PAOLE 13:8 - KITTA' MATANGKASA'

⁸ teako pilangngeri siagang teako erokki ninyonyo' ri ia. Tea tongko kamaseangngi yareka la'langngi anjo taua.

PAOLE 13:8 Iomraidhean Croise

KALAPPASSANG 20:3

Teako anynyombai mae ri rewata-rewata maraeng. Inakke bawang musti nusomba.

PANGNGEBARANG 1:10

Punna nanyonyokko tau rungkaya, anakku, teako turuki panynyonyo'na ke'nanga.

YEHEZKIEL 5:11

INakke Allata'ala mattallasaka, Batara Kaminang Tinggia, siagang iaminne kana-kanangKu: Lanri le'ba'namo nura'massi BallakKu siagang sikontu panggaukannu ja'dalaka siagang appakaringi'-ringika, jari laKuancurukko natena Kupammopporangko.

PAOLE 19:13

Teako kamaseangngi anjo taua. Pakabebasaki tu Israel battu ri tau pabuno kammaya anjo, sollannu salewangang lalang tallasa'nu.”

PAOLE 28:64

LaNapasisa'la'-sa'lakko Batara ri alla'na bansa-bansaya ri sikontu linoa. Anjoreng lanynyombako mae ri rewata-rewata nipareka battu ri batu siagang kayu, rewata-rewata tenaya nanuassengi siagang tenaya todong nanaassengi boe-boenu.

PAOLE 32:17

Assarei ke'nanga koro'bang mae ri roh-roh ja'dalaka teai mae ri Allata'ala, mae ri rewata-rewata takontutojeng, taniassenga siagang tanipakala'biri'ka ri boe-boena riolo.

PAOLE 7:16

Sikamma bansa Napassareanga Karaeng Allata'alanu ri kakoasannu musti nuancuruki; teako kamaseangngi ke'nanga. Teako anynyombai ri rewata-rewatana ke'nanga, lanri anjo panggaukang kammaya napangngerangangko bala.

PAOLE 7:2

Punna Napassareang Karaeng Allata'alanu anjo bansa-bansaya antama ri kakoasannu siagang nubeta ke'nanga, buno ngasengi anjo ke'nanga. Teako kamaseangi ke'nanga siagang teako appareki parjanjiang siagang ke'nanga.

1 YOHANES 5:21

Sikamma ana'-anakku, pakabellai kalennu battu ri sikamma barhalaya!

HAKING-HAKING 10:6

Dorakami pole umma' Israel mae ri Batara. Tenamo namangngu'rangi ke'nanga ri Batara, siagang tenamo nanynyomba mae ri Ia. Rewata-rewata Baal siagang Asytoret a'giling nasomba ke'nanga. Kammayatompa rewata-rewata bansa Siria, Sidon, Moab, Amon siagang Filistin, yangasemminjo nasomba ke'nanga.