PAOLE 1:1 - KITTA' MATANGKASA'

¹ Ia bonena anne kittaka iamintu kana-kana napabattua Musa mae ri bansa Israel ri wattu nia'na ke'nanga ri parang lompoa ri Ka'bunna Yordan. Anjo ka'bunga irayangannai Binanga Yordan, ri ampi'na kota Suf, nipariallaki ri kota Paran bageang ba'leang siagang kota-kota Tofel, Laban, Hazerot siagang Di-Zahab ri bageang ba'leang se'reanga. (

PAOLE 1:1 Iomraidhean Croise

PA'JARIANG 21:21

Nipa'buntimmi ri amma'na siagang sitau baine Mesir.

1 KARAENG-KARAENG 11:18

A'lampai ke'nanga battu ri Midian, nampa mange ri Paran. Anjoreng asse'remi ke'nanga siagang siapa are tau maraengannaya, nampa assiagang ke'nanga a'lampa mange ri Mesir angngagangi assibuntulu' karaeng Mesir. Anjo karaenga nasaremi Hadad balla' siagang tampa' untu' pammantanganna siagang kaparalluang katallassang.

HABAKUK 3:3

IKatte Allata'ala Kaminang Matangkasa' battu ri Téman, iKatte battu ri pa'monconganna Paran. Langika nikalimbuki ri kalompoanTa; buttaya rassi siagang pammuji mae ri Katte.

PAMMILANGNGANG 10:12

Nampa a'le'basa'mo tu Israel a'lampa ambokoi parang lompona Sinai, nampa ammantang anjo rammanga ri wattunna battu ke'nanga ri parang lompona Paran.

PAMMILANGNGANG 11:35

Battu anjoreng allete'mi anjo bansaya mange ri daera Hazerot, nampa akkema ke'nanga ri anjo tampaka.

PAMMILANGNGANG 12:16

Nampa nabokoi ke'nanga Hazerot siagang mange akkema ri parang lompo Paran.

PAMMILANGNGANG 13:26

siagang assaremi laporang mae ri Musa, Harun siagang sikontu umma' Israel ia sitabanga nia' asse're ri Kades, ri parang lompo Paran. Nacaritami ke'nanga apa le'baka nacini' siagang napaccinikammi anjo rappo-rappoang naeranga ke'nanga.

PAMMILANGNGANG 13:3

Situru' anjo parentaNa Allata'ala, nasuromi Musa anjo ke'nanga battu ri parang lompo Paran. Yangasenna anjo taua massing pamimpinna suku-suku Israel, iamintu: Suku Pamimping Ruben Syamua ana'na Zakur Simeon Safat ana'na Hori Yehuda Kaleb ana'na Yefune Isakhar Yigal ana'na Yusuf Efraim Hosea ana'na Nun Benyamin Palti ana'na Rafu Zebulon Gadiel ana'na Sodi Manasye Gadi ana'na Susi Dan Amiel ana'na Gemali Asyer Setur ana'na Mikhael Naftali Nahbi ana'na Wofsi Gad Guel ana'na Makhi

PAMMILANGNGANG 32:19

Taerokai ikambe annarima manna pole sike'de' battu ri buttana ke'nanga ri ba'leanna Binanga Yordan, lanri le'ba'mi ikambe annarima bageang anrinni, irayanganna Binanga Yordan.”

PAMMILANGNGANG 32:32

Batara lampimpingi ikambe a'limbang mange ri pa'rasangang Kanaan siagang maju untu' a'bundu'; mingka anjo butta niaka irayanganna Binanga Yordan poro ikambe tuli ampatangi.”

PAMMILANGNGANG 32:5

napalaki ikambe sollanna nipassareang anne buttaya mae ri kambe untu' napatang ikambe. Teami suroi a'lette' ikambe ri ba'leanna Binanga Yordan.”

PAMMILANGNGANG 34:15

Anjo butta pisakana ke'nanga ri bageang rayanganna Binanga Yordan, ri ampi'na kota Yerikho.”

