PAPPICINI' 11:12 - KITTA' MATANGKASA'

¹² Nampa nia' nalangngere' anjo ruaya na'bi sa'ra lompo angkioki ke'nanga battu ri suruga angkana, “Naikko mae anrinni!” Nampa ri dallekanna musu-musunna ke'nanga, nai'mi ke'nanga ri suruga, nikalimbuki ri rammang.

PAPPICINI' 11:12 Iomraidhean Croise

2 KARAENG-KARAENG 2:1

Narapi'mi wattunna ero' Batara angngangkaki Elia nai' ri suruga lalang ri anging barubua. Anjo wattua a'lampami Elia siagang Elisa battu ri Gilgal,

2 KARAENG-KARAENG 2:11

Lalang a'jappana ke'nanga, tuli sipa'bicarana. Ti'ring nia'mo se're kareta a'rinra nibeso' ri ruang kayu jarang a'rinra battu ampasisa'laki ke'nanga sipa'rua, nampa niangka' Elia nai' ri suruga ri anging barubu.

2 KARAENG-KARAENG 2:5

Nia' siapa are na'bi ammantang anjoreng a'lampa mange ambuntuli Elisa siagang akkuta'nang angkana, “Nuassenji angkanaya anne alloa la'lampai bapa'nu ambokoiko lanri laniangkaki ri Allata'ala?” Appialimi Elisa angkana, “Iyo, kuassenji. Mingka teami nibicarai anjo passalaka.”

2 KARAENG-KARAENG 2:7

siagang nia' limampulo na'bi ampinawangi ke'nanga. Nampa ammantammo Elia siagang Elisa ri biring binangaya, nampa anjo limampuloa na'bi ammentengi tena siapa bellana battu ri anjo tampaka.

PAMMUJI 112:10

Niciniki ri tau ja'dalaka siagang a'jari larroi; nakantisiki giginna ke'nanga lanri birisi'na. Nampa posso'mo ke'nanga; tappela'mi panrannuanna ke'nanga satunggu-tungguna.

PAMMUJI 15:1

Pammujina Daud. O, Batara, inai akkulle annompang ri KemaTa siagang ammantang ri bulu' matangkasatTa.

PAMMUJI 24:3

Inai akkulle nai' ri bulu'Na Batara, na antama' ri Balla'Na?

PAMMUJI 86:17

Kisarea' tanra kabajikanTa, o, Batara, sollanna a'jari siri'-siri' tau birisika ri nakke, punna nacini' ke'nanga angkana Kitulunga' siagang Kisaleoria'.

KALAPPASSANG 14:25

Napassala-salangi rodana karetaya sa'genna takkullea tapputara', sa'genna sanna' susana ke'nanga lamaju. Nakanamo tu Mesirka, “KalenNa Batara a'bundu' untu' tu Israel na nabaliangki'. Umba kilari battu anrinni!”

YESAYA 14:13

Appattujuangko nai' ri langika siagang nupadongko' empoang kala'birannu irate ri bintoeng kaminang tinggia! Nupikkiriki angkana akkulleko ammempo salaku karaeng irate ri moncong bageang wara', tampa'na sikamma rewataya a'rappungang.

YESAYA 40:31

Mingka tau manrannuanga ri Batara, langgappai kagassingang beru. Rapangi ke'nanga jangang-jangang rajawali anri'ba' tinggia siagang kagassingang ka'nyi'na. Lari ke'nanga na tena naposo, a'jappai ke'nanga natena na'jari mangngang.

YESAYA 60:8

Apa kutadeng anjo allayanga rapang rammang rapang bodobangkeng anri'baka ammotere' ri tampa'na?

MALEAKHI 3:18

Lanaciniki pole ummakKu passimmaraenna dalle'na tau bajika siagang tau ja'dalaka, tau anynyombaya ri Nakke siagang tau tenaya nanynyomba ri Nakke.”

LUKAS 16:23

Sanna'mi sessana nasa'ring ammantang ri lino pammantanganna tau matea. Na ri wattunna accini' battu rawa nai' nacini'mi battu bella Abraham siagang Lazarus ammempo ri sa'rinna Abraham.

LAMPA-LAMPANA 1:9

Le'baki akkana kamma Isa, niangka'mi nai' ri suruga, nicini' ngaseng ri ke'nanga, sa'genna nitongko' ri rammanga natanicinikamo ri ke'nanga.

1 TESALONIKA 4:17

Le'baki anjo, ikatte tau attallasaka ija anjo wattua lanipasiangka' ngasengki' siagang ke'nanga antama' ri rammanga untu' mange assibuntulu' siagang Batara. Nampa lammantang maki' siagang Batara sa'genna satunggu-tungguna.

PAPPICINI' 12:5

Allassukammi anjo bainea sitau ana' bura'ne lamparentayai sikontu bansaya siagang takkang bassi. Mingka nialle passami anjo anaka battu ri anjo bainea, nampa nierang mae ri Allata'ala siagang ri dallekang empoang kala'biranNa.

PAPPICINI' 3:21

Ia ammetaya, laKupa'biangi ammempo ri empoang kala'birangKu siagang sipammempoangA' sangkamma Kalengku le'bakamo ammeta siagang kamma-kamma anne siagang ManggeKu ri empoang kala'biranNa.

PAPPICINI' 4:1

Le'baki anjo anggappama' pole paccini'. Accinikka' se're pakke'bu' tassungke ri suruga. Nampa kulangngere'mo pole anjo sa'ra le'baka kulangngere' a'bicara mae ri nakke, sangkammaya tarompe' sa'ranna. Nakana anjo sa'raya, “Naikko mae anrinni. Erokko Kupicinikiang apa lakajarianga sallang.”