PAOLE 12:12 - KITTA' MATANGKASA'

¹² A'rannu-rannuko ri dallekanNa Karaeng Allata'alanu, siagang sikamma ana'-ana'nu, ata-atannu siagang sikamma tu Lewi ammantanga ri kota-kotanu, lanri anjo tu Lewi tena nanggappa pambageang butta ri pa'rasangannu.

PAOLE 12:12 Iomraidhean Croise

PAOLE 12:7

Anjoreng tommi, ri dallekanNa Karaeng Allata'alanu, ikau ngaseng siagang sikamma kaluarganu musti angnganre siagang a'rannu-rannu lanri nugappana wassele' usahanu lanri nibarakkakinna ri Karaeng Allata'alanu.

PAOLE 26:12

Tunggala' taung makatallu, musti assareko passare bage sampulona panggappannu, iamintu bage sampulona wassele' kattoannu mae ri Imang Lewi, tubattu-battua, ana'-ana' kukanga siagang jandaya, sa'genna ri tunggala' kotaya anggappai ke'nanga kanre naparalluanga ke'nanga. Punna le'baki,

PAOLE 10:9

Lanri kammana minjo natena nanggappa butta suku Lewi sangkamma suku-suku maraenga. Nasaba' Batarami a'jari bageang warisi'na ke'nanga, sangkamma Napaua Karaeng Allata'alanu mae ri ke'nanga.)

PAOLE 14:29

Anjo kanre-kanreanga untu' tu Lewi, lanri tenana buttana ke'nanga, kammayatompa untu' tubattu-battua, untu' ana'-ana' kukanga, siagang untu' sikamma janda niaka ammantang ri kota-kotanu. Akkullei ke'nanga battu angngallei sikamma apa naparalluanga ke'nanga. Punna nugaukang anjo kammaya, laNabarakkaki Karaeng Allata'alanu sikontu usahanu.”

PAOLE 12:19

Jagai gassingka nubalang parekangi tu Lewia na tena nasilolongang katallassanna lalang ammantannu ri anjo pa'rasanganga.

PAMMUJI 147:1

Pujimi Batara! Saba' bajiki ammujia mae ri Ia, siagang sannangi pa'maika akkelonga mammuji mae ri Ia!

2 PATTOTTORANG 29:36

Sannammi pa'mai'na Karaeng Hizkia siagang ra'yaka lanri lalang wattu sinampekang le'ba'mi nibantu ke'nanga ri Allata'ala untu' anggaukang kabusuki anjo sikammaya.

1 KARAENG-KARAENG 8:66

Ri allo makasagantujuna, nasuromi Salomo taua ammotere'. Yangasenna ke'nanga mammujimi ri ia, nampa ammotere' mange ri balla'na ke'nanga siagang rannu pa'mai', lanri yangasenna anjo barakka' Napassareanga Batara mae ri atanNa Daud siagang mae ri umma'Na bansa Israel.

YOSUA 13:33

Mingka suku Lewi tena nanggappa pambageang butta manna sike'de' battu ri Musa. Napaui Musa mae ri ke'nanga angkanaya pambageanna ke'nanga iamintu battua ri koro'bang-koro'bang nipassareanga mae ri Karaeng Allata'alana Israel.

PAMMILANGNGANG 18:20

Nakanamo pole Batara mae ri Harun, “Ikau tena nunggappa pambageang warisi' apa-apa. Ri pa'rasangang Kupa'janjianga mae ri kau tena manna sicappi' butta la'jari nupatang. INakke, Batara, a'jari bageang warisi'nu.”

YOSUA 13:14

Suku Lewi tena nannarima bageang butta battu ri Musa, nasaba' le'baki Napau Batara mae ri Musa angkanaya pambageanna suku Lewi iamintu battua ri koro'bang-koro'bang nitunua ri tampa' pakkoro'bangnganga untu' Karaeng Allata'alana Israel.

PAMMILANGNGANG 18:26

ampabattui anne parentaya mae ri tu Lewi: Punna annarimako passare battu ri tu Israel iamintu passare bage sampulona panggappanna ke'nanga, ia Napassareanga Batara untu' a'jari bageannu, musti nupassareangi bage sampulona mae ri Batara untu' passarenu nisa'laka.

PAOLE 18:6

Punna nia' tu Lewi battu ri kalase'renna kotaya ri Israel battu mange ri tampa' ibada le'baka Napattantu Batara nampa ero' ammantang ri anjo tampaka,

PAOLE 16:14

A'rannu-rannu mako siagang ana'-ana'nu, ata-atannu, tu Lewi, tubattu-battua, ana'-ana' kukanga siagang sikamma janda niaka ammantang ri kota-kotanu.

PAOLE 16:11

A'rannu-rannuko ri dallekanNa Karaeng Allata'alanu, ri anjo tampa' le'baka Napattantu, siagang ngaseng ana'-ana'nu, ata-atannu, kammayatompa tu Lewi, tubattu-battua, ana'-ana' kukanga siagang sikamma janda niaka ammantang ri kota-kotanu.

YOHANES 13:8

Nakanamo Petrus, “TeaKi' Batara; tea laloKi' bissai bangkengku!” Mingka appialimi Isa Nakana, “Punna tena naKubissaiangko bangkennu, tena passisambungannu siagang iNakke.”

LAMPA-LAMPANA 8:21

Tena ha'nu kau lamminawang lalang ri jama-jamanna ikambe, nasaba' talambusai atinnu mae ri Allata'ala.

PAOLE 12:18

Ikau siagang ana'-ana'nu, kammayatompa sikamma ata-atannu, siagang tu Lewi ammantanga ri kotanu, musti nakanrei anjo passarea ri dallekanNa Karaeng Allata'alanu, ri tampa' Napilea Karaeng Allata'alanu. Siagang anjoreng mako ri anjo tampaka musti a'rannu-rannu lanri sikontu wassele' usahanu.

PAOLE 26:11

appala' sukkuru' mako untu' sikontu dalle' le'baka Napassareang Karaeng Allata'alanu mae ri kau siagang kaluarganu. Kioki tu Lewi siagang bansa maraeng ammantanga ri alla'nu untu' amminawang lalang ri anjo passua'-suarranga.

NEHEMIA 8:9

Nalangngere'na ke'nanga nibaca anjo Hukkunga, a'jari dinging-dingimmi pa'mai'na ra'yaka allangngereki, nampa angngarru' ke'nanga. Jari nakanamo guburnur Nehemia siagang Imang Ezra kammayatompa sikamma anjo tu Lewi ampakasingarakai anjo Hukkunga ri sikontu anjo ra'yaka, “Anne alloa, allo nipakatangkasa' untu' Karaeng Allata'alanu ngaseng, jari teako si'nai siagang teako angngarruki.

KAIMANGNGANG 23:40

Ri allo makase'rea musti nuallei rappo-rappoang kaminang bajika battu ri kokonnu, kammayatompa leko'-leko' pandanga siagang tangke-tangke battua ri poko' kayu copponga leko'na, nampa nupakaramulai passua'-suarrang karannuanga untu' ampakalompoi Karaeng Allata'alanu.

PAOLE 27:7

Passareang tongi koro'bang passiamakkannu siagang kanremi anjoreng kammayatompa a'rannu-rannu mako ri dallekanNa Karaeng Allata'alanu.