PANGNGEBARANG 8:5 - KITTA' MATANGKASA'

⁵ Ikau tenayapa pangalamannu, appilajarakko ampatangi pikkirang taranga; ikau toloa, appilajarakko a'jari insa'.

PANGNGEBARANG 8:5 Iomraidhean Croise

PAMMUJI 19:7

Najappai langika battu ri cappa' se'rea mange ri cappa' maraenga; tena tanitaba ri bambanna.

PAMMUJI 94:8

He bansaku, teako dongo' kammai anjo, appilajara' mako ampakei akkala'nu!

PANGNGEBARANG 1:22

“He tau dongoka! Siapa sallonu tuli lakamma? Kerepi wattu nanupammari ambawang-bawangngangi pangngassenganga siagang ansorongbokoi pappilajaranga?

PANGNGEBARANG 1:32

Tau tenaya pangalamanna lamatei lanri tanajampangia', kammayatompa tau toloa laancuruki lanri tanajampangia'.

PANGNGEBARANG 1:4

Naajaraki tau tenaya pangalamanna sa'genna a'jari tarang pikkiranna, kammayatompa tau rungkaya naajaraki a'jari tau cara'de' siagang appikkiri' kamma tau toa.

PANGNGEBARANG 3:35

Tau cara'deka pila' mabauki arenna, mingka tau toloa pila' nicallai.

PANGNGEBARANG 8:12

Inakkemi kacara'dekang; ri nakke nia' pammahang; kacara'dekang siagang pangngassengang.

PANGNGEBARANG 8:4

“He, umma' rupataua, makkioka' mae ri kau; tunggala' rupatau ri lino, parhatikangi anne pakkiokku!

PANGNGEBARANG 9:4

“Inai-nai tena pangalamanna, mae mako anrinni!” Mae ri tau tenaya akkala' baji'na, nakana kacara'dekanga,

YESAYA 42:13

Majui Batara a'bundu' rapang se're tubarani, rapang tantara lompo sumanga'na a'bundu'. Ammarrangi, akkio' ri pa'bundukang, na Napappicinikang kaporeanNa mae ri musua.

LAMPA-LAMPANA 26:18

untu' ansungkeangi matanna ke'nanga, sollanna akkulle assulu' ke'nanga battu ri sassanga nampa antama' ri singaraka; sollanna ta'lappasa' ke'nanga battu ri pangngajara' salana Billisika, nampa nikoasai ke'nanga ri Allata'ala. Na lanri tappa'na ke'nanga mae ri Nakke, naKupammopporammo dosa-dosana siagang la'jarimi ke'nanga umma'Na Allata'ala nipilea.’ ”

1 KORINTUS 1:28

Napilemi Allata'ala apa-apa nicini' rawaya, nicini' tunaya, yareka nicini' tenaya matu-matunna ri anne linoa, sollanna Naancu'-ancuru' Allata'ala apa-apa nicini' mala'birika ri anne linoa.