PAPPICINI' 11:8 - KITTA' MATANGKASA'

⁸ Siagang latappepara'mi maya'na ke'nanga ri agang lompona kota lompoa, ri tampa'na Batarana ke'nanga le'ba' nisalli'. Areng pangngebarranna anjo kotaya iamintu kota Sodom yareka Mesir.

PAPPICINI' 11:8 Iomraidhean Croise

PA'JARIANG 13:13

Anjo kota Sodom sangnging tau sanna' ja'dala'na siagang tau doraka ngaseng ri Batara ammantang anjoreng.

PA'JARIANG 19:24

Ti'ring appaturummi Batara bosi bara pepe' irateanna kota Sodom siagang Gomora.

KALAPPASSANG 20:2

“INakkemi Karaeng Allata'alanu, angngerangako assulu' battu ri Mesir, tampa'nu nipare' ata.

KALAPPASSANG 3:7

Nampa Nakanamo Batara, “Kucini'mi kasessanna ummakKu ri Mesir, siagang Kulangngere'mi pakkio'na ke'nanga, ampalaki nilappassang battu ri sikamma tau anjallakkangai ke'nanga. Sikontutojenna Kuasseng ngasengi kasessanna ke'nanga.

YESAYA 3:9

Sipa' borrona ke'nanga ampa'nassai kaja'dallanna ke'nanga. A'nassa-nassai ke'nanga doraka sangkamma tu Sodom riolo. Cilakami ke'nanga! Kalenna tonji ke'nanga ampabattui cilakaya mae ri kalenna.

YEREMIA 23:14

Mingka Kuciniki ri Yerusalem na'bi-na'bia nagaukangi la'bi ja'dalaka pole. A'balle-ballei ke'nanga siagang a'gau' bawangi, kammayatompa naturukiangi taua a'gau' ja'dala', sa'genna manna sitau tania' ero' toba'. Untu' iNakke yangasenna anjo ke'nanga ja'dalaki sangkamma pandudu'na Sodom siagang Gomora.”

YEREMIA 26:23

Nampa naerang ke'nanga ammotere' anjo Uria mange ri Karaeng Yoyakim. Nampa nasuro buno karaenga anjo Uria, na napela' maya'na ri pa'jerakkang tau jaia.

YEHEZKIEL 16:46

Daennu iamintu Samaria ri bageang wara' siagang sikontu desana. Siagang andi'nu iamintu kota Sodom ri bageang timboro' siagang sikontu desana.

YEHEZKIEL 16:49

Sodom siagang desa-desana tampoi lanri jaina parsadiaang kanre-kanreanna kammayatompa akkullei attallasa' siagang sannang na amang. Mingka tena naparhatikangi ke'nanga tau kasi-asia siagang tau tunaya.

YEHEZKIEL 23:19

Pila' sallo pila' a'mole-molemi a'gau' bawang, tena le'ba' sisalana ri wattunna lolo a'jari pasundala' ri Mesir.

YEHEZKIEL 23:27

Kammami anjo bateKu lampamari balere'nu siagang sikontu gau' bawang nugaukanga appakkaramula ri nia'nu ri Mesir. Tenamo nulamanrannuang pole mae ri manna pole barhala battu kemae yareka angngu'rangi mae ri Mesir.”

YEHEZKIEL 23:3

Ri wattu lolona ammantangi ke'nanga ri Mesir. Anjoreng panra'mi katauloloanna ke'nanga, nampa a'jari pasundala'mo.

YEHEZKIEL 23:8

Tulusu' assundala'na sangkamma nagaukanga riolo ri Mesir, ri tampa'na panra' katauloloanna. Baku' ri ca'dina iji naniagammo sikatinroang siagang nipare' sangkamma pasundala'.

YEHEZKIEL 37:11

Nakana Allata'ala ri nakke, “He tau, anne sikamma buku-bukua iami pangngebaranna bansa Israel. Akkunrarengi ke'nanga lanri kalotoroki, tena panrannuanna siagang tena allo ri bokona.

AMOS 4:11

Sipa'gang battu ri kau laKupanrakiko sangkamma Kupanrakinna kota Sodom siagang Gomora. Ia niaka ija attallasa' battu ri kau rapangi cappa' kayu tunuang niallea battu ri pepeka. Mingka manna nakamma tena tongijapa nummotere' mae ri Nakke.

MATIUS 10:15

U'rangi! Angkanaya ri Allo Kiamaka sallang, lakkulleangangi nipammopporang tau niaka ri kota Sodom siagang Gomora, kala ia anjo tau niaka lalang ri kotaya!”

LAMPA-LAMPANA 9:4

Tu'guru'mi Saulus naung ri buttaya, nampa nia' sa'ra nalangngere' angkana ri ia, “O Saulus, Saulus! Apa saba'na nanusessa kamma duduA'?”

IBRANI 13:12

Iaminjo saba'na napantaranganna todong pakke'bu' lompona kotaya mate Isa, sollanna nakkulle Natangkasi dosana sikontu umma'Na, lanri anjo cera' KalenNa.

IBRANI 6:6

Mingka le'baki anjo, ammono'bokomi ke'nanga! Antekamma batena laniulu toba' poleang ke'nanga battu ri dosa-dosana? Nasaba' nasalli' poleammi ke'nanga Ana'Na Allata'ala nanihina-hina ri dallekanna tau jaia.

