PAPPICINI' 1:18 - KITTA' MATANGKASA'

¹⁸ INakkemi mattallasaka! Le'ba'Ma' mate, mingka cini'mi, attallasaKa' sa'genna satunggu-tungguna. MakoasA' irateanganna kamateanga, kammayatompa irateanganna linona sikontu tau matea.

PAPPICINI' 1:18 Iomraidhean Croise

AYUB 19:25

Kuassengi angkana nia' Mappatojengku ri suruga; kale'bakkanna labattui antulunga'.

AYUB 38:17

Niakka tau le'ba' ampicinikiangko pakke'bu' lompoa ri dallekanna lino kamateang sassang makkapuka?

PAMMUJI 18:46

Tenami kabaranianna ke'nanga; annekkere' siagang assulu' battu ri pammantanganna.

PAMMUJI 68:20

Pujimi Batara, saba' Iami ampasalamakki'; allo-allona Napisang erangnganta.

YESAYA 22:22

Ia lakoasa nipatappa' irawanganna karaeng turunganna Daud. Ia lanna'gala' koncina kakaraenganga. Punna ia assungkei, tena tau akkulle antongkoki; punna natongkoki, tena tau akkulle assungkei.

MATIUS 11:23

Kammayatompa ikau tau niaka ri Kapernaum! Gassingka nukana lanipakatinggiko nai' ri suruga? Tena! Passangalinna lanipelakko antama' ri naraka! Nasaba' ka'de' anjorengi ri kota Sodom le'ba' nigaukang anjo gau'-gau' appakalannasaka, mattantu nia' iji kota Sodom sa'genna kamma-kamma anne!

MATIUS 16:19

LaKupassareangi ri kau konci Lino BeruNa Allata'ala. Apa nupappisangkanga ri linoa, nipappisangkang tongi ri suruga. Siagang apa nupattojenga ri linoa, lanipattojeng tongi ri suruga.”

LUKAS 24:5

Sanna'mi malla'na ke'nanga, siagang su'ju'mi ke'nanga naung ri buttaya. Mingka nakanamo anjo tau ruaya, “Angngapa nu'boya tau attallasa' ri alla'na tau matea?

YOHANES 11:25

Nakanamo Isa ri Marta, “INakkemi assarea katallassang siagang ampattallasa' poleangi tau matea. Inai-nai tappa' ri Nakke iami lattallasa', manna pole namatemo.

YOHANES 14:19

Sinampe' mami natenamo nakkulle linoa ancinikKa'. Mingka ikau ngaseng lanucinikKa'. Na lanri attallasakKa', iaminjo nuttallasa' ngaseng todong.

ROMA 6:9

Nasaba' niassemmi angkanaya le'ba'mi nipattallasa' poleang ammotere' Almasi battu ri kamateanga siagang talamateami pole ribokoanganna; tenamo nakkulle nikoasai KalenNa ri kamateanga.

2 KORINTUS 13:4

Memang, ri wattunna nisalli' lammai; mingka kamma-kamma anne attallasa' poleammi lanri kakoasanNa Allata'ala. Ikambe tulamma tonjaki' lalang assileo'na katallassanta siagang Almasi; mingka punna sidallekangki' siagang ikau ngaseng, a'jari majarre' tommaki' lanri koasaNa Allata'ala.

GALATIA 2:20

Kamma-kamma anne teaimi kalengku attallasa' mingka Almasi attallasa' ri kalengku. Anne katallassang niaka ri nakke kamma-kamma anne, iamintu katallassang matappa' mae ri Ana'Na Allata'ala, mangngamaseanga ri nakke, siagang le'baka angkoro'bangkangi KalenNa untu' katallassangku.

KOLOSE 3:3

Nasaba' le'ba' mako mate, nataccokko tallasa'nu siagang Almasi lalang ri Allata'ala.

IBRANI 1:3

Iami ampaccayai lalang ri KalenNa singara' kalompoanNa Allata'ala; Iami rupa ma'nyataNa battu ri KalenNa Allata'ala. Iatommi angkatutui kajarrekanna anne linoa, siagang sanna' makoasana kana Napaua. Ri le'ba'namo Nasare oloang rupataua untu' nilappassang battu ri dosa-dosana, mangemi ammempo ri empoang kala'biranNa ri suruga, ammarenta siagang Allata'ala, anna'galaka koasa kaminang tinggi.

