PAOLE 7:4 - KITTA' MATANGKASA'

⁴ sollanna tena nanipakabella ana'-ana'nu ri ke'nanga battu ri Batara, untu' anynyomba ri rewata-rewata maraenga. Punna anynyombako mae ri rewata-rewata maraenga, larroi Batara siagang laNaancuru' memangko silalonna.

PAOLE 7:4 Iomraidhean Croise

1 KARAENG-KARAENG 16:31

Tenapa nasukku' nasa'ring doraka sangkammaya nagaukanga Yerobeam, ia ba'lalo nabuntingi Izebel ana'na Karaeng Etbaal battu ri Sidon, siagang assambayangi mae ri Baal.

KALAPPASSANG 20:5

Teako anynyombai ri patung kammaya anjo, nasaba' iNakkeji Karaeng Allata'alanu, siagang taerokA' nipasangkamma manna apa-apa mamo. Sikamma tau mangngabirissia mae ri Nakke Kuhukkungi sa'genna jari-jari lapisi' makatalluna siagang makaappa'na.

KALAPPASSANG 34:16

Punna a'bunting ana'-ana'nu siagang bai'-baine bansa maraeng, laninyonyoki ke'nanga ri anjo bai'-bainea untu' ambokoiA' nampa anynyomba ri rewata-rewatana ke'nanga.

PAOLE 20:18

Bunoi ke'nanga, sollanna tena napa'jariko ke'nanga doraka mae ri Karaeng Allata'alanu lanri naajara'nu anggaukangi panggaukang-panggaukang appakaringi'-ringika untu' rewata-rewatana ke'nanga.

PAOLE 4:26

Tapporo langika siagang linoa a'jari sa'bi anne alloa angkanaya punna tena numannuruki mae ri nakke, tasalloami nu'lanynya' battu ri butta nupammantangngia ri ba'leanna anjo Binanga Yordan. Tasalloako lammantang anjoreng, lanri laniancuru' taba sikaliko.

PAOLE 6:15

Punna anynyombako mae ri rewata-rewata maraenga, lanitujuko ri pangngalarroiNa Karaeng Allata'alanu siagang lanipanrakiko taba sikali, lanri anjo Karaeng Allata'alanu niaka ri tangnga-tangnganu taerokai nipasangkamma siagang apa-apa maraenganga.

YOSUA 22:15

Nabattumo ke'nanga mange ri tampa'na suku Ruben, suku Gad siagang suku Manasye rayaya ri daera Gilead.

YOSUA 23:12

Punna tena namajarre' pa'mai'nu siagang punna assileokko siagang bansa-bansa niaka ija ammantang ri alla'nu, kammayatompa punna a'buntingko siagang ke'nanga,

HAKING-HAKING 2:11

Nampa dorakamo bansa Israel mae ri Batara. Tenamo nanynyomba ke'nanga mae ri Batara, Allata'alana boe-boena ke'nanga, iamintu Allata'ala le'baka angngerangi ke'nanga assulu' battu ri butta Mesir. Appakkaramulami ke'nanga anynyomba mae ri rewata niarenga Baal siagang Asytoret kammayatompa rewata-rewata maraengannaya, nasombaya bansa-bansa niaka ri tammulilina ke'nanga. Jari larromi Batara mae ri ke'nanga. Na Nalappassammo garombolanga ambunduki siagang anrampoki ke'nanga. Natena sikali pakkullena ke'nanga andallekangi anjo musu-musu battua ri tammulilina ke'nanga.

HAKING-HAKING 2:20

Iaminjo saba'na nasanna'mo larroNa Batara mae ri umma' Israel. Angkanami, “Le'ba'mi Kupassuroang ri boe-boena anne ke'nanga sollanna nata'gala' jarre' anjo parjanjiangKu siagang ke'nanga. Mingka natappu'mi anne bansaya passikko'na anjo parjanjianga, nadakkaimi ke'nanga parentaKu.

HAKING-HAKING 3:6

A'bengkoro'mi umma' Israel a'bunting siagang anjo bansa-bansaya, siagang amminawang turu' anynyomba ri rewata-rewatana ke'nanga.