PAOLE 7:2 - KITTA' MATANGKASA'

² Punna Napassareang Karaeng Allata'alanu anjo bansa-bansaya antama ri kakoasannu siagang nubeta ke'nanga, buno ngasengi anjo ke'nanga. Teako kamaseangi ke'nanga siagang teako appareki parjanjiang siagang ke'nanga.

PAOLE 7:2 Iomraidhean Croise

PA'JARIANG 14:20

Nipujimi Allata'ala Kaminang Tinggia, assareako pammetang mae ri musunnu.” Le'baki anjo napassareammi Abram mange ri Melkisedek bage sampulona sikontu anjo barang le'baka nirampasa' nanaalle naerang ammotere'.

2 SAMUEL 21:2

(Anjo tu Gibeon teai tu Israel; anjo ke'nanga golongang ca'di lalang ri tu Amori. Le'baki a'janji tu Israel angkanaya lanala'langngi ke'nanga, mingka Saul eroki naputta ke'nanga lanri nanawa-nawana kaparalluanna tu Israel siagang tu Yehuda.) Nampa nakio'mo Daud anjo tu Gibeon,

1 KARAENG-KARAENG 20:34

Nampa nakanamo Benhadad ri ia, “Lakupoterangi mae ri katte kota-kota le'baka narampasa' manggeku battu ri manggeta. Akkulle tongki' ambangung tampa' pa'danggangang ri kota Damsyik sangkamma nagaukanga manggeku ri Samaria.” Appialimi Ahab angkana, “Battu ri anjo janjinta nakulappassangki'.” Le'baki anjo appare'mi Ahab parjanjiang siagang Benhadad, nampa nalappassang Benhadad.

EZRA 10:3

Umba kissumpa ri Allata'ala, angkanaya lanibongka ngasengi anjo bainea siagang ana'-ana'na ke'nanga. Lamannuruki ikambe ri kananta siagang pappakainga'na tu maraenga, ia tu ampakala'birikai parentaNa Allata'ala. Lamannuruki ikambe ri HukkunNa Allata'ala.

PAMMUJI 106:34

Bansa-bansa maraenga tena naballassi ke'nanga, sangkamma Naparentakanga Batara.

KALAPPASSANG 22:20

Inai-nai assare koro'bang mae ri rewata-rewata maraenga pantaranganna mae ri Nakke, Batara, musti nihukkung matei.

PAMMILANGNGANG 21:2

Jari attinja'mi tu Israel mae ri Batara angkana, “Punna Kisare mamo pammetang ikambe mae ri anjo bansaya, anjo ke'nanga siagang sikamma kota-kotana lanitumpasaki ri kambe sa'genna cappu'.”

PAMMILANGNGANG 31:17

Jari, kamma-kamma anne buno ngasengi sikamma ana'-ana' bura'nea siagang sikamma tubaine tenayamo natulolo.

PAMMILANGNGANG 33:52

musti nubongkai sikontu pandudu'na anjo pa'rasanganga. Ancuru' ngasengi sikontu barhalana ke'nanga battua ri batu siagang bassi-bassiang kammayatompa tampa'-tampa' ibadana ke'nanga.

PAOLE 13:8

teako pilangngeri siagang teako erokki ninyonyo' ri ia. Tea tongko kamaseangngi yareka la'langngi anjo taua.

PAOLE 13:9

Anjo taua musti nisambilai batu sa'genna mate. Ikau musti ansambilai batu, nampa nipinawang ri sikontu ra'yaka. Anjo tau salaya musti nibunoi, lanri eroki ampakabellako battu ri Karaeng Allata'alanu le'baka allappassangki' battu ri nipare' atata ri Mesir.

PAOLE 19:13

Teako kamaseangngi anjo taua. Pakabebasaki tu Israel battu ri tau pabuno kammaya anjo, sollannu salewangang lalang tallasa'nu.”

PAOLE 2:33

Mingka nipassareammi anjo karaenga mae ri katte ri Karaeng Allata'alata, sa'genna nibetamo siagang ana'-ana'na kammayatompa sikontu tantarana.

PAOLE 2:34

Anjo memang wattua niallemi siagang niancuru'mi sikamma kotaya kammayatompa nibunomi sikontu pandudu'na, bura'ne, baine siagang ana'-ana'. Tena niboli' attallasa'.

PAOLE 23:14

Karaeng Allata'alanu anrurungangko lalang ri pakkemaanga untu' alla'langngiko siagang untu' assareko pammetang mae ri musu-musunnu. Jari, jagai sollanna tuli matangkasa' pakkemaannu. Teako nia' apa-apa tenaya nasiratang ri alla'nu, sollanna tena Nabokoiko Batara.”

PAOLE 25:12

polongi limanna anjo bainea, siagang teako kamaseangngi.

PAOLE 3:3

Jari Napassareang tommi Karaeng Allata'alata anjo Karaeng Og siagang ra'ya'na mae ri katte, nampa nibeta kabusu'mo anjo ke'nanga.

PAOLE 31:5

LaNasareko pammetang Batara mae ri ke'nanga, nampa musti nupareki ke'nanga sangkamma apa kupaua mae ri kau.

PAOLE 33:27

Allata'ala latuli angngalleiko; limanNa mannannunganga a'jari pattumpa'nu. Nabongkai musua battu ri dallekannu, Nasuroko angngancuruki sikontu balia.

PAOLE 7:16

Sikamma bansa Napassareanga Karaeng Allata'alanu ri kakoasannu musti nuancuruki; teako kamaseangngi ke'nanga. Teako anynyombai ri rewata-rewatana ke'nanga, lanri anjo panggaukang kammaya napangngerangangko bala.

