PANGNGEBARANG 9:12 - KITTA' MATANGKASA'

¹² Punna kacara'dekang nupatang, ikau kalennu laupa'. Mingka punna nusorongboko kacara'dekanga, ikau tonji pole napakarugi.

PANGNGEBARANG 9:12 Iomraidhean Croise

AYUB 19:4

Ebara' angkana sala panggaukangku, tena olona ikau ngaseng lanapakarugi.

AYUB 22:21

Jari, Ayub, assiama' mako siagang Batara, sollanna nunggappa kasannangngang. Punna nugaukang kammaya anjo, mattantu anggappako kaupakkang.

PANGNGEBARANG 14:14

Tau ja'dalaka lanakattoi wassele' kaja'dallanna, tau bajika lanakattoi rappo kabajikanna.

PANGNGEBARANG 16:26

Kaparalluang untu' angnganre, iami saba' nausaha taua; lanri battanna, natarpassa anjama.

PANGNGEBARANG 19:29

Tau tolo tinggi langgaya mattantu laniba'ji.

YESAYA 28:22

Kulangngere'mi kaputusanNa Allata'ala Kaminang Tinggia siagang Kaminang Makoasaya, iamintu lanaancuruki sikontu pa'rasanganga. Teako callai anne kana-kana kupabattua, kana-kana pappakaingaka. Sallang la'bi sukkarrangngangi lanupata'lappasa' kalennu!

YEHEZKIEL 18:20

Inai tau doraka iami lamate. Anjo anaka tena namusti natanggongi dosana manggena; kabalekanna, manggena tena todong namusti natanggongi dosa-dosana ana'na. Tau bajika langgappai pahala baji' lanri panggaukang baji'na. Na tau ja'dalaka lanakasiaki sessaya lanri panggaukang ja'dala'na.

GALATIA 6:5

Nasaba' musti massing lanatanggongi kalenna tasse're-se'reang tau.

2 PETRUS 3:16

Anjo passalaka tuli napauna Paulus lalang ri sikamma sura' natulisika. Memang, nia' siapa are passala' anjo napaua lalang ri sura'na sukkara' nipahang. Na anjo tau tenaya napahangi siagang tenaya najarre' tappa'na, naputara' bale'mi anjo apa natulisika Paulus. Anjo ri kammaya tena niparallu lannasa'. Lanri kamma tomminjo panggaukanna ke'nanga mae ri bageang maraengannaya bonena Kittaka. Anjo panggaukang kammaya poro kapanrakang bawang wassele'na mae ri kalenna ke'nanga.