PAPPICINI' 10:1 - KITTA' MATANGKASA'

¹ Nampa nia' kucini' malaeka' maraeng sannaka gammara'na naung battu ri suruga. Nikalimbuki ri rammang, siagang nia' tarawe takkalu' ri ulunna. Accayai rupanna sangkamma mataallo, na bangkenna sangkammai benteng pepe'.

PAPPICINI' 10:1 Iomraidhean Croise

PAMMUJI 104:3

siagang ambangungi ballatTa ri tompo' je'neka ri langi'. Rammang-rammanga Kipa'jari kareta, ka'nyi'na anging Kidongkoki.

PAMMUJI 97:2

Nikulilingi ri rammang siagang kasassangang; dasara'na pamarentahanNa iamintu kaadelang siagang hukkung.

KALAPPASSANG 16:10

Lalang a'bicarana Harun mae ri yangasenna ke'nanga, accini'mi ke'nanga mae ri parang lompoa na ti'ring nacini'mi ke'nanga cayaNa Batara lalang ri rammanga.

KELONG MALA'BIRI' 5:15

Bangkenna rapangi benteng-benteng tembo' accilla' kebo', nilangga ri bulaeng ti'no'. Pakkaleanna sanrapangi bulu'-bulu' Libanon, gammara' kamma poko' kayu arasa'.

YESAYA 19:1

Iaminne pappasang ri passala'na tu Mesir. Battui sallang Batara mange ri Mesir a'dongko' rammang gassinga larina. Annekkere' ngasengi sikamma barhalana tu Mesir ri dallekanNa siagang ca'dimi nyawana tu Mesir napakamma.

YESAYA 54:9

“Sangkamma ri jammanna Nuh a'janjiA' angkanaya talanialleami linoa ri je'ne' a'ba, kamma tomminjo anne kamma a'janjiA' angkanaya talalarroaMa' yareka tenamo naKuancangko.

PIRAUNG 3:44

Anjo larroTa rapangi rammang kapalaka sa'genna takkullea nitarrusu' ri pappala' doanna ikambe.

YEHEZKIEL 1:28

a'rupa-rupa cura'na sangkamma tarawe. Iaminjo singara' accaya, ampa'nyatayai kahaderanNa Batara. Kucini'na anjo sikammaya, tu'guru'ma' attinompang, a'dalle' naung ri buttaya. Nampa nia'mo sa'ra kulangngere' angkana,

DANIEL 10:6

Accayai kalenna sangkamma paramata, rupanna kammai kila' singara'na, siagang matanna a'rinra-rinrai sangkamma pepe'. Paling-palinna siagang bangkenna accillaki sangkamma tambaga le'baka nikeso', na sa'ranna kammami nilangngere' sa'ra tau jai.

DANIEL 7:13

Lalang paccinikku ri anjo bangngia, nia' kucini' sangkamma rupatau. Battui na nikulilingi ri rammang, nampa a'lampa mange ri Ia anjo mattallasaka satunggu-tungguna siagang nipappiassengang mae ri ia.

KAIMANGNGANG 16:2

“Pabattuangi sari'battannu Harun, angkanaya ri wattu le'bakaji bawang nipattantu nakkulle antama' ri Kamara' Kaminang Matangkasaka, iamintu kamara' nisimbanga siagang gordeng, lanri anjoremMa' ampappicinikangi KalengKu lalang ri rammanga irateanna pa'rangka'na Patti Parjanjianga. Punna nadakkai Harun anjo paratoranga, tena tamatena.

MATIUS 17:2

Anjoreng, ti'ring tappinrami rupanNa Isa ri dallekanna ke'nanga: a'jari singaraki nicini' rupanNa kamma matanna alloa. Kammayatompa accillaki pakeanNa lanri kebo'na.

LUKAS 21:27

Iaminjo wattua Nalabattu Ana' Ma'rupataua lalang ri rammanga siagang kakoasang na kala'birang malompoNa.

LAMPA-LAMPANA 26:13

Na ri wattungku ri tangngana aganga, Karaeng Tunipakala'birika, kira-kira ri attangngana alloa, nia'mo kucini' singara' battu rate ri langika, singaranganga cayana namatanna alloa. Accayami anjo singaraka angkulilingia' siagang sikamma anjo tau kuaganga a'rurung.

PAPPICINI' 1:7

Ciniki, niakI battu lalang ri rammanga! Sikontu rupataua lanacini' ngasengI, kammayatompa tau le'baka antobokI poke. Lanri Iami nalappiraung ngaseng sikontu bansa-bansaya ri lino. Mattantu kammana! Aming!

PAPPICINI' 18:1

Le'baki anjo nia'mo kucini' se're malaeka' maraeng naung battu ri suruga. Nia' kakoasang lompona, siagang suara'nami ampa'jari singaraki sikontu linoa.

PAPPICINI' 18:21

Le'baki anjo, nia'mo malaeka' sannaka kassa'na angngangka' se're batu lompo, sangkamma batu pa'giling sannaka lompona, nampa napasambila antama' ri tamparanga, siagang nakana, “Kammaminne batena anjo kota Babel masahoroka lanipasambila sarring, sa'genna tenamo nalanibuntulu' ammotere'.

PAPPICINI' 20:1

Le'baki anjo nia'mo kucini' se're malaeka' naung battu ri suruga. Nia' nata'gala' ri limanna koncina tubiri'na kamateanga siagang passikko' lompo.

PAPPICINI' 4:3

Accayai rupanna anjo taua sangkamma paramata baiduri pandang siagang paramata delima. Nia' tarawe kammaya samru' tanja'na angkaluki anjo empoang kala'biranga.

PAPPICINI' 5:2

Nampa nia' kucini' se're malaeka' sannaka kassa'na akkiok-kio' lompo nakana, “Inai siratang anreppeki anne segeleka siagang ansungkei anne kittaka?”

PAPPICINI' 8:13

Nampa kucinikimi pole; na nia'mo kulangngere' sa'ra jangang-jangang rajawali sitabanga anri'ba' tinggi rate ri allaka akkio' angkana, “Cilakai! Cilakai! Cilakai sikontu tau niaka ri lino punna nalangngere' sinampe' anjo tallua malaeka' maraenga ampasa'rai tarompe'na!”