PAOLE 3:2 - KITTA' MATANGKASA'

² Mingka Nakanamo Batara mae ri nakke, ‘Teako mallakki mae ri ia, Musa. LaKupassareangi anjo taua mae ri kau, kammayatompa tantarana siagang sikontu daerana. Gaukammi mae ri ia sangkamma apa le'baka nugaukang mae ri Sihon, karaenna tu Amori ammarentaya ri Hesybon.’

PAOLE 3:2 Iomraidhean Croise

2 PATTOTTORANG 20:17

Tena nuparallu a'bundu' lalang ri anne pa'bundukanga. A'lampamako mange ri tampa' le'baka nipattantuangko siagang attayang mako anjoreng. Lanuciniki antekamma bateNa Batara assareko pammetang. He pandudu' Yehuda siagang Yerusalem, teako lussakki yareka teako mallakki. Antama' mako ri anjo pa'bundukanga, na Nasareko Batara pammetang!”

YESAYA 41:10

Teako mallakki, saba' iNakke anrurungangko, teako lussakki, saba' iNakke Allata'alanu. LaKupakajarrekko siagang laKutulungko, Kurenrengko lalang lima makassakKu.

YESAYA 43:5

Teako mallakki, saba' iNakke alla'langiko. Battu lau' siagang battu raya Kusuroi ana' cucunnu battu asse're.

PAMMILANGNGANG 14:9

Teako angngewai mae ri Batara, siagang teako mallakki mae ri tau niaka ammantang anjoreng ri pa'rasanganga, nasaba' gampang sikali lanibeta. Anjo alla'langiai ke'nanga a'lampami ambokoi ke'nanga, siagang Batara anrurungangki'. Jari teako mallakki.”

PAMMILANGNGANG 21:34

Nakanamo Batara mae ri Musa, “Teako mallakki mae ri ia. LaKusareko pammetang. Lanubetai anjo karaenga, sikontu ra'ya'na kammayatompa pa'rasanganna. Gaukammi ri ia sangkamma apa le'baka nugaukang mae ri Karaeng Sihon ammarentaya ri Hesybon.”

LAMPA-LAMPANA 18:9

Ri se'reang bangngi nabattuimi pappiso'na Paulus. Lalang pappiso'nana Nakana Batara ri Paulus, “Teako mallakki Paulus! A'bicarako turus, teako ammakkangi.

LAMPA-LAMPANA 27:24

Nakana anjo malaekaka, ‘Teako mallakki Paulus! Nasaba' lamangeko andallekang ri Karaenga ri Roma. Lanri kabajikanNa Allata'ala mae ri kau, nasikontu anne tau nuaganga assombala', lanipasalama' ngasengi passabakkang ikau.’

PAOLE 20:3

‘Sikamma sari'battangku, pilangngeri anne! Anne alloa erokko maju a'bundu'. Teako mallakki yareka teako ca'di pa'maikki, yareka teako lingui.

PAOLE 3:1

“Nampa a'giokki' a'lampa wara', mange ri Basan. Majumi Karaeng Og, iamintu karaeng Basan, siagang sikontu tantarana untu' ambundukiki' ri ampi'na kota Edrei.

PAOLE 3:11

Anjo Karaeng Og iami karaeng kala'busanga ri tu Refaim. Patti maya'na iamintu batu nipare'; la'buna appa' metere' na sangkara'na a'biringi rua metere' situru' siagang ukkurang le'baka nipattantu. Sa'genna kamma-kamma anne akkulle iji nicini' ri Raba, kotana tu Amon.)

PAOLE 3:3

Jari Napassareang tommi Karaeng Allata'alata anjo Karaeng Og siagang ra'ya'na mae ri katte, nampa nibeta kabusu'mo anjo ke'nanga.

YOSUA 10:8

Nakana Batara ri Yosua, “Teako mallakki mae ri ke'nanga. Le'ba'mi Kupattantu laKupassareang pammetanga mae ri kau; lanri kammana anjo tena manna sitau ri ke'nanga akkulle attahang angngewako.”

PAPPICINI' 2:10

Teako mallakki mae ri kapa'risanga, tenayamo nasallo namusti nukasia'. U'rangi, angkanaya jaiko lanapantama' Billisika ri tarungkua untu' lanaso'ri. Lasessako sampulo allo sallona. Paralluko tamamminraya ri tappa'nu sa'gennu mate; na iNakke lassareangko katallassang sitojennaya siagang mannannunganga, a'jari hadia ri pammetannu.