PAOLE 9:3

Mingka kamma-kamma anne ikau kalennu lanciniki antekamma bateNa Karaeng Allata'alanu a'jappa ri dallekannu rapang pepe' appakamutunga. LaNabetai ke'nanga ri dallekang matannu, sa'gennu akkulle ambongkai ke'nanga siagang angngancuruki silalonna ke'nanga sangkamma Napa'janjianga Batara.

YOSUA 10:28

Anjo alloa nabundukimi Yosua kota Makeda, na nabetamo anjo kotaya siagang karaenna. Nabuno ngasemmi sikontu pandudu'na; tena manna sitau nilappassang attallasa'. Nagaukammi Yosua mae ri anjo karaeng Makeda sangkamma apa le'baka nagaukang mae ri karaeng Yerikho.

YOSUA 10:30

Nisare tommi pammetang tu Israel ri Batara mange ri anjo kotaya siagang karaenna. Tena manna sitau nilappassang attallasa'; sikontu tau niaka ri anjo kotaya nibuno ngasengi. Nagaukammi Yosua mae ri anjo karaeng Libna sangkamma apa le'baka nagaukang mae ri karaeng Yerikho.

YOSUA 10:32

Nisaremi pammetang ri Batara tu Israel mae ri Lakhis lalang pa'bundukang ri allo makaruaya. Apa nagaukang ke'nanga ri Libna, kamma tomminjo nagaukang ke'nanga ri Lakhis; tena manna sitau nilappassang attallasa', yangasenna nibunoi.

YOSUA 10:40

Sikontu anjo pa'rasanganga nibeta ngasemmi ri Yosua. Nabetai anjo sikamma karaenga ri daera pa'monconganga, ri pungku'na bulu'-bulu' irayaya, ri bangkenna moncong-moncong bageang ilauka, kammayatompa ri parang-parang bageang timboroka. Tena manna sitau nalappassang attallasa'; nibuno kabusuki. Anjo kammaya situruki parenta battua ri Batara, Allata'alana Israel.

YOSUA 10:42

Lalang sikali bawang pa'bundukang na nabeta ngaseng Yosua sikamma anjo karaenga siagang naalle daera-daera kakoasanna ke'nanga, lanri Batara, Allata'alana Israel a'bundu' untu' tu Israel.

YOSUA 11:8

Nanisaremo pammetang tu Israel ri Batara. Nabundukimi tu Israel siagang naondammi ke'nanga sa'genna Misrefot-Maim siagang Sidon bellana pawara'na, siagang sa'genna mange ri Ka'bung Mizpa patimboro'na. Tulusu' heba'na anjo pa'bundukanga sa'genna tena manna sitau musu ammantang tassesa, yangasenna mate kabusuki.

YOSUA 2:14

Appialimi anjo tau ruaya angkana, “A'janji ikambe angkana punna Napassareang Batara anne pa'rasanganga mae ri kambe, lanagau' bajikko ikambe, assala' tena nanucaritai manna pole ri nai anne passala'na ikambe. Nitunrai ikambe ri Batara punna tanarupaia ikambe anjo janjinna ikambe.”

YOSUA 21:44

Jari situru' apa Napa'janjianga Batara mae ri boe-boena ke'nanga, a'jari amammi anjo pa'rasanganga lanri nila'langngi ri Batara. Manna se're tania' battu ri musu-musunna ke'nanga akkulle angngewai ke'nanga, lanri Batara assarei ke'nanga pammetang mae ri sikontu musunna ke'nanga.

YOSUA 8:24

Le'ba'na pasukang Israel nabuno ngaseng tantara musu angngondangai ke'nanga ri parang kalotoroka, ammotere'mi ke'nanga mange ri Ai, nampa nabuno sikontu tau niaka anjoreng.

YOSUA 9:24

Appialimi ke'nanga angkana, “Nappakamma anjo ikambe lanri nalangngere'namo ikambe angkanaya anjo Karaeng Allata'ala kisombaya le'ba'mi Nasuro Musa, anjo atanNa, ampassareangi mae ri katte sikontu anne pa'rasanganga siagang ambunoi sikontu pandudu'na ri wattunna kialle anjo buttaya. Malla' dudumi ikambe angkana gassingka kibunoi ikambe; iaminjo saba'na nanagaukang ikambe sikammaya anne.

YOSUA 9:7

Mingka nakana ngasemmo tu Israel, “Untu' apa namusti appare' parjanjiang ikambe siagang ikau ngaseng? Gassingka ambaniji anrinni pammantangannu!”

HAKING-HAKING 1:24

sibuntuluki ke'nanga siagang sitau bura'ne battua ri anjo kotaya. Nakanamo ke'nanga ri anjo taua, “Punna erokko antulungi ikambe ampantamai anjo kotaya, lakigau' bajikko sallang.”

HAKING-HAKING 1:4

siagang suku Yehuda mange a'bundu'.” Na nisaremo ke'nanga pakkulle battu ri Batara sa'genna nabetamo tu Kanaan siagang tu Feriska. Nia' sampulo sa'bu tantarana musua mate ri Bezek.

HAKING-HAKING 2:2

Jari takkulleako appare' passikko' passijanjiang siagang tau niaka ammantang anrinni ri pa'rasanganga. Sikamma tampa' pakkoro'bangnganna ke'nanga musti nurumbangi'.’ Mingka tena nugaukangi anjo apa Kupassuroanga. Ba'lalo ta'bale'na nugaukanga!