PANGNGEBARANG 8:4 - KITTA' MATANGKASA'

⁴ “He, umma' rupataua, makkioka' mae ri kau; tunggala' rupatau ri lino, parhatikangi anne pakkiokku!

PANGNGEBARANG 8:4 Iomraidhean Croise

PAMMUJI 50:1

Pammujina Asaf. Batara, Allata'ala Kaminang Koasaya, a'bicarai; akkioki mae ri sikontu linoa battu iraya sa'genna kalau'.

PANGNGEBARANG 8:3

Ri pakke'bu' lompoa, ri oloang antamaka ri kotaya, anjorengi kalangngerang sa'ranna, angkana,

PANGNGEBARANG 8:5

Ikau tenayapa pangalamannu, appilajarakko ampatangi pikkirang taranga; ikau toloa, appilajarakko a'jari insa'.

MIKHA 1:2

Pilangngeri, he sikamma bansa-bansaya! Parhatikangi, he pandudu'na sikontu linoa! Niaki battu Batara Kaminang Tinggia salaku sa'bi ambaliang ngasengko! Pilangngerimi a'bicara battu ri Balla' matangkasa'Na ri suruga.

MATIUS 11:15

Jari punna nia' tolinnu, pilangngerimi!

YOHANES 3:16

Nasaba' lanri Nakamaseang duduna Allata'ala rupataua ri lino, sa'genna Napassareammo Ana' sitau-tauNa, sollanna inai-nai tappa' ri Ia tena nalapanra', passangalinna lanagappai katallassang sitojennaya siagang mannannunganga.

KOLOSE 1:23

Mingka tantu musti tuli majarrekko tappa' siagang ammenteng kassa' ri katappakkannu. Gassingka nulappassangi anjo panrannuang le'baka nisareangko ri wattunna nutarima anjo Kabara' Baji' battua ri Allata'ala. Anjo kabaraka le'ba'mi nibirittakang mae ri sikontu taua ri lino. Na untu' iatommi anjo nainakke anne, iamintu Paulus, ku'jari palayang.

KOLOSE 1:28

Iaminjo Almasi nabirittakanga ikambe mae ri sikontu rupataua. Kipakainga'mi siagang kiajara' ngasemmi ke'nanga siagang baji'-baji'. Pattujunna ikambe iamintu sollanna akkulle ngaseng nierang rupataua mae ri Allata'ala, salaku tau baji'mo katallassang rohanina, lanri asse'renamo siagang Almasi.

PAPPICINI' 22:17

Nakanamo RohNa Allata'ala siagang Bunting Bainea, “Mae mako!” Sikamma allangngerekai musti angkana tongi, “Mae mako!” Inai-nai turere, battu mako mae! Siagang inai-nai ero' mae mako angngalle cuma-cuma je'ne' katallassang!