PANGNGEBARANG 7:1 - KITTA' MATANGKASA'

¹ U'rangi laloi kana-kanangku, ana', siagang teako kaluppai apa kuparentakanga mae ri kau.

PANGNGEBARANG 7:1 Iomraidhean Croise

AYUB 22:22

Tarimai apa Napangngajarranga Batara mae ri kau; boli' ngasengi anjo lalang ri pa'mai'nu.

PANGNGEBARANG 1:8

Parhatikangi kananna anrong manggenu, anakku,

PANGNGEBARANG 10:14

Tau cara'deka appasse'rei pangngassengang; punna tau toloa a'bicara, bala nakio'.

PANGNGEBARANG 3:1

Teako takkaluppai ri apa le'baka kuajarrangko, ana'. Tuli u'rangi parentaku,

PANGNGEBARANG 4:21

Teako pelakki, passangalinna tuli boliki ri pa'mai'nu.

PANGNGEBARANG 5:5

Nare'resangko naung ri linona tau matea; oloang naoloa iamintu oloang lamange ri kamateanga.

PANGNGEBARANG 6:20

Ana', gaukang laloi apa napassuroanga manggenu, siagang teako kaluppai sikamma pappakainga'na amma'nu.

PANGNGEBARANG 6:35

Takkulleai ninyonyo' siagang doe'; manna siapa jaina hadia nisareangi talakkullei ampanaungi larrona.

LUKAS 11:28

Mingka appialimi Isa Nakana, “La'bi upakkangangi pole tau allangngerekai siagang anggaukangi kana-kananNa Allata'ala!”

LUKAS 8:15

Anjo bine takkioroka ri butta copponga, iaminjo pangngebaranna tau allangngerekai anjo kabaraka, nampa naboli' baji' siagang attojeng-tojeng lalang ri atinna ke'nanga. Attahangi ke'nanga, sa'genna sanrapangi ke'nanga poko' kayu a'rappoa.”

YOHANES 14:23

Appialimi Isa Nakana, “Inai-nai angkamaseangA', lanaturuki ajarangKu. Lanikamaseangi ri ManggeKu. LaniakKa' siagang Manggea battu mae ri ia, ammantang anrurungangi.

YOHANES 15:20

U'rangi apa le'baka Kupau mae ri kau, angkanaya, ‘Tena nalompoangang se'rea ata na karaenna.’ Punna iNakke nasessaMa' ke'nanga, lanasessa ngaseng tommako ke'nanga. Punna naturuki ke'nanga ajarangKu, lanaturuki tongi ke'nanga ajarannu.

PAOLE 11:28

Mingka lanitunraiko punna tena numannuruki mae ri parenta-parentaNa Karaeng Allata'alanu, passangalinna ta'gilingko untu' anynyomba ri rewata-rewata maraenga ia tenaya nale'ba' nusomba.

PAPPICINI' 1:3

Maupaki tau ambacayai siagang tau allangngerekai biritta napau la'bi rioloa anne kittaka, kammayatompa nanaturuki apa niaka tattulisi' ilalang. Nasaba' tasalloami nalakajariang ngaseng anne sikammaya.

PAPPICINI' 22:9

mingka nakanamo mae ri nakke, “Teako! Teako anynyombai ri nakke! Allata'alamo nusomba! Nasaba' inakke ata tonja' sangkamma ikau, sangkamma sikontu sari'battannu na'bi-na'bia, kammayatompa sikontu tau amparhatikangai sikamma pappakaingaka lalang ri anne kittaka!”