PAOLE 1:8 - KITTA' MATANGKASA'

⁸ INakke, Batara, le'ba' ampa'janjiangi sikontu anjo buttaya mae ri boe-boenu iamintu Abraham, Ishak siagang Yakub kammayatompa mae ri jari-jarina ke'nanga. Jari a'lampa mako mange ampammantangngi anjo buttaya.’ ”

PAOLE 1:8 Iomraidhean Croise

PA'JARIANG 12:7

Napappicinikammi KalenNa Batara mae ri Abram na Nakana ri ia, “Iaminne pa'rasangang laKupassareanga mae ri sossorannu.” Nampa ambangummo Abram se're tampa' pakkoro'bangngang anjoreng untu' Batara, ia le'baka ampappicinikangi KalenNa mae ri ia.

PA'JARIANG 15:16

Punna narapi'mo patang lapisi' turungannu, lammotere'mi cucu-cucunnu mae anrinni, nasaba' talaKubongkayapi a'lampa tu Amori punna tenapa ta'liwa' ja'dala'na ke'nanga sa'genna parallu nihukkung.”

PA'JARIANG 15:18

Anjo wattua memang, appare'mi Batara parjanjiang siagang Abram. Nakana Batara, “A'janjiA' angkanaya laKusarei turungannu sikontu anne buttaya, appakkaramula battu ri pa'baeng-baenna pa'rasangang Mesir sa'genna mange ri Binanga Efrat,

NEHEMIA 9:15

Ri wattu cipuru' siagang kurang kanre, Kipaturungi rotia battu rate ri langi'. Battu ri batu terasa', kassa' siagang jarre' Kipasolong sarring je'neka untu' passau turere. Kisuroi ke'nanga angngempoi buttaya ia le'baka Kipa'janjiang ri ia lalang sumpa.

KALAPPASSANG 23:31

Sikamma pa'baeng-baenna pa'rasangannu laKupattantui battu ri Tamparang Akaba sa'genna mae ri Binanga Efrat, kammayatompa battu ri Tamparang Tangngaya sa'genna mae ri parang lompoa. LaKusareko koasa mae ri pandudu'na anjo pa'rasanganga, sa'genna akkulle nubongka ke'nanga ri wattunnu maju untu' angngallei anjo buttaya.

KALAPPASSANG 33:1

Nampa Nakana Batara ri Musa, “Bokoimi anne tampaka nampa a'lampako siagang anjo bansa nueranga battu ri Mesir mange ri pa'rasangang Kupa'janjianga ri Abraham, Ishak siagang Yakub kammayatompa jari-jarina ke'nanga.

YEREMIA 32:22

Pa'rasangang bajika siagang copponga Kipassareang mae ri ke'nanga sangkamma le'baka Kipa'janjiang mae ri boe-boena ke'nanga.

YEHEZKIEL 47:14

Le'ba'Ma' assumpa angkanaya anjo buttaya laKupassareangi mae ri boe-boenu. Lanri kammana anjo, allemi anjo buttaya siagang bagemi siagang adele' massing ri kau.

PAMMILANGNGANG 14:23

Tena! Tena nalantama' ke'nanga ri anjo pa'rasanganga. Sikamma anjo tau angngewaya mae ri Nakke, tena manna sitau langngonjoki anjo pa'rasanganga.

PAOLE 1:11

Dasi-dasi na Batara, Allata'alana boe-boenu tulusu' antambai jainu sa'genna a'lappi sisa'bu, kammayatompa Napa'jariko bansa akkalumanynyang sangkamma le'baka Napa'janjiang.

PAOLE 1:35

‘Tena manna sitau battu ri anne tau ja'dala' kammaya lakkulle antama' ri pa'rasangang coppong Kupa'janjianga mae ri boe-boenu.

PAOLE 10:11

Nampa Nasuroa' a'lampa untu' ampimpingko sollanna akkulle nupatang butta Napa'janjianga mae ri boe-boenu.”

PAOLE 11:24

Sikontu daera naonjoka bangkennu la'jari nupatangi. Ia daeranu iamintu battu ri parang lompo bageang timboro' sa'genna mange ri Moncong Libanon bageang wara', kammayatompa battu ri Binanga Efrat ri bageang iraya sa'genna mange ri Tamparang Tangngaya ri bageang ilau'.

PAOLE 11:9

Siagang lattallasa' mako sisalloang ri pa'rasangang kalumanynyanga siagang copponga buttana, iamintu Napa'janjianga Batara mae ri boe-boenu siagang mae ri jari-jarina ke'nanga.

PAOLE 2:29

sa'genna ammolongang ikambe ri Binanga Yordan untu' antama' ri pa'rasangang Napassareanga Karaeng Allata'alana ikambe mae ri kambe. Jari-jarina Esau iamintu ammantanga ri Edom siagang tu Moab ammantanga ri Ar, le'ba'mi nasare ising ikambe ammalo ri daerana ke'nanga.’

