PAOLE 1:2 - KITTA' MATANGKASA'

² Punna battu ri Moncong Sinai sa'genna mange ri Kades-Barnea ammalo ri daera monconna Edom, sampulo asse're allonna nijappai.)

PAOLE 1:2 Iomraidhean Croise

PA'JARIANG 32:3

Le'baki anjo nasuromi Yakub siapa are tau untu' a'jappa riolo mange ri pa'rasangang Edom untu' angngagangi sicini' Esau, daenna.

KALAPPASSANG 17:6

LammentengA' ri dallekannu irate ri se'reang batu lompo ri Moncong Sinai. Tunrungi anjo batua, nampa lassulu' je'neka battu ri anjo batua sollanna akkulle anjo taua angnginung.” Nagaukammi Musa anjo kammaya nisa'bi ri sikamma pamimpinna tu Israel.

KALAPPASSANG 3:1

Anjo wattua nakalawaki Musa sikamma gimbala'na siagang bembena Yitro, iamintu matoanna, imanga ri butta Midian. Ri wattunna naemba anjo olo'-olo' piaraya anta'leang ri parang lompoa, battumi mange ri Moncong Sinai, iamintu moncong matangkasaka.

KAIMANGNGANG 2:14

Punna assareko koro'bang mae ri Batara, iamintu gandung bungasa' nukattoa, erangi anjo gandung berua ia le'baka nidengka sa'genna alusu' yareka le'baka nilangga.

KAIMANGNGANG 9:23

Nampa antama' Musa siagang Harun ri KemaNa Batara. Le'baki anjo assulu'mi ke'nanga nampa nabarakkaki ummaka. Nampa nacini' sikontu umma' Israel caya kahaderanNa Batara.

PAMMILANGNGANG 13:26

siagang assaremi laporang mae ri Musa, Harun siagang sikontu umma' Israel ia sitabanga nia' asse're ri Kades, ri parang lompo Paran. Nacaritami ke'nanga apa le'baka nacini' siagang napaccinikammi anjo rappo-rappoang naeranga ke'nanga.

PAMMILANGNGANG 32:8

Kamma tomminjo panggaukanna sikamma bapa'nu, ri wattunna kusuro ke'nanga battu ri Kades-Barnea untu' anjappai anjo pa'rasanganga.

PAOLE 1:19

“Nampa situru' parentaNa Karaeng Allata'alata, nibokoimi Moncong Sinai nampa a'jappaki' ri parang lompoa siagang sannaka heba'na mange ri daera monconna tu Amori. Ri wattunta battu mange ri Kades-Barnea,

PAOLE 1:44

Nampa assulu'mo tu Amori niaka ammantang ri anjo daera monconga untu' angngewako. Anjo ke'nanga teai sipato' jaina, sanrapangi bania jaina. Naondang mako sa'genna mae ri Horma bellana, nampa nibetako ri ke'nanga ri daera moncong Edom.

PAOLE 2:1

Kale'bakkanna ammotere' maki' mange ri parang lompoa ammalo ri oloang mangea ri biring Tamparang Akaba, situru' Naparentakanga Batara. Salloki' alla'bang mange-mange ri daera monconna Edom.

PAOLE 2:4

Nampa Nasuroa' Batara ampauangko anne pangngunju' kammaya, ‘Tenamo nanusallo na nupantamakkimo pa'rasangang Edom, daerana sikamma sari'battannu, jari-jarina Esau. Lamallaki ke'nanga mae ri kau,

PAOLE 2:8

Nampa a'jappa tulusukki', nibokoi oloang mangea ri kota-kota Elat siagang Ezion-Geber mange ri Tamparang Matea, nampa a'lekko anrai' mange ri Parang Lompona Moab.

PAOLE 9:23

Nampa ri wattunnu nisuro ri Batara ambokoi Kades-Barnea untu' maju siagang mange ampammantangngi butta laNapassareanga mae ri kau, nutumpaki parentaNa Karaeng Allata'alanu; taerokako tappa' yareka mannuruki mae ri Ia.

YOSUA 14:6

Ri se'reang allo battui suku Yehuda mange ri Yosua ri Gilgal. Kalase'renna battu ri anjo ke'nanga iamintu Kaleb ana'na Yefune tu Kenas, angkana, “Yosua, nuassengi apa kananNa Batara mae ri Musa, anjo suroNa Allata'ala, ri Kades-Barnea ri passala'na ikau siagang inakke.