PAPPICINI' 12:1 - KITTA' MATANGKASA'

¹ Nampa nia' nicini' ri langika apa-apa sannaka appakalannasa'na. Nia' sitau baine ammakeang mataallo ammenteng irate ri bulanga. Ri ulunna nia' songko' niaka bintoenna sampulo anrua.

PAPPICINI' 12:1 Iomraidhean Croise

2 PATTOTTORANG 32:31

Siagang ri wattunna battu sikamma tunisuroa battu ri Babel untu' ampakkuta'nangngangi antekamma batena appakalannasa' nammolle ri garrinna, nilappassammi Hizkia ri Batara untu' a'gau' ri ero'na, lanri ero'na niso'ri pa'mai'na.

PAMMUJI 104:2

akkalimbukKi' cahaya. IKatte ampaka'rangi langika sanrapang kema,

PAMMUJI 84:11

Bajikangngangi sialloa ri BallatTa nasisa'bu allo ri tampa' maraenga. Kualleangangi a'jaria pajaga ri pakke'bu' lompona Balla'Na Allata'alaku naia ammantanga ri balla' tau ja'dalaka.

KELONG MALA'BIRI' 6:10

Inaika anjo battu mae, rapang allo ammumbaya, sangga'ga bulang cora, singara' kamma allo? Sanna' angngallena pa'mai', rapang tantara siagang bandera-banderana.

YESAYA 61:10

Nakana Yerusalem, “Rannui pa'maikku lanri Batara, mate'nei atingku lanri Allata'ala. Rapang bunting bura'ne siagang baine ammake belo-belo ga'ga ngaseng, kammaminjo Napatabaya Batara ri nakke baju kasalamakkang siagang pammetang.

YESAYA 62:3

La'jariko rapang songko' kala'birang lalang limanNa Batara, songko' kakaraengang lalang limanNa Allata'alanu.

ZAKHARIA 9:16

Punna battu anjo alloa, laNapasalamaki Batara umma'Na, sanrapang pakalawaki ampasalamaki gimbala'na battu ri bahayaya. Laccayai ke'nanga ri buttaNa Batara, sanrapang paramata songko' karaeng accilla'-cillaka.

MALEAKHI 4:2

Mingka ikau tau mannurukia ri Nakke, lammumbai koasangKu mappasalamaka rapang mataallo, nasioro'na angngerangi pappakamolle ri garring. Lata'lappasakko siagang larannuko rapang ana' sapi beru assuluka battu ri barana.

MATIUS 12:38

Le'baki anjo, nia'mo siapa are guru-guru agama siagang tu Farisi angkana ri Isa, “O Pa' Guru, eroki anne ikambe ancinikKi' anggaukangi gau' appakalannasaka.”

MATIUS 24:30

Le'baki anjo lammumbami rate ri langika pammatei kabattuanNa Ana' Ma'rupataua. Na anjo wattua langngarru' ngasemmi sikontu bansa-bansa niaka lalang lino. Lanacini'mi ke'nanga battu Ana' Ma'rupataua ri tompo'na rammanga, lalang koasaNa siagang kala'birang malompoNa.

MARKUS 13:25

Latu'guru' ngasemmi bintoenga battu ri langika. Na sikamma tau makoasa niaka lalang lino la'jari sanna'mi ricuna.

LUKAS 21:11

Lata'ge'gosoki buttaya ri kere-keremae. Lanaallei cipuru' siagang lanatabai garring sikamma rupataua. Nia' lakajariang apa-apa sannaka appakamalla'na rate ri langika.

LUKAS 21:25

“Lania' sallang pammatei irate ri alloa, ri bulanga, siagang ri bintoeng-bintoenga. Lamallaki siagang lalingui bansa-bansaya ri lino, andallekangi anging lompona siagang bombanna tamparanga.

YOHANES 3:29

Ia bunting bainea, bunting bura'nea pata. Anjo passari'battanganna bunting bura'nea poro ammentennaji anrurungangi siagang ampilangngeri kananna; na sanna' nangaina ampilangngeri sa'ranna anjo bunting bura'nea. Inakke kamma tomma' anjo. Sannang sikalimi atingku kamma-kamma anne.