PAMMILANGNGANG 35:14

tallu ri bageang rayana Binanga Yordan nampa tallu todong ri butta Kanaan.

PAOLE 2:8

Nampa a'jappa tulusukki', nibokoi oloang mangea ri kota-kota Elat siagang Ezion-Geber mange ri Tamparang Matea, nampa a'lekko anrai' mange ri Parang Lompona Moab.

PAOLE 27:1

Nampa Musa siagang sikamma pamimpinna Israel, napabattumi anne pasang kammaya mae ri bansa Israel, “Turuki sikontu parenta kupassareanga mae ri kau anne alloa.

PAOLE 29:1

Iaminne kana-kana parjanjiang napareka Musa siagang bansa Israel situru' parentaNa Batara, ri wattunna nia' ke'nanga ri butta Moab. Anjo parjanjianga iamintu pannambai battu ri parjanjiang Napareka Batara siagang ke'nanga ri Moncong Sinai.

PAOLE 31:1

A'bicarami pole Musa mae ri bansa Israel,

PAOLE 33:2

“Niaki Batara battu ri Moncong Sinai; ammumba ri tompo'na Edom rapang allo. Battu ri Moncong Parangi ammumba untu' ansingari bansaNa. Nirurungang ri sampulo sa'bu malaeka'; a'rinra pepeka ri sa'ri kananNa kamma kila'.

PAOLE 5:1

Napasse'rei Musa sikontu bansa Israel, nampa nakana mae ri ke'nanga, “Sikamma sari'battangku ngaseng, pilangngerimi anne hukkung-hukkung kupassareanga mae ri kau ngaseng anne alloa. Pilajari baji'-baji' anjo hukkung-hukkunga, siagang tuli majarrekko anturuki.

YOSUA 22:4

Jari situru' janjinNa, le'ba'mi Nasare Karaeng Allata'alanu kasalewangngang anjo sikamma sari'battannu maraenga, parannu tu Israel. Jari, kamma-kamma anne ammotere' mako mange ri daera kalennu ri daera rayanganna Binanga Yordan, le'baka napassareang Musa mae ri kau pirangalloang.

YOSUA 3:16

ammantang memammi silalonna a'lo'loro' je'ne'na anjo binangaya. Bellai, irate ri bageang ulunna anjo binangaya, asse'remi je'ne'na ri Adam, iamintu se'reang kota niaka ammantang ri ba'leanna kota Sartan. Anjo je'ne' a'lo'loroka mange ri Tamparang Matea ammantang taba sikali, sa'genna akkullemo bansa Israel a'limbang irate ri butta kalotoroka assidallekanga siagang kota Yerikho. Anjo sikamma imang-imang ambulekai anjo Patti Parjanjianga tuli ammentenna ri tangnga-tangngana binangaya sa'genna battu ngaseng anta'le sikontu umma' Israel.

YOSUA 9:1

Tassiaraki anjo kabara'-kabara' pammetanna tu Israel sa'genna mae ri sikontu karaeng niaka ilaukanna Binanga Yordan, iamintu niaka ri daera pa'monconganga, ri bangkenna monconga, ri lappara' a'la'bua ri birinna Tamparang Tangngaya sa'genna mange ri Moncong Libanon bellana ri bageang wara'; kammayatompa karaeng-karaeng tu Het, tu Amori, tu Kanaan, tu Feris, tu Hewi siagang karaenna tu Yebus.

YOSUA 9:10

siagang apa Nagaukanga mae ri anjo ruaya karaeng Amori irayanganna Yordan, iamintu Karaeng Sihon ri Hesybon siagang Karaeng Og ri Basan ammantanga ri Asytarot.

1 SAMUEL 25:1

Tena nasallo, matemi Samuel. A'rappungang ngasemmi tu Israel untu' anghaderi pa'gaukang kasusaanga. Nampa nitarawang Samuel ri balla'na ri Rama. Le'baki anjo a'lampami Daud mange ri parang lompo Paran.