana na'bi balle-ballea.

PAPPICINI' 17:12

Anjo sampuloa tanru' nucinika iamintu sampuloa karaeng, tenayapa nappakkaramula ammarenta. Mingka lanisarei ke'nanga koasa untu' ammarenta a'jari karaeng siagang anjo olo'-oloka poro sijang sallona.

PAPPICINI' 17:16

Anjo sampuloa tanru' siagang anjo olo'-olo' nucinika labirisiki mae ri anjo pasundalaka. Lanarampasaki ke'nanga sikamma apa-apa niaka ri ia, siagang lanapa'jari assolaraki. Lanakanrei ke'nanga assinna siagang lanaancuruki siagang pepe'.

PAPPICINI' 17:7

Nampa nakana anjo malaekaka ri nakke, “Apa saba'na nanulannasa' kamma? Baji'mi nakupauangko rahasiana anjo bainea siagang rahasiana anjo olo'-olo' nadongkokia, iamintu olo'-olo' tujua ulunna siagang sampuloa tanru'na.

PAPPICINI' 19:12

MatanNa sangkammai pepe' a'rinraya siagang ri ulunNa ammakei jai songko' karaeng. Ri KalenNa nia'mo tattulisi' areng; siagang KalenNaji bawang angngassengi anjo arenga.

PAPPICINI' 20:2

Nampa najakkala' anjo nagaya, anjo ulara' toaya – iamintu Billisika yareka Roh Ja'dalaka – nampa nasikko' untu' sisa'bu taung sallona.