2 PETRUS 2:6

Kamma tomminjo kota Sodom siagang Gomora; Naancu'-ancuruki Allata'ala anjo kotaya siagang pepe', sollanna a'jari conto ri passala'na apa lakajarianga sallang mae ri sikamma tau tenaya natappa' ri Allata'ala.

YUDAS 1:7

U'rangi tongi kota Sodom siagang Gomora kammayatompa kota-kota niaka ri ampi'na, appanggaukang kammaya todong anjo sikamma malaekaka tuma'buttana. Nagaukangi ke'nanga nikanaya gau' bawang siagang gau' bambalaka; sa'genna nisessa ke'nanga siagang pepe' a'rinraya satunggu-tungguna, untu' a'jari pappakainga' mae ri sikontu rupataua.

PAPPICINI' 11:13

Na anjo wattua ta'ge'goso' sanna'mi buttaya. Ancuru'mi bage sampulona anjo kotaya, siagang nia'mo tuju sa'bu jaina tau mate napakamma anjo ta'ge'goso'na buttaya. A'jari malla' sikali ngasemmi tau maraenganga, nampa mammuji ke'nanga mae ri kalompoanNa Allata'ala ri suruga.

PAPPICINI' 11:9

Lanicini'mi maya'na ke'nanga ri sikontu bansaya, sukua, bahasaya, siagang sikontu pa'rasanganga tallungallo assitangnga sallona; siagang tanipa'biangai nikuburu' anjo maya'na ke'nanga.

PAPPICINI' 14:20

Nipacco'mi anjo anggoroka pantarang kota; nassolommo ceraka battu ri anjo pammaccokang anggoroka sangkamma je'ne' binanga a'lo'loroka sa'genna tallum bilangngang kilometere' bellana, siagang la'biringi rua metere' lantanna.

PAPPICINI' 14:8

Battumi pole malaeka' ribokoanganna anjo malaeka' uru-urua; akkio'mi anjo malaeka' makaruaya angkana, “Tu'guru'mi! Tu'guru'mi kota Babel lompoa! Napa'jari nasa'ring ngasemmi je'ne' anggoro' sikontu bansaya ri lino, iamintu anggoro' battu ri napasu gau' bawanna!”

PAPPICINI' 16:19

Assisa'la'mi anjo kotaya ta'bage tallu, siagang ancuru' tommi kota-kotaya ri sikontu pa'rasanganga ri linoa. Nampa Nau'rangimo Allata'ala anjo Babel lompoa. Jari Napainummi Allata'ala anjo Babel anggoro' battua ri pammoneang anggoro'Na Allata'ala – iamintu anggoro' pangngalarroi lompoNa.

PAPPICINI' 17:1

Le'baki anjo battumi mae ri nakke kalase'renna anjo tujua malaeka' anna'galaka pammoneang na nakana, “Maeko, lakupicinikiangko antekamma batena lanihukkung anjo pasundala' lompoa, iamintu anjo kota lompoa, nibangunga ri ampi'na binanga-binangaya.

PAPPICINI' 17:18

Anjo baine nucinika, iaminjo kota lompoa, amparentayai karaeng-karaenga ri lino.”

PAPPICINI' 17:5

Ri tompo' kanynyinna nia' tattulisi' areng, niaka rahasiana battuanna. Anjo arenga iamintu “Babel Lompoa, anronna sikontu pasundalaka siagang tau kodi sipaka ri lino.”

PAPPICINI' 18:10

Lammenteng battu bellami ke'nanga lanri mallaki ke'nanga nitaba todong ri kasessanna. Nakanamo ke'nanga, “Adudu, teai sipato' cilakana anne kota masahoroka, kota Babel kassaka! Sinampe' duduji sallona hukkunganTa naKiposso'mo!”

PAPPICINI' 18:18

Siagang ammarrammi ke'nanga ri wattunna nacini' ke'nanga nai' umbu pepe' angkanreai anjo kotaya. Nakana ke'nanga, “Tenanniakkapa kota maraeng assangkamma anne kota lompoa!”

PAPPICINI' 18:2

Akkio' lompomi angkana, “Tu'guru'mi anjo bainea! Tu'guru'mi Babel lompoa! Kamma-kamma anne anjarimi tampa' pammantanganna setang-setanga siagang roh-roh ja'dalaka. Lalammi ammantang sangka' rupaya jangang-jangang rantasa' siagang nakabirisia taua.

PAPPICINI' 18:21

Le'baki anjo, nia'mo malaeka' sannaka kassa'na angngangka' se're batu lompo, sangkamma batu pa'giling sannaka lompona, nampa napasambila antama' ri tamparanga, siagang nakana, “Kammaminne batena anjo kota Babel masahoroka lanipasambila sarring, sa'genna tenamo nalanibuntulu' ammotere'.

PAPPICINI' 18:24

Nihukkungi Babel, lanri nia'na nigappa lalang ri anjo kotaya iamintu cera'na na'bi-na'bia, cera'na Umma'Na Allata'ala; bodona kana, cera'na sikontu tau le'baka nibuno ri linoa.