PAPPICINI' 1:13 - KITTA' MATANGKASA'

¹³ Ri tangnga-tangngana anjo sikamma bangkeng-bangkeng lampua nia' sitau ammenteng a'rupa taua nicini' tanja'Na. Ammakei juba turunga sa'genna naung ri bangkenNa. Na barambanNa ammakei passikko' bulaeng.

PAPPICINI' 1:13 Iomraidhean Croise

KALAPPASSANG 39:5

Ia passikko' aya' tannung alusuka, ia nipareka battu ri bahang sangkammaya, siagang nijaika ri anjo efodka sa'genna assialle sangkamma Naparentakanga Batara mae ri Musa.

YESAYA 11:5

Adeleki siagang majarreki angngalle tindakang lalang sikamma apa-apaya.

DANIEL 10:16

Nampa anjo malaeka' a'rupataua napajonjoi limanna na nasero muncengku. Kukanamo ri ia, “O karaeng, anne paccinika nasessa sikalia' sa'genna tena sikalimo kagassingangku kusa'ring.

DANIEL 7:13

Lalang paccinikku ri anjo bangngia, nia' kucini' sangkamma rupatau. Battui na nikulilingi ri rammang, nampa a'lampa mange ri Ia anjo mattallasaka satunggu-tungguna siagang nipappiassengang mae ri ia.

DANIEL 7:9

Lalang tulusu' kuparhatikanna, nia'mo siapa are empoang karaeng nipadongko'. Nampa Ia mattallasaka satunggu-tungguna niaki ammempo irate ri kalase'renna anjo empoang kakaraenganga. PakeanNa siagang uu'Na sanna' kebo'na rapang kapasa'. Empoang kakaraenganNa siagang roda-rodana a'rinra-rinrai lanri pepe' lompo,

KAIMANGNGANG 8:7

Le'baki anjo napatabami pakeang imanga ri Harun, iamintu: kameja, passikko' aya' siagang juba. Kammayatompa baju efod nipasikkoka ri aya'na siagang passikko' battu ri kaeng alusu'.

IBRANI 4:15

Anjo Imang Malompota teai imang tenaya nakkulle amminawang angkasiaki kapa'risanta. Passangalinna, le'ba' tommi Nataba paccoba lalang a'rupa-rupa passala', sangkamma todong massing-massing ikatte; iaji bawang tena Nagaukangi dosaya!

PAPPICINI' 14:14

Nampa kuciniki, na nia'mo kucini' rammang kebo'. Irate ri anjo rammanga nia' sitau ammempo sangkammaya nicini' tau tanja'Na. Ri ulunNa nia' songko' bulaeng, na ri limanNa nia' se're kandao tarang.

PAPPICINI' 15:6

Nampa assulu'mo battu ri Balla'Na Allata'ala anjo tujua malaeka' siagang tujua bala. Pakeanna ke'nanga kaeng lenang sannaka tangkasa'na siagang accilla'-cillaka. Siagang ammakei ke'nanga pa'lapa' barambang bulaenga nipare'.

PAPPICINI' 2:1

“Untu' mae ri malaeka'na jama'ah Efesus, tulisiki kamma anne: Iaminne pappasang battu ri Ia anta'galakai anjo tujua bintoeng ri lima kananNa, siagang a'jappaya ri alla'na anjo tujua bangkeng lampu bulaenga.