IBRANI 12:2

Parallui tuli tattuju paccinitta mae ri Isa, nasaba' Iami ampabangungi siagang amparakai tappatta battu ri pakkaramulanna sa'genna kala'busang. Attahangi Isa angkasiaki sessaya ri kayu sallika! TaNajampangiai angkanaya anjo matea ri kayu sallika sannaki appakasiri'na. Iaji bawang Nau'rangi karannuang laNakasiaka sallang. Nakamma-kamma anne ammempomi ri sa'ri kanang empoang kala'biranNa Allata'ala, ammarenta siagang Allata'ala.

IBRANI 7:16

Niangkaki a'jari imang, teai lanri paratorang-paratoranna rupataua, passangalinna lanri makoasana ri tallasa'na siagang lanri tenana kala'busanna katallassanna.

IBRANI 7:25

Lanri kammanami anjo nakkulle Isa sa'genna satunggu-tungguna ampasalamaki sikontu tau battua mae ri Allata'ala tete ri KalenNa; nasaba' attallasaki satunggu-tungguna sollanna akkulle Napappala'-palakkang sikamma anjo taua mae ri Allata'ala.

PAPPICINI' 10:6

Assumpai lalang arenNa Allata'ala mattallasaka satunggu-tungguna, ampa'niakai langika, buttaya, tamparanga siagang sikontu apa-apa niaka lalanganna. Nakana anjo malaekaka, “Tenamo nalanipamono' pole wattunna!

PAPPICINI' 15:7

Nampa kalase'renna battu ri anjo appaka anu attallasa' ansarei anjo tujua malaeka' tuju pammoneang bulaenga nipare', rassia siagang kalarroanNa Allata'ala, iamintu Allata'ala Mattallasaka satunggu-tungguna.

PAPPICINI' 2:8

“Untu' mae ri malaeka'na jama'ah Smirna, tulisiki kamma anne: Iaminne pappasang battu ri Ia uru-urua siagang kala'busanga, le'baka mate Nattallasa' poleang.

PAPPICINI' 20:13

Nampa napassareammo tamparanga sikamma tau matea, niaka lalang ri ia. Kamateanga siagang Linona Kamateanga napassareang ngaseng tommi sikamma tau mate niaka ri ia. Nanihukkung ngaseng tommo anjo tau matea situru' panggaukanna ke'nanga.

PAPPICINI' 20:14

Nampa nipasambilamo Kamateanga siagang Lino Kamateanga antama' ri tamparang pepeka. (Anne tamparang pepeka, iamintu kamateang makaruaya.)

PAPPICINI' 3:7

“Untu' mae ri malaeka'na jamaah ri Filadelfia, tulisiki kamma anne: Iaminne pappasang battu ri Ia matangkasaka siagang kontutojenga. Iami anta'galaki konci battua ri Daud; punna Nasungkei pakke'buka, tena manna sitau akkulle antongkoki, siagang punna Natongkoki, tena manna sitau akkulle ansungkei.

PAPPICINI' 4:9

Anjo appaka anu attallasa' akkelongi lagu-lagu pammuji, pappakala'biri' siagang kasukkurang mae ri Ia ammempoa ri anjo empoang kala'biranga, iamintu Ia attallasaka sa'genna satunggu-tungguna. Na ri wattunna akkelong anjo anu attallasaka,

PAPPICINI' 5:14

Appialimi anjo appaka anu attallasa', angkana, “Aming!” Nasu'ju'mo anynyomba anjo pamimping-pamimpinga.

PAPPICINI' 6:8

Kucinikimi, nampa nia' kucini' sikayu jarang pi'lasaka tanja'na. Pabaena niarengi Kamateang. Ri bokona a'reppese'mi amminawang Lino Kamateanga. Kakoasanga mae ri bage appa'na anne linoa nipassareangi mae ri ke'nanga, sollanna akkulle ke'nanga ammuno lalang ri pa'bundukanga, lalang ri kacipuranga, lalang ri kagarringanga, kammayatompa battu ri olo'-olo' sekkeka.

PAPPICINI' 9:1

Nampa napasa'ra tarompe'na malaeka' makalimaya; na nia'mo kucini' se're bintoeng tu'guru' battu ri langika naung ri buttaya. Anjo bintoenga nisarei koncina tubiri'na kamateanga.

1 SAMUEL 2:6

Batara appamate, Ia todong appatallasa'. Mange ri lino tumatea Napanaung rupataua. Na Ia todong angngangkaki taua battu anjoreng.