PAPPICINI' 10:3 - KITTA' MATANGKASA'

³ Nampa akkio' sangkamma singa ammarrang lompoa. Le'ba'na akkio' anjo malaekaka, appialimi anjo tujua gunturu' sangkamma sa'ra ammarrunga.

PAPPICINI' 10:3 Iomraidhean Croise

PAMMUJI 29:3

Allata'ala malompoa a'gunturuki irateanna tamparanga, sa'ranNa kalangngerangi irateanna tamparang lompoa.

PANGNGEBARANG 19:12

Larrona karaenga sanrapangi sa'ra arrunna singaya; kabajikanna karaenga sanrapangi saliu' ambasai timbo-timboanga.

YESAYA 31:4

Nakana Batara ri nakke, “Rapang singa ammoppoka eroka anjagai apa eroka nakanre, natakkullea nipakamalla' ri sa'ra lompo yareka sa'ra ammarrang battua ri siapa are jaina pakalawaki eroka angngewai, kamma tomminjo la'bundukKa' ero' ampartahangkangi Bulu' Sion.

YESAYA 42:13

Majui Batara a'bundu' rapang se're tubarani, rapang tantara lompo sumanga'na a'bundu'. Ammarrangi, akkio' ri pa'bundukang, na Napappicinikang kaporeanNa mae ri musua.

YESAYA 5:29

Ammarrungi sa'ranna tantarana rapang sa'ranna singaya, beru le'baka angngokko' apa najakkala', nampa naerang lari, nampa tena akkulle allappassangi.

YEREMIA 25:30

Sikontu apa Kupaua mae ri kau, Yeremia, musti nupabattui. Paui mae ri ke'nanga angkana, ‘A'galatturuki sa'ranNa Batara battu ri suruga; battu ri pammantangngang matangkasa'Na a'gamarrung angngewai umma'Na. Sikontu panduduka ri tompo'na buttaya nalangngereki ammarrang rapang pajama anggoro' ammaccoka anggoro' ri tampa' panggilinganga.

YEHEZKIEL 10:5

Sa'ra pakkape'na ka'nyi'na anjo sikamma malaeka' akka'nyika kalangngerangi sa'genna ri paranglakkeng pantaranga, rapang sa'ranna Allata'ala Kaminang Koasaya.

HOSEA 11:10

Nakana Batara, “UmmakKu lamminawangi ri Nakke punna ammarrung sa'rangKu rapang singa siagang Kupannekkere' musunna ke'nanga. Lakkaro-karoi ummakKu nia' battu lau' untu' anynyomba ri Nakke.

YO"EL 3:16

Ammammuki Batara battu ri Sion, iamintu bulu'Na; battu ri Yerusalem a'gunturu' sa'ranNa. Langika siagang buttaya ta'goccangi napakamma. Mingka tuli laNaalleangngangi siagang Najagai Batara iamintu Israel, umma'Na.

AMOS 1:2

Iaminne napabattua Amos, “Ammammuki Batara battu ri Bulu' Sion, a'gamarrungi sa'ranNa battu ri Yerusalem. Sikamma parang rukuka a'jari kalotoroki, rukuka ri Moncong Karmel kalotoro' taba sikali.”

AMOS 3:8

Punna ammammu' singaya, inaimo tena namalla'? Punna a'bicara Batara Kaminang Tinggia, inaimo akkulle ammakkang siagang taeroka ampa'la'bangi pasanNa?

PAPPICINI' 14:2

Nampa nia' kulangngere' sa'ra battu rate ri langika ammarrung sangkamma sa'ra je'ne' tu'guru' lompoa siagang sangkamma gunturu' a'gamarrung lompoa. Anjo sa'raya sangkamma nilangngere' sa'ra kacapi niko'bika ri pakarena kacapia.

PAPPICINI' 15:1

Nampa nia' kucini' ri langika apa appakalannasaka siagang sannaka heba'na. Nia' tuju malaeka' siagang tuju bala kala'busanga. Iaminne kala'busanna Napappicinikang kalarroanNa Allata'ala.

PAPPICINI' 15:7

Nampa kalase'renna battu ri anjo appaka anu attallasa' ansarei anjo tujua malaeka' tuju pammoneang bulaenga nipare', rassia siagang kalarroanNa Allata'ala, iamintu Allata'ala Mattallasaka satunggu-tungguna.

PAPPICINI' 4:5

Accayai anjo empoang kala'biranga sanrapang kila' angngeranga sa'ra gunturu' sannaka lompona. Na ri dallekanna anjo empoang kala'biranga, nia' tuju sulo a'rinra; iaminjo tujua RohNa Allata'ala.

PAPPICINI' 8:5

Nampa naalle anjo malaekaka anjo pa'dupanga, na nasare pepe' battua ri tampa' pakkoro'bangngang, nampa napasambila irateanganna buttaya. Assa'ra lompomi gunturuka siagang assisambung-sambummi kilaka; kammayatompa ta'ge'goso'mi buttaya.