LAMPA-LAMPANA 2:19

Lappa'niakKa' apa-apa appakalannasa' rate ri langika, siagang gau'-gau' tantamaya ri akkala'nu irawa ri anne linoa; lania' cera' siagang pepe', umbu siagang saliu'.

ROMA 13:14

Boli'mi kamma na Batara Isa Almasi ampattantui apa siratanga nugaukang. Siagang teako mannuruki ri sipa'-sipa'na tau dorakaya sollanna nupasukku' nakacinnaia hawa napasunu.

ROMA 3:22

angkanaya, iaji naNasare Allata'ala oloang rupataua assibajiki siagang Allata'ala, punna tappa' taua mae ri Isa Almasi. Anne Nagaukangi Allata'ala untu' sikontu tau tappaka mae ri Almasi; nasaba' tena simmaraenna rupataua:

2 KORINTUS 11:2

Nakkuka' mae ri kau ngaseng, sangkamma KalenNa Allata'ala nakku' tongi mae ri kau ngaseng. Sanrapangko se're tulolo, le'bakamo kujanji lakupa'nikka siagang sitau bura'ne, iamintu Almasi.

GALATIA 3:27

Le'ba' ngaseng mako nije'ne' lalang arenNa Almasi; jari nutarimami mae ri kalennu sipa'-sipa' KalenNa Almasi.

GALATIA 4:26

Mingka anjo Yerusalem, niaka ri suruga iamintu Yerusalem bebasaka, siagang iami anronta ikatte.

GALATIA 6:14

Mingka inakke tena sikali lakkulle kukalompoang pa'mai', pantaranganna Batarata Isa Almasi, le'baka mate nisalli'. Nasaba' lanri le'ba'Namo mate ri kayu sallika, natenamo anggaranna anne linoa mae ri nakke. Na inakke sanrapamma' tau mateamo mae ri anne linoa.

EFESUS 5:32

Anjo ayaka lantang sikali battuanna. Kupasinrapangi anjo antekamma passisambunganNa Almasi siagang jama'aka.

PAPPICINI' 1:20

Iaminne rahasiana tujua bintoeng nucinika lalang ri lima kanangKu, siagang anjo tujua bangkeng lampu bulaenga: Anjo tujua bintoeng, iamintu tujua malaeka'na anjo tujua jama'ah; na anjo tujua bangkeng lampu, iamintu anjo tujua jama'ah.”

PAPPICINI' 11:19

Nampa tassungkemo Balla'Na Allata'ala ri suruga, na kacinikammo Patti Parjanjianga ilalang. Nampa nia'mo kila' assisambung-sambung siagang sa'ra gunturu' a'gamarrung siagang a'garumbang, kammayatompa ta'ge'goso'mi buttaya nabosi sannaka sarrona, angngerang es.

PAPPICINI' 12:3

Nampa nia' pole nicini' ri langika apa-apa appakalannasaka. Iamintu nia' sikayu naga eja na sanna' lompona, tujua ulunna siagang sampuloa tanru'na. Massing-massing ulunna ammake ngasengi songko' karaeng.

PAPPICINI' 15:1

Nampa nia' kucini' ri langika apa appakalannasaka siagang sannaka heba'na. Nia' tuju malaeka' siagang tuju bala kala'busanga. Iaminne kala'busanna Napappicinikang kalarroanNa Allata'ala.

PAPPICINI' 21:14

Iratei ri sampuloa anrua batu pundasi nibangung anjo temboka. Ri anjo batu-batu pundasia massing niaki tattulisi' arenna sampuloa anrua tunisuroNa anjo Ana' Gimbalaka.

PAPPICINI' 21:23

Tena naparallu nasiori mataallo yareka bulang anjo kotaya, lanri nisiorimi ri kala'biranNa Allata'ala, siagang Iaminjo Ana' Gimbalaka a'jari lampunna.