PAOLE 4:3 - KITTA' MATANGKASA'

³ Kalennu anciniki apa Nagaukanga Karaeng Allata'alanu ri Moncong Peor. Sikamma tau anynyombaya ri Baal anjoreng ri tampaka Naancuruki,

PAOLE 4:3 Iomraidhean Croise

YEHEZKIEL 20:18

Kabalekanna sikamma tau rungka-rungkaya ri tangnga-tangngana ke'nanga, Kupakaingaki kamma anne, ‘Teako turuki paratorang-paratorang napareka boe-boenu. Teako palembai kabiasanna ke'nanga siagang tea tongko ra'massi kalennu lanri anynyombako ri barhala-barhalana ke'nanga.

HOSEA 9:10

Nakana Batara, “Ri wattu uru Kubuntulu'na Israel, rannuA' rapang tau anggappaya rappo anggoro' ri parang lompoa. Ri wattu uru Kucini'na boe-boenu sanna' sannanna nyawaKu, rapang tau uru ancinikai rappo bungasa'na rappo araya. Mingka, ri wattunna a'lampa ke'nanga mange ri Bulu' Peor, appakkaramulami ke'nanga anynyomba ri Baal, sa'genna a'jari ra'masa' ke'nanga sangkamma ra'masa'na anjo rewata nangaia ke'nanga.

PAMMILANGNGANG 26:64

Battu ri sikamma tau nidattaraka ri Musa siagang Harun ri parang lompona Sinai, tenamo manna sitau attallasa'.

PAMMILANGNGANG 31:16

Sai iaminjo sikamma tubai'-bainea anturuki pappaunju'na Bileam, sa'genna nanyonyo' umma' Israel ri Peor untu' ambokoi Batara? Siagang iaminjo appabattu bala mae ri umma'Na Batara!

PAOLE 11:7

Jari, nucini' ngasemmi siagang mata kalennu sikontu gau' appakalannasa' le'baka Nagaukang Batara.”

PAOLE 4:4

nampa ikau tuli majarreka tappa'na mae ri Karaeng Allata'alanu attallasa' ijako sa'genna kamma-kamma anne.

YOSUA 22:17

Apa tenamo nanuu'rangi dosata ri Peor? Anjo wattua nihukkungki' ri Batara siagang garring, manna naikatte anne umma' kalennaKi'! Sa'genna kamma-kamma anne tuli nitanggonna kale'bakkang kakodianna! Maka tanggannakkapi anjo kammaya?