PAOLE 26:15

Battu ri tampa' katangkasanTa ri suruga poro ero' lalo maKi' amparhatikangi siagang ambarakkaki ummatTa Israel; barakkaki tongi anjo pa'rasangang kalumanynyanga siagang copponga buttana, anjo Kipassareanga mae ri kambe, situru' janjinTa mae ri boe-boena ikambe.’ ”

PAOLE 26:3

A'lampamako mange ri imang tugasaka anjo wattua, siagang paui mae ri ia angkana, ‘Kupaumi mae ri Karaeng Allata'alanu angkanaya antamama' ri pa'rasangang Napa'janjianga Batara mae ri boe-boena ikambe untu' laNapassareang mae ri katte.’

PAOLE 28:11

Lanisareko ana' majai. La'jari jai olo'-olo' piaranu siagang lalla'bi-la'bi wassele' kattoannu ri pa'rasangang Napa'janjianga Batara mae ri boe-boenu untu' Napassareang mae ri kau.

PAOLE 29:12

Appareki Karaeng Allata'alanu parjanjiang siagang ikau, siagang asse're ngasengko anrinni untu' ansikkoki anjo parjanjianga kammayatompa antarimai sikamma kawajibannu.

PAOLE 30:20

Mangngamaseangko mae ri Karaeng Allata'alanu, mannurukiko mae ri Ia, siagang majarre' pa'maikko mae ri Ia. Na ikau siagang jari-jarinu lattallasakko siagang lala'bui umuru'nu ri pa'rasangang Napa'janjianga Batara mae ri boe-boenu iamintu Abraham, Ishak siagang Yakub.”

PAOLE 31:7

Nampa nakio' Musa anjo Yosua, siagang ri dallekanna sikontu bansa Israel nakanamo ri Yosua, “Paralluko majarre' pa'mai' siagang barani, Yosua! Ikau lampimpingi anne bansaya untu' ampammantangngi pa'rasangang Napa'janjianga Batara mae ri boe-boena ke'nanga.

PAOLE 34:4

Nampa Nakanamo Batara mae ri Musa, “Iaminjo pa'rasangang Kupa'janjianga mae ri Abraham, Ishak siagang Yakub untu' nipassareang mae ri jari-jarina ke'nanga. Kupappicinikangi mae ri kau, Musa, mingka tena naKupa'biangko a'lampa mange anjoreng.”

PAOLE 4:1

Nampa nakana Musa mae ri anjo bansaya, “Turuki sikontu hukkung kupangngajarranga mae ri kau ngaseng, sollannu attallasa' sa'genna nupammantangngi anjo butta laNapassareanga Batara, Allata'alana boe-boenu, mae ri kau.

PAOLE 6:10

“A'janji Karaeng Allata'alanu mae ri boe-boenu iamintu Abraham, Ishak siagang Yakub angkanaya laNapassareangi anjo pa'rasanganga mae ri kau. Kota-kotana lompoi siagang coppongi, nampa teai ikau ambangungi.

PAOLE 7:12

“Punna nuparhatikang anjo parenta-parentaya, siagang nugaukang tamattappu', tena todong namamminra pa'mai'Na Karaeng Allata'alanu mae ri parjanjiang Napareka siagang ikau ngaseng. LaNapappicinikangi pangngamaseang tamattappu'Na mae ri kau, sangkamma Napa'janjianga mae ri boe-boenu.

PAOLE 7:13

LaNakamaseangko siagang laNabarakkakiko, sa'genna a'jari jai ana'nu na pila' katambang jainu. LaNabarakkaki sikamma kokonnu, sa'genna angngerang wassele' gandung, anggoro' siagang minynya' zaitun. LaNabarakkakiko sa'genna a'jari jai sapinu, bembenu siagang gimbala'nu. Sikontu anjo barakkaka lanutarimai ri pa'rasangang Napassareanga Batara mae ri kau, situru' janjinNa mae ri boe-boenu.

PAOLE 7:8

Mingka Napileko Batara lanri Nakamaseangko siagang eroki Narupai janji Napareka siagang boe-boenu. Iaminjo saba'na nale'ba' mako Napasalama' siagang kakoasang lompoNa siagang Nalappassangko battu ri nipare' atanu battu ri karaeng Mesir.

PAOLE 8:1

“Sikontu hukkung kupassareanga mae ri kau anne alloa musti nugaukangi tamattappu', sollannu tuli attallasa', nupila' jai siagang nupammantangngi butta Napa'janjianga Batara mae ri boe-boenu.

IBRANI 6:13

Ri wattunna a'janji Allata'ala mae ri Abraham, assumpai angkanaya laNarupai anjo apa Napa'janjianga. Nasaba' tenamo tinggiangang na Allata'ala, jari assumpami lalang areng KalenNa.

IBRANI 6:14

Nakana Allata'ala, “A'janjiA' angkana laKubarakkakiko siagang laKupa'jari sannaki jaina sossorannu.”

YOSUA 1:6

Paralluko tappa' siagang barani, nasaba' ikau lampimpingi anne bansaya ri wattunna napantamakki ke'nanga pa'rasangang Kupa'janjianga mae ri boe-boena ke'nanga.

HAKING-HAKING 2:1

A'lampami Malaeka'Na Batara battu ri Gilgal mange ri Bokhim. Na nakana mae ri tu Israelka, “Le'ba' mako Kupasulu' battu ri butta Mesir, nampa Kuerangko mange ri pa'rasangang le'baka Kupa'janjiang mae boe-boenu. Le'ba' tommako Kupauang angkana, ‘Tena nalaKutappu' anjo passikko' janjingKu mae ri kau.