PANGNGEBARANG 9:7 - KITTA' MATANGKASA'

⁷ Punna tau taeroka niajara' nupicinikiang kasalanna, lanakakkaliko. Punna nukalarroi tau ja'dalaka, lanapakka'-pakkanaiko.

PANGNGEBARANG 9:7 Iomraidhean Croise

1 KARAENG-KARAENG 18:17

Ri wattu nacini'na Ahab anjo Elia, ammarrammi Ahab angkana, “Iaminne tau apparicua ri Israel!”

1 KARAENG-KARAENG 21:20

Nacini'na Ahab anjo Elia, nakanamo, “E musu, kale'bakkanna nugappa tonja'!” Appialimi Elia angkana, “Kammatojengi, nasaba' sanna' lompona pattujunta anggaukangi apa ja'dalaka ri dallekanNa Batara,

1 KARAENG-KARAENG 22:24

Jari majumi Na'bi Zedekia nampa a'reppese' ri Mikha na natempa ka'rang rupanna siagang nakana, “Antekamma olona laNabokoia' RohNa Batara nampa a'bicara ri kau?”

1 KARAENG-KARAENG 22:27

Suroi ke'nanga ampantamaki ri tarungkua, siagang sike'de'mo kanre siagang je'ne' inung sareangi, sa'gengku ammotere' siagang salama'.”

2 PATTOTTORANG 36:16

Mingka napare' karek-karenanji anjo sikamma tunisuroNa Allata'ala, siagang nakakkali na'bi-na'biNa, kammayatompa tena najampangi kana-kananNa. Kale'bakkanna sanna'mi larrona Batara mae ri ke'nanga, siagang takkulleami ke'nanga ta'lappasa' battu ri hukkunganNa Batara.

AYUB 5:17

Upakko punna Napasaileko Allata'ala! Teako la'ba pa'mai'nu punna Nacallako.

PANGNGEBARANG 13:1

Ana' cara'deka naparhatikangi punna nipakainga' ri manggena; tau borroa taerokai annarima pappasaile.

PANGNGEBARANG 15:12

Tau masarroa anghinai paranna tau, tanangaiyai nipasaile; kuttui appala' tangara' battu ri tau cara'deka.

PANGNGEBARANG 23:9

Teako appakaingaki tau tolo; tena nalanaanggara' anjo pappakainga'nu.

YESAYA 36:21

Nalangngere'na anjo, tenamo nappiali pandudu'na Yerusalem, saba' le'ba'mi niparentakang ke'nanga ri Karaeng Hizkia sollanna tena nakkana-kana ke'nanga.