PANGNGEBARANG 8:15 - KITTA' MATANGKASA'

¹⁵ Sikamma karaenga kubantui anggaukangi pamarentahanga, sikamma tukoasaya kutulungi ampaentengi kaadelanga.

PANGNGEBARANG 8:15 Iomraidhean Croise

1 KARAENG-KARAENG 10:9

Nipujimi Batara, Allata'alata! Lalang Naangkatta a'jari karaeng Israel, Napappicinikammi Batara antekamma mangngaiNa mae ri katte. Tena le'ba'-le'ba'na Nakamaseang bansa Israel; Iaminjo saba'na na Naangkakki' a'jari karaenna ke'nanga, sollanna akkulle kipaenteng hukkunga siagang kaadelanga.”

1 KARAENG-KARAENG 3:28

Nalangngere'na bansa Israel anjo kaputusang le'baka natantukang lalang ri anjo parkaraya, lannasa'mi siagang angngali'mi ke'nanga ri ia. Nasaba' a'nassami angkanaya nisaremi pangngassengang mabaji' ri Allata'ala untu' a'gau' adele'.

1 KARAENG-KARAENG 3:9

Lanri kammana anjo Batara, poro Kisare laloa' pangngassengang mabaji', ia kuparalluanga untu' ammarenta ri anne ummatTa siagang adele', siagang untu' akkulle angngassengi angkanaya kerea baji' siagang kerea kodi. Punna tena nakamma, antekamma olona akkulle kuparenta anne ummatTa lompo kammaya?”

1 KARAENG-KARAENG 5:7

Sannang sikali nyawana Hiram nalangngere'na anjo kabaraka. Nakanamo, “Nipujimi Batara anne alloa, lanri Nasarena Daud sitau ana' bura'ne sannaka baji'na pangngassenganna untu' a'jari karaeng mae ri anjo bansa lompoa.”

1 PATTOTTORANG 28:5

Nasarea' jai ana', na battu ri sikontua anakku Napilemi Salomo untu' ammarenta ri Israel, kakaraenganNa Batara.

2 PATTOTTORANG 1:10

Lanri kammana anjo, poro Kisare laloa' kacara'dekang baji' siagang pangngassengang kuparalluanga untu' ampimpingi ke'nanga. Punna tena nakamma, antemi kamma bateku lakulle amparentai anne ummatTa lompo kammaya?”

2 PATTOTTORANG 1:11

Appialimi Allata'ala ri Salomo angkana, “Anjo pappala'nu bajiki. Teai kakalumanynyangngang yareka pa'barang-barangngang yareka areng baji' yareka kamateanna musunnu yareka umuru' la'bu untu' kalennu nupala', passangalinna kacara'dekang baji' siagang pangngassengang untu' ammarenta ri ummakKu Kupappirannuanga mae ri kau.

PAMMUJI 2:10

Jari parhatikangi, ikau sikamma karaeng, paripa'maiki, ikau sikamma pinggawana lino!

PAMMUJI 99:4

Ri Kattemi kakoasanga, o, Karaeng mangngaia ri hukkung; iKatte ampaentengi katojenganga; iKatte ampajappai hukkunga siagang kaadelanga ri Israel.

PANGNGEBARANG 29:4

Punna naparhatikang pamarentaya kaadelanga, lakassaki pa'rasanganna. Mingka punna doe' bawang naparalluang, laruntungi pa'rasanganna.

PANGNGEBARANG 8:16

Lanri jasaku, sikamma tumalompoa siagang bija karaenga ammarenta siagang napajappa kaadelanga.

YESAYA 1:26

LaKusare poleangko haking-haking siagang tumappakainga' kamma riolo. Nalaniaremmo Yerusalem kota adele' siagang majarre' ri tappa'na.”

YEREMIA 33:15

Ri anjo wattua nia' se're tau adele' battu ri jari-jarina Daud laKupile a'jari karaeng. Anjo karaenga lanagaukangi apa adeleka ri sikontu pa'rasanganga.

DANIEL 2:21

Iami ampattantui wattua siagang jammanga, Ia antu'gurangi siagang allantiki pamarentaya. Ia todong assarei kacara'dekang, siagang assarei pammahang.

DANIEL 4:25

Lanibongkai karaengku battu ri pa'rappunganna rupataua nampa attallasa' ri alla'na olo'-olo' niaka ri paranga. Lalang tuju taung langnganreki' ruku' kamma sapi karaeng, siagang attinroki' ri parang tassungkea, sa'genta lanibasai ri allung. Le'baki anjo lakianimi karaeng, angkanaya Allata'ala Kaminang Tinggia makoasa mae ri kakaraenganna rupataua, siagang anjo kakaraenganga Napassareangi mae ri nai-nai Napilea.

DANIEL 4:32

Lanibongkako battu ri pa'rappunganna rupataua, nampa attallasakko siagang olo'-oloka ri paranga. Lalang tuju taung langnganreko ruku' sangkamma sapi. Le'baki anjo lanumangakuimi angkanaya Allata'ala Kaminang Tinggia makoasa mae ri kakaraenganna rupataua siagang anjo kakaraenganga nipassareangi mae ri nai-nai Napilea.”

MATIUS 28:18

A'reppese'mi Isa ri ke'nanga, na Nakana, “Sikontu koasaya, ri suruga siagang ri linoa le'ba' ngasemmi nipassareang ri Nakke.

ROMA 13:1

Yangasenna taua musti mannuruki mae ri pamarentaya; nasaba' tena pamarenta tabattua ri Allata'ala kakoasanna. Siagang anne pamarenta ri kamma-kammaya anne, napajappai kakoasanna situru' Napassuroanga Allata'ala.

PAPPICINI' 19:11

Tassungkei kucini' surugaya, nampa nia' kucini' sikayu jarang kebo'. PabaeNa niarengi I Tamamminraya siagang I Tojeng. Adeleki hukkungang Natappukia siagang pa'bundukang Nagaukanga.

PAPPICINI' 19:16

Ri jubaNa siagang ri bongganNa nia' tattulisi' areng kammaya anne, “Karaenna sikamma karaenga, siagang Batarana sikamma tumalompoa.”

1 SAMUEL 16:1

Siapa are wattu ribokoanganna, Nakanamo Batara mae ri Samuel, “Siapapi sallonu lasi'na pa'mai' passabakkang Saul? Sai ia tenamo naniakui salaku karaeng Israel? Kamma-kamma anne angngalleko minynya' zaitun, siagang a'lampako mange ri Betlehem, mange ri se'reang tau niarenga Isai, nasaba' kalase'renna ana'na Kupilei a'jari karaeng.”

1 SAMUEL 9:17

Nacini'na Samuel anjo Saul, Nakanamo Batara ri ia, “Iaminne anjo tau Kupaua ri kau. Iami lammarenta ri ummakKu.”