PAPPICINI' 12:2 - KITTA' MATANGKASA'

² Anjo bainea sitabangi tianang, siagang lanri narapi'mi wattunna lammana', ammarrang-marrammi napakamma pa'risi'.

PAPPICINI' 12:2 Iomraidhean Croise

YESAYA 26:17

Rapang baine lamanaka ammulissara' siagang ammarrang napakamma pa'risi', kammaminjo ikambe ri dallekanTa, o Batara.

YESAYA 53:11

Lanri kammana anjo Nakana Batara, “Punna le'baki sessa napakamma nipa'risi, lamate'nei siagang lasukku' baji'mi pakkasia'na. Anjo atangKu, napakasannangi atingKu, le'ba'mi natanggongi hukkunganna tau jaia; lanri ia naKupammopporang ke'nanga.

YESAYA 54:1

O, Yerusalem, riolo rapangko baine tamanang tenaya nakkulle ammana'. Mingka kamma-kamma anne akkio' rannu mako, siagang akkelong mako matte'ne pa'mai'! Saba' teai sipato' jaina ana'nu, la'biangngangi na ana' baine tenaya nibokoi ri bura'nenna.

YESAYA 66:6

Pilangngeri! Nia' sa'ra gamarrung ri kotaya; nia' sa'ra battu ri BallakKu; iaminjo sa'rangKu a'balasaka mae ri musua!

MIKHA 4:9

Angngapa nungarru' lompo kamma? Angngapa nusessa kamma rapang baine eroka ammana'? Apaka lanri tenana karaennu, siagang lanri matenamo sikamma tumappakaingaka ri kau ngaseng?

MIKHA 5:3

Punna battu anjo tumakoasaya, laNaparentai umma'Na lalang kagassinganNa siagang kakoasang battua ri KalenNa Karaeng Allata'ala. Laamangi tallasa'na umma'Na, lanri sikontu taua ri sikontu linoa lanamangakui kabusuki kalompoanNa,

MATIUS 24:8

Na yangasenna anjo nampami pakkaramulanna, sanrapang tu tianang appisa'ringia ri wattu ero'na lammana'.

YOHANES 16:21

Punna nia' sitau baine la'biring ammana', lasusai, nasaba' narapi'mi wattunna lasessa. Mingka kamma lassu'na ana'na, nakaluppaimi pa'risi'na anjo bainea napakamma rannu, lanri lassu'namo anjo ana'na antama' ri lino.

GALATIA 4:19

Sikamma ana'-anakku kukarimangngia! Kamma-kamma anne lussa'mi sedeng nyawaku lanri ikau ngaseng. Pa'risikka' kusa'ring, sanrapang baine eroka allassukang ana'. Punna tenapa nanutarima ri kalennu sipa'-sipa' battua ri Almasi, tuli lakupisa'ringinna anne pa'risika!

GALATIA 4:27

Nasaba' nia' tattulisi' lalang ri Kittaka angkanaya, “Pakarannumi pa'mai'nu ikau baine tamananga, tenaya nale'ba' allassukang ana'! Assannang-sannang mako siagang ma'reja-reja mako ikau tau tale'baka ampisa'ringi pa'risi'na pammanakkanga! Nasaba' baine nibokoia ri tu bura'nenna lanisarei la'bi jaiangang ana', na ia baine niaka tuli a'rurung siagang tu bura'nenna.”

PAPPICINI' 12:4

Nare'resammi bage talluna sikontu bintoenga ri langika siagang ingkonna nampa napasambila naung ri buttaya. Ammentengi anjo nagaya ri dallekanna anjo baine eroka ammana', lanri eroki nakanre ana'na anjo bainea punna lassuki.